Bitib
Stokda olanda mənə xəbər verin.Təsiredici maddə: 50 mq və ya 100 mq spironolakton, 20 mq furosemid vardır.
Aldosteron ifrazının artması (hiperaldosteronizm) və aşağıdakı xəstəliklər üçün əvvəlki diuretik terapiya tədbirlərinin qeyri-kafi olması səbəbindən elektrolit balansının pozğunluğu olan pasiyentlərdə ödem sindromu və assitlər: ödem sindromu və ağciyərlərdə durğunluq halları ilə ürək çatışmazlığı; qaraciyər xəstəlikləri ilə əlaqəli assitlər (məsələn, qaraciyər sirozu); nefrotik sindrom zamanı ödem (əsas xəstəliyin müalicəsinə əlavə olaraq). Semilakt preparatı böyüklərdə istifadə üçün göstərişdir.
Təsiredici maddələrə, sulfanilamidlərə və ya preparatın hər hansı köməkçi maddəsinə qarşı hiperhəssaslıq; anuriya ilə böyrək çatışmazlığı (furosemid ilə terapiyaya qarşı cavabın olmaması); ağır böyrək çatışmazlığı (kreatinin klirensi 30 ml/dəq /1,73 m2 bədən səthinə, bu qan zərdabında 1,8-2 mq/100 ml kreatinin səviyyəsinə uyğundur); hepatik ensefalopatiya ilə əlaqəli koma və prekoma; hiperkaliemiya və ya ağır hipokaliemiya; ağır hiponatriemiya; hipovolemiya və ya dehidratasiya; Addison xəstəliyi;
Sulfonamidlərə (məsələn, sulfanilamid antibiotiklərinə və ya sulfonilsidik cövhəri törəmələrinə) qarşı allergiyası olan pasiyentlərdə furosemidə çarpaz hiperhəssaslıq yarana bilər.
Xüsusi göstərişlər və ehtiyat tədbirləri Preparatın istifadəsi zamanı qan zərdabında elektrolitlərin (xüsusilə kalium, natrium, kalsium), bikarbonatların, kreatinin, sidik cövhəri və sidik turşusunun səviyyəsinin, həmçinin qanda qlükoza səviyyəsinin müntəzəm monitorinqi aparılmalıdır. Preparatla müalicəyə başlamazdan əvvəl ağır hipokaliemiya aradan qaldırılmalıdır. Elektrolit pozğunluqları və ya əhəmiyyətli maye itkisinin (məsələn, qusma, diareya və ya həddindən artıq tərləmə) inkişaf riski yüksək olan pasiyentlərin ciddi monitorinqi təmin edilməlidir. Hipovolemiya və ya susuzlaşma və elektrolit və ya turşu-qələvi balansında əhəmiyyətli pozğunluqları aradan qaldırmaq lazımdır, çünki yuxarıda göstərilən pozğunluqlarda preparatla müalicəni müvəqqəti dayandırmaq tələb oluna bilər. Sidiyə getmənin artması ilə əlaqəli çəki itkisi, sidiyə getmənin miqdarından asılı olmayaraq, gündə 1 kq/sutkadan çox olmamalıdır. Preparatla müalicənin bütün müddəti ərzində sidiyin düzgün ifrazını təmin etmək lazımdır, əks halda sidiyin əmələ gəlməsinin artması arzuolunmaz nəticələrlə əlaqələndirilə bilər. Aşağıdakı pasiyentlərdə xüsusilə diqqətli monitorinq aparılmalıdır: hipokaliemiya ilə; böyrək funksiyasının pozğunluğu ilə (kreatinin klirensi 30-80 ml/dəq və ya zərdab kreatinin səviyyəsi 1,3-1,8 mq/100 ml) (hiperkaliemiya riskinin artması); arterial hipotenziya ilə; arterial hipotenziyanın yüksək inkişaf riski ilə (məsələn, beyin qan dövranının pozğunluqları və ya ürəyin işemik xəstəliyi olan pasiyentlər); asidoz ilə; latent və ya manifest şəkərli diabet ilə; podaqra ilə; hipoproteinemiya ilə; sidik ifrazınınn pozulması ilə (məsələn, sidik kisəsinin boşalmasının pozulması, prostat vəzinin hipertrofiyası, hidronefroz, uretranın stenozu); nefrotik sindromla (əlavə təsirlərin artması riski və bu səbəbdən preparatın dozası ehtiyatla artırılmalıdır; furosemidin təsirini zəiflətmək və ototoksikliyini artırmaq mümkündür); qaraciyər sirrozu və böyrək funksiyasının pozğunluğu ilə (hepatorenal sindrom). Başgicəllənmə, bayılma və ya huşun itirilməsi ilə müşayiət olunan simptomatik arterial hipotenziya, furosemid ilə müalicə alan pasiyentlərdə, xüsusən yaşlı pasiyentlərdə, arterial hipotenziyanın inkişafına səbəb ola biləcək digər preparatlarla müalicə alan pasiyentlərdə və arterial hipotenziya inkişaf riski ilə əlaqəli digər xəstəlikləri olan pasiyentlərdə baş verə bilər. Kreatinin klirensi bədən səthinin 60 ml/dəq/1,73 m2-dən az olan və ya qan zərdabında kreatinin səviyyəsi 1,5 mq/100 ml-dən çox olan böyrək funksiyasının pozğunluğu olan pasiyentlərdə, həmçinin preparatın qanda kalium səviyyəsinin artmasına səbəb ola biləcək preparatlarla kombinasiyada istifadəsi zamanı zərdab kalium səviyyəsinin diqqətlə monitorinqi aparılmalıdır. Metastatik kastrasiyaya rezistent prostat xərçəngi olan bəzi pasiyentlərdə spironolakton terapiyası zamanı xəstəliyin proqressivləşməsi müşahidə olunur. Spironolakton androgen reseptorlarına bağlanır və onun istifadəsi qanda prostata xas antigenin (PSA) konsentrasiyasını artıra bilər. Furosemid ilə müalicə zamanı hipovolemiya və ya susuzlaşma inkişaf edən pasiyentlərdə qeyri- steroid iltihabəleyhinə preparatların (QSİƏP) qəbulu zamanı kəskin böyrək çatışmazlığı baş verə bilər. Furosemidin istifadəsi hipokaliemiyanın inkişafı ilə müşayiət oluna biləcəyi üçün pasiyentlərə yüksək kalium (yağsız ət, kartof, banan, pomidor, gül kələm, ispanaq, quru meyvələr və s.) tərkibli pəhrizə riayət etmək tövsiyə olunur. Furosemidlə uzun müddətli terapiya zamanı pasiyentlər tiamin qəbul etməlidirlər, çünki furosemid qəbulu zamanı tiamin çatışmazlığı tez-tez böyrəklər tərəfindən ifrazının artması səbəbindən qeyd olunur, bu da ürək disfunksiyasının inkişafı ilə müşayiət oluna bilər. Spironolakton və onun metaboliti kanrenoat müəyyən diaqnostik testlərin nəticələrinə (məsələn, radioimmun analizi ilə qan diqoksin səviyyəsinin təyini) müdaxilə edə bilər.
Spironolakton səs dəyişikliklərinə səbəb ola bilər, bu səbəbdən preparatı səsi peşəkar əhəmiyyət kəsb edən pasiyentlərə (məsələn, aktyorlar, müğənnilər, müəllimlər) təyin edərkən xüsusi diqqət yetirilməlidir. Spironolaktonun hiperkaliemiyaya səbəb olan preparatlarla eyni vaxtda istifadəsi ağır hiperkaliemiyanın inkişafı ilə müşayiət oluna bilər. Risperidonun eyni vaxtda istifadəsi Demensiyası olan yaşlı pasiyentlərdə risperidon ilə aparılan plasebo-nəzarətli tədqiqatlarda, risperidon monoterapiya qrupları ilə (3,1%; orta yaş 84 yaş, diapazon 70-96 yaş) və ya furosemid monoterapiyası (4.1%; orta yaş 80 yaş, diapazon 67-90 yaş) müqayisədə furosemid və risperidonla müalicə qruplarında (7,3%; orta yaş 89 yaş, diapazon 75-97 yaş) ölüm hallarında artım müşahidə edilmişdir. Risperidonun və digər diuretiklərin (əsasən aşağı dozada tiazid diuretikləri) eyni vaxtda istifadəsi oxşar nəticələrə səbəb olmamışdır. Bu nəticələri izah edən heç bir patofizioloji mexanizm tapılmamışdır. Yuxarıdakı dərman vasitələrinin kombinasiyasını istifadə etməzdən və ya risperidonu digər güclü diuretiklərlə istifadəsindən əvvəl risk/fayda nisbəti qiymətləndirilməlidir. Risperidonu digər diuretiklərlə birlikdə qəbul edən pasiyentlərdə ölüm hallarında artım müşahidə edilməmişdir. Müalicədən asılı olmayaraq, susuzlaşma ölüm üçün ümumi risk faktorudur, bu səbəbdən demensiyalı yaşlı pasiyentlərdə susuzlaşmadan qaçınmaq lazımdır. Preparatın istifadəsi zamanı sistem qırmızı qurd eşənəyi xəstəliyinin kəskinləşməsi və ya aktivləşməsi riski vardır. Vaxtından əvvəl doğulmuş körpələrdə böyrək funksiyasına nəzarət edilməli və böyrəklərin ultrasəs müayinəsi (ultrasəs) aparılmalıdır (nefrokalsinoz/nefrolitiazın inkişaf riski). Köməkçi maddələr haqqında xüsusi məlumat Semilakt preparatının tərkibində laktoza vardır, bu səbəbdən qalaktozaya qarşı dözümsüzlük, laktaza çatışmazlığı və ya qlükoza-qalaktoza malabsorbsiyası ilə xarakterizə olunan nadir irsi xəstəlikləri olan pasiyentlər bu preparatı qəbul etməməlidirlər. Semilakt preparatının hər tabletində 1 mmol-dan (23 mq) az natrium vardır, yəni praktiki olaraq "tərkibində natrium yoxdur".
Digər dərman vasitələri ilə qarşılıqlı təsiri Furosemid ilə əlaqəli qarşılıqlı təsirlər Təsirin zəifləməsi QSİƏP-lər, o cümlədən asetilsalisil turşusu (AST) Furosemidin antihipertenziv təsirini azaldılması mümkündür. QSİƏP-lərin istifadəsi dehidratasiya və ya hipovolemiyası olan pasiyentlərdə kəskin böyrək çatışmazlığının inkişafı ilə müşayiət oluna bilər. Furosemid salisilatların toksik təsirini gücləndirə bilər. Fenitoin Sukralfat Həzm sistemində furosemidin sorulmasının azalması. Preparat ən azı 2 saat fasilə ilə qəbul edilməlidir. Aliskiren Aliskiren peroral qəbul edildikdə furosemidin plazma konsentrasiyasını azaldır. Aliskiren ilə eyni vaxtda terapiyanın başlanğıcında və dozanın tənzimlənməsi zamanı furosemidin diuretik təsirinə nəzarət etmək tövsiyə olunur. Effektin güclənməsi Antihipertenzivlərin, diuretiklərin və ya qan təzyiqini aşağı salma potensialı olan preparatların furosemid ilə kombinasiyada istifadəsi zamanı qan təzyiqinin daha da azaldılması gözlənilir. Qan təzyiqinin kəskin azalması, o cümlədən şokun inkişafı və böyrək funksiyasının pisləşməsi (bəzi hallarda kəskin böyrək çatışmazlığı inkişaf etmişdir), xüsusən də angiotensin çevirici fermentinin inhibitoru (AÇF inhibitoru) və ya angiotenzin II reseptorunun blokatorunun ilk dəfə və ya daha yüksək dozada istifadəsi zamanı qeyd olunmuşdur. AÇF inhibitorları və ya angiotenzin II reseptor blokatorları ilə terapiyaya başlamazdan üç gün əvvəl furosemidin qəbulunu müvəqqəti dayandırmaq və ya onun dozasını azaltmaq və ya sonuncunun dozasını artırmaq lazımdır. Anestetiklər, kurarebənzər miorelaksantlar
Miorelaksant təsirinin gücləndirilməsi və uzadılması və ya qan təzyiqinin nəzərəçarpacaq dərəcədə azalması. Peroral antikoaqulyantlar Antikoaqulyantların dozasının tənzimlənməsi tələb oluna bilər. Probenesid, metotreksat və furosemid kimi digər preparatlar Probenesid, metotreksat və furosemid kimi digər preparatlar əsasən böyrək borucuqları tərəfindən ifraz olunur. Furosemid yuxarıda göstərilən preparatların böyrəklər tərəfindən ifrazını azalda bilər. Yüksək dozalarda eyni vaxtda istifadə edildikdə, qan zərdabında furosemidin və ya yuxarıda göstərilən preparatların konsentrasiyasının artması və əlavə təsirlərin riskinin artması baş verə bilər. Həmçinin, yuxarıda göstərilən preparatlar furosemidin təsirini azalda bilər. Teofillin Elektrolit pozğunluqları Qlükokortikosteroidlər (QKS), karbenoksolon, adrenokortikotrop hormon (AKTH), salisilatlar, amfoterisin B, penisilin G, işlədici vasitələr Furosemid ilə eyni vaxtda istifadə kaliumun ifrazının artması ilə müşayiət oluna bilər (hipokaliemiya riski). Böyük miqdarda istifadə edildikdə, biyan preparatları karbenoksolona bənzər təsir edir. Ürək qlikozidləri Eyni vaxtda istifadə edildikdə, furosemid terapiyası zamanı inkişaf edən hipokaliemiya və/və ya hipomaqnezemiya nəticəsində miokardın ürək qlikozidlərinin təsirinə həssaslığının artdığını nəzərə almaq lazımdır. QT intervalını uzada bilən preparatlarla (məsələn, terfenadin, I və III siniflərin bəzi antiaritmik preparatlar) və elektrolit pozğunluqları olduqda mədəcik aritmiyasının (torsades de pointes daxil olmaqla) inkişaf riski artır. Nefro- və ototoksik təsir Aminoqlikozidlər (məsələn, kanamisin, gentamisin, tobramisin) və digər ototoksik preparatlar Aminoqlikozidlərin (məsələn, kanamisin, gentamisin, tobramisin) və digər ototoksik preparatların ototoksik təsiri furosemidlə birgə tətbiq edildikdə artırıla bilər. Baş verən eşitmə itkisi geri dönməyən ola bilər. Yuxarıda göstərilən preparatlar yalnız əhəmiyyətli tibbi göstəriş olduqda eyni vaxtda istifadə edilməlidir. Nefrotoksik preparatlar (məsələn, aminoqlikozidlər, sefalosporinlər, polimiksinlər kimi antibiotiklər) Furosemid böyrək funksiyasının pisləşməsi ilə müşayiət oluna bilən mənfi təsirləri artıra bilər. Sisplatin Furosemidlə eyni vaxtda istifadə edildikdə eşitmə itkisi riski nəzərə alınmalıdır. Sisplatinlə müalicə zamanı furosemidin məcburi diurez məqsədi ilə istifadə edildiyi hallarda, furosemid aşağı dozalarda (məsələn, normal böyrək funksiyası zamanı 40 mq) və yalnız müsbət maye balansı olduqda istifadə edilməlidir. Əks halda, sisplatinin nefrotoksik təsiri güclənə bilər. Rentgenkontrast preparatlar Rentgenkontrast preparatların istifadəsi səbəbindən böyrək disfunksiyasının inkişaf riski yüksək olan pasiyentlərdə, furosemidin əvvəllcədən venadaxili rehidratasiya olmadan istifadəsi, rentgenkontrast preparatın yeridilməsindən əvvəl venadaxili rehidratasiya alan pasiyentlərlə müqayisədə böyrək funksiyasının pozğunluğu daha tez-tez müşahidə edilmişdir. Digər qarşılıqlı əlaqələr Hipoqlikemik vasitələr və vazopressor aminlər (məsələn, adrenalin, noradrenalin) Yuxarıda göstərilən vəsaitlərin təsiri furosemid ilə eyni vaxtda istifadə edildikdə azala bilər. Siklosporin A Furosemid ilə eyni vaxtda istifadəsi zamanı furosemidin istifadəsi ilə əlaqəli hiperurikemiya və siklosporinin istifadəsi ilə əlaqəli sidik turşusunun böyrəklər tərəfindən ekskresiyasının azalması səbəbindən podaqra artritinin inkişaf riskinin artması ilə əlaqələndirilir. Litium preparatları Furosemidin eyni vaxtda qəbulu böyrəklər tərəfindən litiumun xaric olmasının azalması səbəbindən litiumun kardiotoksik və neyrotoksik təsirlərinin artması ilə əlaqələndirilir. Bu səbəbdən, bu kombinasiyanı qəbul edən pasiyentlərdə qan plazmasında litiumun səviyyəsini diqqətlə izləmək tövsiyə olunur. Yüksək dozalarda salisilatlar
Furosemid ilə eyni vaxtda istifadə edildikdə, mərkəzi sinir sisteminə toksik təsiri arta bilər. Risperidon Risperidonun furosemid və ya digər güclü diuretiklərlə birgə istifadəsi zamanı ehtiyatlı olmaq və fayda/risk nisbətini qiymətləndirmək lazımdır. Levotiroksin Yüksək dozalarda furosemid qalxanabənzər vəzinin hormonlarının daşıyıcı zülallarla bağlanmasını inhibə edə bilər, bu da qanda sərbəst qalxanabənzər vəzinin hormonlarının konsentrasiyasının müvəqqəti artmasına, sonra isə qanda qalxanabənzər vəzinin hormonlarının ümumi səviyyəsinin azalmasına səbəb olur. Belə vəziyyətlərdə qanda qalxanabənzər vəzinin hormonlarının səviyyəsinə nəzarət edilməlidir. Spironolaktonla əlaqəli qarşılıqlı təsirlər Hiperkaliemiyaya səbəb olan dərman vasitələri Spironolaktonun kalium duzları tərkibli prepartarla, kaliumun orqanizmdən xaric olmasını azaldan preparatlarla, QSİƏP-lər, AÇF inhibitorları (məsələn, kaptopril, enalapril), angiotenzin II antaqonistləri (məsələn, kandesartan, valsartan) və ya kaliumqoruyucu prepartlarla (triamteren, amilorid) eyni vaxtda istifadəsi zamanı ağır, potensial olaraq həyat üçün təhlükəli hiperkaliemiya inkişaf edə bilər. QSİƏP-lər QSİƏP-lərin spironolaktonla birgə istifadəsi zamanı qanda kaliumun konsentrasiyası arta bilər və nəticədə ağır hiperkaliemiya inkişaf edə bilər. Spironolaktonun təsirinin zəifləməsi qeyd oluna bilər. Karbenoksolon Spironolakton və karbenoksolon bir-birinin təsirini zəiflədə bilər. Böyük miqdarda istifadə edildikdə, biyan preparatları karbenoksolona bənzər təsir göstərir. Xolestiramin Hipoxloremik metabolik asidozun müalicəsində xolestiraminin spironolaktonla eyni vaxtda istifadəsi hiperkaliemiyanın inkişafı ilə müşayiət oluna bilər. Neomisin Neomisin spironolaktonun sorulmasını ləngidə bilər. Diqoksin Qan plazmasında diqoksin səviyyəsinin artması ilə müşayiət oluna bilən diqoksinin yarımxaricolma dövrünün artması. Spironolakton radioimmun metodu ilə qanda diqoksin səviyyəsinin təyini üçün testlərin nəticələrinə müdaxilə edə bilər. Ko-trimoksazol Trimetoprim/sulfametoksazolun (ko-trimoksazol) spironolaktonla eyni vaxtda istifadəsi klinik əhəmiyyətli hiperkaliemiyanın inkişafı ilə müşayiət oluna bilər. Abirateron Spironolakton androgen reseptorlarına bağlanır və abirateron qəbul edən prostat xərçəngi olan pasiyentlərdə PSA səviyyəsini artıra bilər. Abirateron və spirolaktonun birgə tətbiqi tövsiyə edilmir. Spironolakton qəbulu zamanı qanda kortizolun konsentrasiyası Mattinqli üsulu ilə ölçüldükdə, yanlış yüksək dəyərlər qeyd olunur. Semilakt preparatını digər antihipertenziv preparatlarla istifadə etdikdə, qan təzyiqində nəzərəçarpacaq dərəcədə azalma qeyd oluna bilər. Bəzi elektrolit pozğunluqlarında (məsələn, hipokaliemiya, hipomaqneziemiya) bəzi preparatların (məsələn, ürək qlikozidləri və QT intervalını uzada bilən preparatlar) toksik təsiri arta bilər. Xloralhidratın qəbulundan sonra 24 saat ərzində furosemidin venadaxili yeridilməsi zamanı qanaxınının inkişafının nadir halları, həddindən artıq tərləmə, narahatlıq, ürəkbulanma, qan təzyiqinin artması və taxikardiya qeyd edilmişdir. Yuxarıda göstərilən arzuolunmaz reaksiyaların mümkün inkişafı səbəbindən tərkibində furosemid olan Semilakt prepartının və xloralhidratın eyni vaxtda istifadəsi tövsiyə edilmir. Semilakt preparatı qida ilə qəbul edildikdə spironolaktonun sorulması artır.
Hamiləlik və laktasiya dövründə istifadəsi Hamiləlik Hamiləlik dövründə olan qadınlarda Semilakt preparatının istifadəsi əks göstərişdir.
Hamiləlik dövründə qadınlarda spironolaktonun istifadəsi ilə bağlı adekvat məlumat yoxdur. Heyvanlar üzərində aparılan tədqiqatlarda spironolaktonun istifadəsi erkək embrionlada feminizasiya və həm dişi, həm də erkək nəsillərində endokrin pozğunluq əlamətləri ilə əlaqələndirilmişdir. Preparatın antiandrogen təsiri insanlarda qeydə alınmışdır. Furosemid hamiləlik dövründə qadınlarda yalnız ciddi göstərişlər olduqda və tibbi baxımdan tamamilə zəruri olduqda qısa müddət ərzində istifadə edilməlidir. Bu vəziyyətdə, dölün inkişafına nəzarət etmək lazımdır. Furosemid plasentar baryeri keçir, göbək ciyəsi qanında preparatın konsentrasiyası qadının qan zərdabında preparatın konsentrasiyasının 100% -ə çatır. Bu günə qədər insanlarda furosemidin təsiri ilə əlaqəli heç bir inkişaf qüsurları məlum deyil. Bununla belə, embrion/dölə mənfi təsirlərin riskini dəqiq qiymətləndirmək üçün kifayət qədər məlumat yoxdur. Prepartın istifadəsi zamanı, döldə sidiyin yaranması bətndaxili stimullaşdırıla bilər. Bundan əlavə, gec hamiləlikdə istifadə edildikdə, döldə ototoksik təsirlər və hipokaliemik alkaloz müşahidə edilə bilər. Hamiləlik dövründə qadınlarda hipertoniya və ödem müalicəsində diuretiklər müntəzəm olaraq istifadə edilmir, çünki onlar plasentada qan dövranını pozur və bu səbəbdən dölün bətndaxili inkişafını ləngidir. Hamiləlik dövründə ürək və ya böyrək çatışmazlığı olan qadınlarda furosemiddən istifadə etmək zərurəti yarandıqda, qanda elektrolit səviyyəsi və hematokrit dəyərləri, həmçinin dölün inkişafı diqqətlə izlənilməlidir. Furosemid, albuminə bağlanma səviyyəsində bilirubinlə rəqabət apararaq, hiperbilirubinemiya zamanı nüvə sarılığının inkişaf riskini artıra bilər. Laktasiya Laktasiya dövründə olan qadınlarda Semilakt preparatının istifadəsi əks göstərişdir. Spironolaktonun ana südü ilə xaric olmasına dair məlumatlar mövcud deyil. Spironolaktonun farmakoloji cəhətdən aktiv metaboliti olan kanrenoat ana südü ilə xaric olunur (ana südü/plazma konsentrasiyası nisbəti 0,7 təşkil edir). Furosemid ana südü ilə xaric olunur və ana südünün yaranma prossesini inhibə edir.
Preparat ilə müalicə dövründə psixomotor reaksiyaların sürəti azala bilər (məsələn, qan təzyiqinin kəskin azalması səbəbindən), bunun nəticəsində nəqliyyat vasitələrini və və digər potensial təhlükəli mexanizmləri idarə etmək qabiliyyəti pozula bilər (xüsusilə preparatla müalicənin başlanğıcında, preparatın dozası artırıldıqda, müalicə dəyişdirildikdə və ya alkoqolla birlikdə qəbul edildikdə).
Dozalanma Prepartın dozalanma rejimi xəstəliyin ağırlığından və hiperaldosteronizmin şiddətindən asılı olaraq fərdi olaraq müəyyən edilir. Preparatın dozalanmasına dair tövsiyələr aşağıda verilmişdir: Böyüklər Semilakt 100 mq/20 mq Başlanğıc terapiya Ürək çatışmazlığı olan böyüklərdə başlanğıc doza adətən gündə 200 mq spironolakton və 40 mq furosemid təşkil edir (2 tablet Semilakt 100 mq/20 mq). Qaraciyər funksiyasının pozğunluğu ilə əlaqəli xəstəliklərdə başlanğıc doza gündə 400 mq spironolakton və 80 mq furosemiddən çox olmamalıdır (Semilakt 100 mq/20 mq preparatının 4 tableti). Dəstəkləyici terapiya 3-6 günlük terapiyadan sonra dəstəkləyici doza, bir qayda olaraq, gündə 100-200 mq spironolakton və 20-40 mq furosemid təşkil edir (Semilakt 100 mq/20 mq prepartının 1-2 tableti). Xəstəliyin ağırlığından asılı olaraq, doza gündə 300 mq spironolakton və 60 mq furosemidə qədər artırıla bilər (1 tablet Semilakt 100 mq/20 mq gündə 3 dəfə). Bu dozada preparat gündəlik və ya zəruri hallarda hər iki və ya üç gündən bir istifadə edilə bilər. Maksimal gündəlik doza 4 tabletdən çox olmamalıdır (400 mq spironolakton və 80 mq furosemid). Semilakt 50 mq/20 mq Başlanğıc terapiya
Ürək çatışmazlığı olan böyüklərdə başlanğıc doza, adətən, gündə 100 mq spironolakton və 40 mq furosemid təşkil edir (2 tablet Semilakt 50 mq/20 mq). Qaraciyər funksiyasının pozğunluğu ilə əlaqəli xəstəliklərdə başlanğıc doza gündə 200 mq spironolakton və 80 mq furosemiddən çox olmamalıdır (Semilakt 50 mq/20 mq preparatının 4 tableti). Dəstəkləyici terapiya 3-6 günlük terapiyadan sonra dəstəkləyici doza, bir qayda olaraq, gündə 50-100 mq spironolakton və 20-40 mq furosemid təşkil edir (Semilakt 50 mq/20 mq preparatının 1-2 tableti). Xəstəliyin ağırlığından asılı olaraq, doza gündə 150 mq spironolakton və 60 mq furosemidə qədər artırıla bilər (1 tablet Semilakt 50 mq/20 mq gündə 3 dəfə). Bu dozada preparat gündəlik və ya zəruri hallarda hər iki və ya üç gündən bir istifadə edilə bilər. Maksimal gündəlik doza 4 tabletdən çox olmamalıdır (spironolakton 200 mq və furosemid 80 mq). Uşaqlar və yeniyetmələr Preparatın 18 yaşdan kiçik uşaqlarda və yeniyetmələrdə istifadəsi ilə bağlı nəzarət edilən klinik tədqiqatlar aparılmamışdır, bu səbəbdən bu kateqoriya pasiyentlərdə preparatın istifadəsi tövsiyə edilmir. Yaşlı pasiyentlər Yaşlı pasiyentlərdə spironolakton və furosemidin orqanizmdən daha yavaş xaric olması qeyd oluna bilər. İstifadə qaydası Dərman daxilə qəbul üçün nəzərdə tutulub. Tablet kifayət qədər miqdarda maye ilə (məsələn, 1 stəkan su) bütöv şəkildə udulmalıdır. Preparatı səhər yeməyi və ya nahar zamanı qəbul etmək daha məsləhətdir. Preparatı axşam, xüsusən də müalicənin başlanğıcında qəbul etmək tövsiyə edilmir, çünki gecə diurezinin artması mümkündür. Müalicə müddəti mümkün qədər qısa müddətə məhdudlaşdırılmalıdır. Uzunmüddətli müalicəyə ehtiyac vaxtaşırı yenidən qiymətləndirilməlidir.
AZ − AZN
