Bitib
Stokda olanda mənə xəbər verin.Təsiredici maddə: 1 flakonda 200 mq və ya 400 mq teykoplanin vardır.
Teykoplaninə və ya preparatın köməkçi maddələrindən hər hansı birinə qarşı yüksək həssaslıq.
Teykoplaninin hamilə qadınlarda istifadəsinə dair məhdyd məlumatlar mövcuddur. Heyvanlar
üzərində tədqiqatlar yüksək dozalarda reproduktiv toksikliyi göstərmişdir: siçovullarda ölü balaların doğulmasının artması və neonatal ölümün artması müşahidə olunmuşdur. İnsan üçün potensial risk məlum deyildir. Beləliklə, teykoplanin hədsiz ehtiyac olmadığı zaman hamiləlik zamanı istifadə olunmamalıdır. Daxilə qulaq üçün potensial risk və döldə böyrəklərin zədələnməsi ehtimalı istisna olunmur.
Teykoplaninin ana südünə keçməsi məlum deyildir. Maddənin heyvanlarda südün tərkibinə
keçməsi barədə məlumat yoxdur. Ana südü ilə qidalandırmanın və ya teykoplanin ilə müalicənin
davam etdirilməsi və ya dayandırılması barədə qərarı ana südü ilə qidalandırmanın uşaq üçün
faydası və teykoplanin ilə müalicənin ana üçün faydasını nəzərə almaqla vermək lazımdır.
Preparat pediatrik praktikada istifadə olunur.
Preparat venadaxili və əzələdaxili yeridilmə üçün nəzərdə tutulmuşdur. Venadaxili yeridilmə bolüs şəklində 3–5 dəqiqə ərzində və ya 30 dəqiqəlik infuziya şəklində aparıla bilər. Yenidoğulmuşlarda yalnız venadaxili infuziya üsulundan istifadə olunur.
Ampuldakı həlledici şprisə yığılaraq təsiredici maddə olan flakona yavaş-yavaş yeridilir. Flakon ovucun içində ehtiyatla tərpədilməlidir ki, toz tam həll olunsun. Qabarcıqların yaranmasına yol verilməməlidir. Köpük əmələ gəldikdə flakon şaquli vəziyyətdə saxlanılmalı və köpüyün tam itməsinə qədər (təxminən 15 dəqiqə) gözlənilməlidir. Bu qayda ilə hazırlanmış məhlul 2–8°C temperaturda 24 saat ərzində stabil qalır. Hazır məhlulun rəngi qəhvəyi-sarı olur. Xarici görünüş dəyişdikdə məhluldan istifadə etmək olmaz.
Hazır məhlul inyeksiya şəklində yeridilə, əlavə olaraq durulaşdırıla və ya peroral tətbiq oluna bilər. Teklonin aşağıdakı infuzion məhlullarla uyğun gəlir: 0,9%-li natrium xlorid məhlulu, Ringer məhlulu, Ringer-laktat məhlulu, 5%-li və 10%-li dekstroza məhlulları, 0,18% natrium xlorid və 4% qlükoza məhlulu, 0,45% natrium xlorid və 5% qlükoza məhlulu, həmçinin tərkibində 1,36% və ya 3,86% qlükoza olan peritoneal dializ məhlulları. İstifadə olunmamış qalıq məhv edilməlidir.
Dozalanma prinsipləri
İstifadə müddəti və doza infeksiyanın tipi və ağırlıq dərəcəsinə, pasiyentin klinik cavabına, yaşına və böyrək funksiyasına uyğun olaraq tənzimlənməlidir. Yüklənmə dozası tətbiq edildikdən sonra tarazlıq vəziyyətində qan zərdabında teykoplaninin qalıq konsentrasiyaları nəzarətdə saxlanılmalıdır.
Əksər qrammüsbət infeksiyalar zamanı qalıq konsentrasiya HPLC üsulu ilə ölçüldükdə ən azı 10 mq/l, flüorossent polyarizasion immunoanaliz üsulu ilə ölçüldükdə isə ən azı 15 mq/l olmalıdır. Endokardit və digər ağır infeksiyalar zamanı bu göstəricilər müvafiq olaraq 15–30 mq/l və ya 30–40 mq/l təşkil etməlidir. Dəstəkləyici müalicə dövründə qalıq konsentrasiyalar həftədə ən azı bir dəfə yoxlanılmalıdır.
Böyrək funksiyası normal olan böyüklər və yaşlı pasiyentlərdə dozalanma
Dəri və yumşaq toxumaların ağırlaşmış infeksiyaları, pnevmoniya və ağırlaşmış sidik yolları infeksiyalarında yüklənmə dozası olaraq 6 mq/kq bədən kütləsinə uyğun olaraq hər 12 saatdan bir 3 dəfə venadaxili və ya əzələdaxili yeridilir. Dəstəkləyici doza isə gündə 1 dəfə 6 mq/kq təşkil edir.
Sümük-oynaq infeksiyalarında yüklənmə dozası 12 mq/kq olmaqla hər 12 saatdan bir 3–5 dəfə venadaxili tətbiq olunur, daha sonra gündə 1 dəfə 12 mq/kq dəstəkləyici doza verilir.
İnfeksion endokardit zamanı yüklənmə dozası 12 mq/kq olmaqla hər 12 saatdan bir 3–5 dəfə venadaxili yeridilir, ardınca gündə 1 dəfə 12 mq/kq dəstəkləyici doza tətbiq olunur.
Doza bədən kütləsinə əsasən hesablanmalıdır.
Müalicənin davametmə müddəti
Müalicənin müddəti klinik cavaba əsasən müəyyən edilir. İnfeksion endokardit zamanı müalicə adətən ən azı 21 gün davam edir və 4 aydan çox olmamalıdır.
Kombinəolunmuş terapiya
Teykoplanin yalnız qrammüsbət bakteriyalara qarşı aktivdir və bəzi infeksiyalarda monoterapiya üçün uyğun deyil. Preparat yalnız patogen flora sənədləşdirildikdə və ya yüksək ehtimalla həssas olduğu hallarda istifadə olunmalıdır.
Clostridium difficile ilə əlaqəli infeksiyalar
Diareya və kolitlə müşayiət olunan infeksiyalarda tövsiyə olunan doza 7–14 gün ərzində gündə 2 dəfə 100–200 mq peroral təşkil edir.
Yaşlı pasiyentlər
Böyrək funksiyası normal olduqda doza korreksiyası tələb olunmur.
Böyrək funksiyası pozulmuş pasiyentlər
Müalicənin ilk 4 günündə doza korreksiyası tələb olunmur. Daha sonra qalıq konsentrasiyanın minimum 10 mq/l (HPLC) və ya 15 mq/l (FPIA) səviyyəsində saxlanılması üçün doza azaldılır. Kreatinin klirensi 30–80 ml/dəq olduqda dəstəkləyici doza yarıya endirilir. Kreatinin klirensi 30 ml/dəq-dən aşağı olduqda və hemodializ zamanı doza adi dozanın üçdə biri qədər olur. Teykoplanin hemodializlə xaric olunmur.
Daimi ambulator peritoneal dializdə olan pasiyentlər
6 mq/kq birdəfəlik venadaxili yüklənmə dozasından sonra birinci həftə dializ kisəsinə 20 mq/l, ikinci həftə müxtəlif kisələrə 20 mq/l, üçüncü həftə isə gecə kisəsinə 20 mq/l əlavə olunur.
Uşaqlarda istifadəsi
12 yaşdan yuxarı uşaqlarda böyüklər üçün nəzərdə tutulmuş dozalanma tətbiq edilir. Yenidoğulmuşlar və 2 aya qədər körpələrdə ilk gün 16 mq/kq yüklənmə dozası, sonra isə 8 mq/kq dəstəkləyici doza venadaxili infuziya şəklində verilir. 2 aydan 12 yaşa qədər uşaqlarda yüklənmə dozası olaraq hər 12 saatdan bir 10 mq/kq olmaqla 3 dəfə venadaxili tətbiq olunur, dəstəkləyici doza isə gündə 1 dəfə 6–10 mq/kq təşkil edir.
AZ − AZN
