Strepsils Limon Bal N24 pastil

Strepsils, bal və limon

Strepsils tərkibi

Strepsils tərkibi, 1 sorma tabletin tərkibində 1,2 mq 2,4-dixlorbenzil spirti, 0,6 mq amilmetakrezol vardır. Köməkçi maddələr: çaxır turşusu, bal, nanə yarpaqlarının yağı, limon yağı (terpenlərsiz), xinolin sarısı boya maddəsi (E 104), şəkərli şərbət (saxaroza, su), duru qlükoza (dekstroza, oliqo- və polisaxaridlər).

Strepsils, istifadəsinə göstərişlər

İnfeksion-iltihabi xəstəliklər zamanı boğaz ağrısının simptomatik müalicəsi.

Əks göstərişlər

Preparatın istənilən komponentinə qarşı yüksək həssaslıq; 6 yaşa qədər uşaqlar; saxaraza/izomaltaza çatışmazlığı, fruktozaya qarşı dözümsüzlük, qlükoza-qalaktoza malabsorbsiyası sindromu.

Hamiləlik və laktasiya dövründə istifadəsi

Hamiləlik və laktasiya dövründə preparatın istifadəsi, yalnız ana üçün gözlənilən fayda döl üçün potensial riskdən üstün olduqda həkim məsləhəti ilə mümkündür.

Strepsils, istifadə qaydası

Preparatı istifadə etməzdən əvvəl təlimatı diqqətlə oxumaq lazımdır. Yerli istifadə edilir. Böyüklər və 6 yaşdan yuxarı uşaqlar: hər 2-3 saatdan bir 1 tablet sorulur. 24 saat ərzində 8 tabletdən çox istifadə etmək olmaz. Qeyd edilən dozanı aşmaq olmaz. Müalicə kursunun müddəti 3 gündən artıq olmamalıdır. Preparat qəbul edildiyi 3 gün ərzində simptomlar olduğu kimi qalarsa, müalicəni dayandırmaq və həkimə müraciət etmək lazımdır.