Strepsils Vıt-C N24 Pastil

Strepsils c vitamini ilə, sorma tabletlər

Strepsils c vitamini ilə tərkibi

Strepsils c vitamini ilə tərkibi, 1 tabletin tərkibində 1,2 mq 2,4-dixlorbenzil spirti, 0,6 mq amilmetakrezol, 100 mq askorbin turşusu vardır. Köməkçi maddələr: portağal aromatizatoru PHL 105288, levomentol, propilenqlikol, günəş qürubu sarısı boya maddəsi, al qırmızı boya maddəsi (Ponso 4R), çaxır turşusu, duru saxaroza, duru dekstroza (dekstroza, oliqo- və polisaxaridlər) (duru qlükoza).

Strepsils c vitamini ilə, istifadəsinə göstərişlər

İnfeksion iltihabi xəstəliklər zamanı boğaz ağrısının simptomatik müalicəsi.

Əks göstərişlər

Preparatın istənilən komponentinə qarşı yüksək həssaslıq; - 6 yaşa qədər uşaqlar; - saxaroza/izomaltaza defisiti, fruktoza keçirməzliyi, qlükoza-qalaktoza malabsorbsiyası.

Hamiləlik və laktasiya dövründə istifadəsi

Hamiləlik və laktasiya dövründə preparatın istifadəsi, yalnız ana üçün gözlənilən fayda dölə olan potensial riskdən üstün olduqda həkim məsləhəti ilə mümkündür. Hamiləliyin II-III trimestrində askorbin turşusuna gündəlik minimal tələbat təxminən 60 mq təşkil edir. Nəzərə almaq lazımdır ki, döl, hamilə qadının qəbul etdiyi askorbin turşusunun yüksək dozalarına adaptasiya oluna bilər və bunun nəticəsində yenidoğulmuşda “ləğv etmə” sindromunun yaranması mümkündür. Laktasiya dövründə gündəlik minimal tələbat 80 mq təşkil edir. Tərkibində adekvat miqdarda askorbin turşusu olan ananın pəhrizi, onun südəmər körpəsinin askorbin turşusu defisitinin profilaktikası üçün kifayətdir. Nəzəri cəhətdən ananın yüksək dozalarda askorbin turşusu qəbul etməsi, körpə üçün təhlükə törədir (laktasiya dövründə anaya askorbin turşusunun gündəlik tələbatını aşmamaq məsləhət görülür). Hamiləlik və laktasiya dövründə preparatın istifadəsi, yalnız həkim nəzarəti altında mümkündür.

Strepsils c vitamini ilə, istifadə qaydası

Preparatı istifadə etməzdən əvvəl təlimatı diqqətlə oxumaq lazımdır. Yerli istifadə edilir. 6-8 yaşlı uşaqlar: hər 4 saatdan bir 1 tablet sorulur. 24 saat ərzində 5 tabletdən çox istifadə etmək olmaz. 18 yaşdan yuxarı böyüklər: hər 2-3 saatdan bir 1 tablet sorulur. 24 saat ərzində 8 tabletdən çox istifadə etmək olmaz. Qeyd edilən dozanı aşmaq olmaz. Müalicə kursunun müddəti 3 gündən artıq olmamalıdır. Preparat qəbul edildiyi 3 gün ərzində simptomlar olduğu kimi qaldıqda, müalicəni dayandırmaq və həkimə müraciət etmək lazımdır.