Bitib
Stokda olanda mənə xəbər verin.Təsiredici maddə: 1 flakonda 1 q seftriakson, 500 mq sulbaktam vardır (steril seftriakson natrium və steril sulbaktam natriuma müvafiq). Həlledici: inyeksiya üçün steril su.
Sanoktam seftriakson natriuma həssas patogenlərin törətdiyi infeksiyalar zamanı təyin edilir və sepsis, meningit, abdominal infeksiyalar zamanı (məsələn, peritonit, öd yollarının infeksiyası) klinik şəraitdə, sümüklərin, oynaqların, yumşaq toxumaların, dəri və yarada olan infeksiyaların, böyrək və sidik yollarının infeksiyaları, tənəffüs yollarının infeksiyaları, xüsusilə pnevmoniya, qulaq, burun və boğaz infeksiyaları və ağırlaşmamış qonoreyanın müalicəsində istifadə edilə bilər. Sanoktam eyni zamanda əməliyyat öncəsi infeksiyaların profilaktikası üçün istifadə edilə bilər. Əməliyyatdan əvvəl istifadə edilən bir doza əməliyyat sonrası infeksiya riskini azalda bilər.
Sefalosporin qrupu antibiotiklərinə və köməkçi maddələrə qarşı məlum allergiyası olan xəstələrdə Sanoktamın istifadəsi əks göstərişdir. Penisillinə qarşı yüksək həssaslığı olan pasiyentlər, çarpaz allergik reaksiyaların baş verməsinə meyilli ola bildiyindən əks göstərişdir. Seftriaksonun istifadəsi, həmçinin, əks göstərişdir: • postmenstrual yaşı 41 həftəyə qədər olan yarımçıq doğulmuş yenidoğulmuşlara (hestasion yaşı + xronoloji yaş)*. • Vaxtında doğulmuş yenidoğulmuşlara (yaşı 28 günlük olana qədər): - hiperbilirubinemiyalı, sarılıq və ya hipoalbuminemiya və ya asidozlu olanlar (belə ki, bu vəziyyətlərdə bilirubin ilə birləşmə pozulur*); - seftriakson-kalsium duzunun çökməsi riski olduğu üçün kalsiumun venadaxili istifadəsi və ya kalsium tərkibli infuziyanın aparılmasına ehtiyac olduqda (və ya ehtimal olunduqda) (“Xüsusi göstərişlər və ehtiyat tədbirləri” və “Əlavə təsirləri” bölmələrinə bax); *İn vitro tədqiqatlar göstərmişdir ki, seftriakson qan zərdabında bilirubini albuminlə birləşmə yerindən sıxışdırıb çıxara bilər, bu isə belə xəstələrdə bilirubin ensefalopatiyasının potensial riskinə gətirib çıxarır.
Həlledici kimi lidokain məhlulundan istifadə olunduqda, seftriaksonun əzələdaxili inyeksiyasından əvvəl lidokainin istifadəsinə görə əks göstəriş hallarını istisna etmək lazımdır. Lidokain tərkibli seftriakson məhlullarını venadaxili istifadə etmək olmaz.
Siçanlar və siçovullarda çox yüksək dozalarda seftriaksonla bağlı reproduktiv tədqiqatlar aparılmışdır. Embriotoksiklik, fetotoksiklik və ya teratogenlik əlamətləri müşahidə edilməmişdir. Bununla belə, hamilə qadınlarda adekvat və yaxşı nəzarət edilən tədqiqatlar olmadığından və reproduktiv heyvan tədqiqatları həmişə insanın reaksiyasını əks etdirmədiyinə görə, bu dərman vasitəsi hamiləlik dövründə yalnız aydın şəkildə ehtiyac olduqda istifadə edilməlidir. Seftriakson aşağı konsentrasiyalarda olsa da, ana südünə ifraz olunduğundan, süd verən analarda ana və uşaq üçün fayda-risk nisbətini nəzərə almaqla, seftriaksonla müalicənin və ya ana südü ilə qidalandırmanın dayandırılmasının mümkünlüyü məsələsini nəzərdən keçirmək lazımdır.
Sanoktam müalicə zamanı arzuolunmaz təsirlər (məsələn, başgicəllənmə) baş verə bilər ki, bu da nəqliyyat vasitələrini və mexanizmləri idarə etmə qabiliyyətinə təsir göstərə bilər. Pasiyentlər nəqliyyat vasitəsi idarə edərkən və ya potensial təhlükəli mexanizmlərlə işləyərkən diqqətli olmalıdırlar.
Sanoktam venadaxili və ya əzələdaxili istifadə edilə bilər. Seftriakson və Sulbaktamın dozası seftriakson dozasının ekvivalentliyinə əsaslanır (1 q seftriakson 1,5 q Sanoktama ekvivalentdir). Böyüklər Normal böyrək funksiyası olan böyüklər üçün gündəlik doza gündə bir dəfə yeridilən 1-2 qram seftriaksona ekvivalentdir (və ya 12 saat fasilə ilə yeridilən iki bərabər bölünmüş dozada). Doza infeksiyanın növündən və şiddətindən asılıdır (Seftriaksonun ümumi gündəlik dozası 4 qramdan çox olmamalıdır).
Böyrək çatışmazlığı olan xəstələrdə Sanoktamın dozası Böyrək funksiyasının nəzərəçarpacaq dərəcədə azalması (kreatinin klirensi 30 ml/dəq-dən az) olan xəstələrdə sulbaktamın azaldılmış klirensini kompensasiya etmək üçün Sanoktamın dozası tənzimlənməlidir. Kreatinin klirensi 15-30 ml/dəq olan xəstələr hər 12 saatdan bir maksimum 1 q Sulbaktam qəbul etməlidirlər (gündəlik maksimal 2 q Sulbaktam dozası). Kreatinin klirensi 15 ml/dəq-dən az olan xəstələr isə hər 12 saatdan bir 500 mq Sulbaktam qəbul etməlidirlər. Pediatrik xəstələr 15 gün – 12 yaş arası (<50kq): Dəri və yumşaq toxumalardakı infeksiyalarının müalicəsi üçün: Seftriaksonun tövsiyə olunan ümumi gündəlik dozası (ekvivalent) gündə bir dəfə (və ya 12 saat fasilə ilə iki bərabər bölünmüş dozada) 50-75 mq/kq təşkil edir.
Ümumi gündəlik doza 1 q-dan çox olmamalıdır. Orta qulağın kəskin bakterial iltihabının müalicəsi üçün seftriaksonun əzələdaxili birdəfəlik ekvivalent dozası 50 mq/kq-dır (1 q-dan çox olmamalıdır). Digər ciddi infeksiyaların (meningitdən başqa) müalicəsi üçün tövsiyə olunan ümumi gündəlik doza (seftriaksona ekvivalent) iki bərabər bölünmüş dozada hər 12 saatdan bir yeridilən 50-75 mq/kq təşkil edir. Ümumi gündəlik doza (seftriaksona ekvivalent) 2 q-dan çox olmamalıdır.
Sulbaktamın gündəlik dozası 25-50 mq/kq təşkil edir. Meningit İlkin müalicəvi dozanın (Seftriaksona ekvivalent) 80-100 mq/kq (4 qramdan çox olmamaqla) olması tövsiyə olunur. Gündəlik doza (seftriakson baxımından) gündə bir dəfə (və ya hər 12 saatdan bir iki bərabər bölünmüş dozada) tətbiq oluna bilər. Ümumiyyətlə, seftriakson müalicəsi infeksiyanın əlamətləri və simptomlarının yox olması ilə müşayiət olunan sağalmadan sonra ən azı 2 gün davam etdirilməlidir.
Ağırlaşmış infeksiyalarda daha uzun müddətə müalicə tələb olunmasına baxmayaraq, müalicənin adi müddəti 4-14 gündür. Streptococcus pyrogens-in səbəb olduğu infeksiyaların müalicəsi ən azı 10 gün davam etdirilməlidir. Böyrək və ya qaraciyər funksiyası pozulmuş pasiyentlər üçün doza tənzimlənməsinə ehtiyac yoxdur; lakin, ağır böyrək çatışmazlığı (məsələn, dializ xəstələri) və böyrək və qaraciyərin birgə disfunksiyaları olan xəstələrdə qan parametrlərinin səviyyəsinə nəzarət edilməlidir.
AZ − AZN
