Sustagard Artro 1 ml N5 Amp

SUSTAQARD ARTRO, əzələdaxili məhlul hazırlamaq üçün məhlul

SUSTAQARD ARTRO tərkibi

Təsiredici maddə: qlükozamin sulfat natrium xlorid (quru maddəyə nisbətən) – 502,5 mq (tərkibində 400 mq qlükozamin sulfat, 102,5 mq natrium xlorid vardır).

İstifadəsinə göstərişlər

Birincili və ikincili osteoartroz, osteoxondroz, spondiloartroz.

Əks göstərişlər

Qlükozaminə, lidokainə və preparatın digər komponentlərindən hər hansı birinə qarşı hiperhəssaslıq. Tərkibində lidokainin olması səbəbindən: ürək keçiriciliyinin pozulması, kəskin ürək çatışmazlığı, anamnezdə epileptiform qıcolmalar, böyrək və qaraciyər funksiyasının ağır xroniki pozğunluqları; hamiləlik və laktasiya dövrü, uşaqlar və 18 yaşına qədər yeniyetmələr.

Hamiləlik və laktasiya dövründə istifadəsi

Əks göstərişdir.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Qlükozaminin nəqliyyat vasitələrini və potensial təhlükəli mexanizmləri idarəetmə qabiliyyətinə təsiri öyrənilməmişdir. Nəzərə almaq lazımdır ki, preparatın tərkibindəki lidokain müvəqqəti olaraq hərəkət qabiliyyətinə və koordinasiyaya təsir edə bilər. Müalicə müddəti ərzində nəqliyyat vasitələrini və potensial təhlükəli mexanizmlərin idarə edərkən ehtiyatlı olmaq lazımdır.

SUSTAQARD ARTRO istifadə qaydası və dozası

Yalnız əzələdaxili istifadə üçündür! Preparatı venadaxili istifadə etmək olmaz. Yeridilmədən bilavasitə öncə ampul A və ampul B (həlledici) tərkibləri eyni şprisdə qarışdırılır. Hazır məhlul (3ml) həftədə 3 dəfə olmaqla 4-6 həftə ərzində əzələdaxili yeridilir.

İnyeksiya ilə yanaşı daxilə qlükozamin tərkibli preparat qəbul etmək olar.