Bitib
Stokda olanda mənə xəbər verin.Təsiredici maddə: 1 tabletin tərkibində 10 mq rizatriptan (14,53 mq rizatriptan benzoat şəklində) vardır.
Miqren tutmalarında baş ağrısı fazasının təxirəsalınmaz terapiyası, aura ilə və ya aurasız.
Rizatriptana və ya istənilən köməkçi maddəyə qarşı yüksək həssaslıq. MAO-nun inhibitorları ilə eyni vaxtda istifadə, yaxud da MAO inhibitorları ilə müalicə bitdikdən sonra 2 həftə müddətində istifadə olunması. Ağır qaraciyər və ya ağır böyrək çatışmazlığı. Beyində qan dövranının pozulması və ya anamnezdə tranzitor işemik həmlə.
Orta və ya ağır dərəcəli arterial hipertenziya, həmçinin müalicə olunmamış yüngül arterial hipertenziya. Koronar arteriyaların müəyyən edilmiş xəstəliyi, o cümlədən ürəyin işemik xəstəliyi (stenokardiya, anamnezdə miokard infarktı və ya qeydə alınmış simptomsuz işemiya), ürəyin işemik xəstəliyinin və ya Prinsmetal stenokardiyasının əlamətləri. Periferik qan damarlarının xəstəliyi. Rizatriptan və erqotaminin, həmçinin göbələk alkaloid törəmələrinin (me tisergid daxil olmaqla) və ya 5HT 1B/1D reseptorlarının digər aqonistlərinin eyni vaxtda istifadə olunması.
Reproduktiv funksiya İnsanın reproduktiv funksiyasına təsiri öyrənilməmişdir. Məlumdur ki, heyvanlar üzərində aparılmış araşdırmada reproduktiv funksiyaya qarşı minimal təsir olduğu müəyyən edilmişdir və bu zaman qanın plazmasında konsentrasiya insanlar üçün terapevtik konsentrasiyadan çox yüksək olmuşdur (500 dəfədən çox). Hamiləlik zamanı istifadə Rizatriptanın hamilə qadınlarda istifadəsinin təhlükəsizliyi müəyyən edilməmişdir. Məlumdur ki, embrionun/dölün inkişaf etməsi və ya hamiləliyin gedişatı, doğuş və doğuşdan sonrakı inkişaf kimi amillər nəzərə alınmış heyvanlarda aparılmış araşdırmalar zamanı insanlar üçün terapevtik konsentrasiyadan yüksək olan dozanın zərərli təsirə malik olduğu müəyyən edilməmişdir.
Heyvanlarda reproduktiv funksiya və borudaxili inkişaf üzrə aparılan araşdırmalarda insan orqanizminin reaksiyasını əvvəlcədən müəyyənləşdirmək heç də hər zaman mümkün olmadığı üçün, rizatriptan hamiləlik müddətində ancaq çox zəruri hallarda təyin edilməlidir. Laktasiya dövründə istifadə Tədqiqatlar göstərmişdir ki, rizatriptan yüksək miqdarda ana südünə nüfuz edir. Ana südü ildə qidalanan körpə bədən kütləsinin qısa müddətdə və cüzi olaraq azalması ancaq o zaman müşahidə edilmişdir ki, ananın orqanizminə sistemli təsir insanlar üçün maksimum təsir səviyyəsindən artıq olmuşdur. İnsanlara dair məlumatlar yoxdur.
Beləliklə, laktasiya dövründə olan qadınlara rizotriptan ehtiyatla təyin olunmalıdır. Körpə uşağa olan təsiri preparatın qəbulundan sonra 24 saat müddətində ana südü ilə qidalandırmadan qaçınaraq minimuma endirmək olar.
Bəzi pasientlərdə miqren və ya rizatriptanın istifadəsi yuxulu vəziyyət yarada bilər. Həmçinin, bildirilmişdir ki, rizatriptan qəbul edən bəzi pasientlərdə başgicəllənmə yaranmışdır. Buna görə də, miqren tutmaları zamanı və rizatriptan qəbulundan sonra pasiyentlər mürəkkəb tapşırıqları yerinə yetirmək bacarıqlarını dəyərləndirməlidirlər.
Daxilə qəbul edilir. Rizopsin Asino profilaktika məqsədilə qəbul oluna bilməz. Tabletlər bütöv şəkildə, su ilə udulmalıdır. Qida qəbulunun təsiri: qida ilə yanaşı qəbulu zamanı rizatriptanın absorbsiyası təxminən 1 saat ləngiyir.
Bu səbəbdən preparatın toxluq vəziyyətdə qəbulu halda onun təsirinin gecikməsi qeyd oluna bilər (həmçinin “Farmakoloji xüsusiyyətləri” bölməsinə bax). Tövsiyə olunan doza – 10 mq. Təkrar qəbul: növbəti dozanı 2 saatdan tez olmayaraq qəbul etmək lazımdır; 24 saat müddətində ən çox 2 doza qəbul etmək olar. - Növbəti 24 saat ərzində təkrar baş ağrısı olarsa: əgər ilkin tutma keçdikdən sonra baş ağrısı yenidən təkrarlanarsa, əlavə bir doza da qəbul etmək olar.
Yuxarıda göstərilən doza normalarına əməl etmək vacibdir. - Əgər effekt yoxdursa: ilkin doza effektiv olmadıqda eyni tutmanın müalicəsi üçün təkrar dozanın effektivliyi rizatriptan araşdırmasında müəyyən edilməmişdir. Beləliklə, əgər ilk dozanın qəbulundan sonra pasientdə terapevtik effekt müşahidə edilmirsə, məhz həmin tutmanın müalicəsi üçün ikinci dozanı qəbul etmək olmaz. Rizatriptan araşdırmaları göstərmişdir ki, hətta bir tutma zamanı terapevtik effekt olmasa belə, növbəti tutmalar zamanı terapevtik effektin yaranacağı ehtimalı var.
Bəzi pasiyentlərdə, xüsusən də aşağıdakı qrup pasientlərdə Rizopsin Asino aşağı dozada (5 mq) verilməlidir: - propranolol qəbul edən pasientlər. Rizatriptan propranololun qəbulundan ən az 2 saat sonra qəbul edilməlidir; - yüngül və orta dərəcəli böyrək çatışmazlığı olan pasiyentlər; - yüngül və orta dərəcəli qaraciyər çatışmazlığı olan pasiyentlər. İki doza arasında ən az 2 saat keçməlidir; 24 saat müddətində ən çox 2 doza qəbul etmək olar. 65 yaşdan yuxarı pasiyentlər Rizatriptanın 65 yaşdan yuxarı pasiyentlər tərəfindən qəbul edilməsinin effektivliyi və təhlükəsizliyi sistemli şəkildə öyrənilməmişdir.
AZ − AZN
