TIMOLOL 0,5% 5ML DAMLA

TİMOLOL, 2,5 mq/ml və ya 5,0 mq/ml məhlul (göz damcısı)

TİMOLOL tərkibi

Təsiredici maddə: 1 ml məhlulun tərkibində 5 mq (5mq/ml) və 2,5 mq (2,5 mq/ml) timolol (timolol maleat şəklində) vardır.

İstifadəsinə göstərişlər

Xroniki açıqbucaqlı qlaukoma; ikincili qlaukoma (uveal,afakik, posttravmatik); oftalmotonusun kəskin artması; bağlıbucaqlı qlaukoma zamanı gözdaxili təzyiqin azaldılması üçün köməkçi vasitə kimi (miotiklərlə kombinəolunmuş şəkildə).

Əks göstərişlər

Preparatın təsiredici və köməkçi maddələrinə qarşı yüksək həssaslıq. Tənəffüs yollarının reaktiv xəstəlikləri və ya bronxial astma, anamnezində tənəffüs yollarının digər ağır xroniki obstruktiv xəstəlikləri olanlar. Sinus bradikardiyası, sinus düyününün zəifliyi sindromu, sinoatrial blokada, sinus düyünü tərəfindən nəzarət edilməyən II-III dərəcəli atrioventrikulyar blokada. Kəskin ürək çatışmazlığı, kardiogen şok.

Generalizəolunmuş dəri səpgiləri ilə müşayiət edilən allergik reaksiyalar, ağır atrofik rinit, buynuz qişanın distrofik xəstəlikləri.18 yaşa qədər uşaqlar

Hamiləlik və laktasiya dövründə istifadəsi

Hamiləlik Hamilə qadınlarda timololun istifadə edilməsinə dair kifayət qədər məlumat yoxdur. Ehtiyac olmadığı təqdirdə, hamiləlik zamanı preparatdan istifadə edilməməlidir. Sistem effektin azaldılması üçün «İstifadə qaydası və dozalanma» bölməsinə baxın. Epidemioloji tədqiqatlar beta -blokerlərin döldə anadangəlmə qüsurların inkişafına təsirini aşkar etməmişdir (teratogen effekti), lakin peroral olaraq tətbiqi nəticəsində intrauterin inkişafın geri qalması qeyd edilmişdir.

Beta -blokatorların doğuşdan öncə istifadə edilməsi hallarında yenidoğulmuşlarda beta -blokadanın əlamətləri və simptomları (bradikardiya, hipotenziya, respirator-distres-sindromu, hipoqlikemiya) müşahidə edilmişdir. Əgər doğuşdan öncə Timolol istifadə edilmişdirsə, yenidoğulmuşlar həyatlarının ilk günlərində diqqətlə yolxlanılmalıdırlar. Laktasiya Beta-blokatorlar ana südünün tərkibinə daxil olur. Lakin yenidoğulmuşlarda beta -blokadanın klinik simptomlarının inkişafına səbəb olmaq üçün ana südündə kifayət qədər miqdarda timololun olacağı ehtimalı yoxdur Sistem absorbsiyanın azalması, «İstifadə qaydası və dozalanma» bölməsinə baxın.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Müalicə müddətində görmədə pozuntular, başgicəllənmə, yorğunluq, arterial təzyiqin aşağı enməsi halları müşahidə edilə bilər, buna görə də yüksək diqqət və psixomotor reaksiyaların tezliyini tələb edən nəqliyyat vasitələrini və digər potensial təhlükəli mexanizmləri idarə edərkən ehtiyatlı olmaq tələb olunur. Preparatın istifadəsindən sonra görmədə müvəqqəti (qısamüddətli) pozuntular müşahidə edilə bilər, görmənin bərpa olunmasına qədər avtotransportla və hərərkətli mexanizmlərlə məşğul olmaq məsləhət görülmür.

TİMOLOL istifadə qaydası və dozası

Dərman vasitəsi zədələnmiş gözün aşağı konyunktival kisəciyinə damızdırılaraq istifadə edilir. Müalicəyə 0,25%-li məhlul (gündə 1-2 dəfə 1 damcı) damızdırmaqla başlanır, kifayət qədər effekt olmadıqda 0,5%-li məhlul (gündə 1-2 dəfə 1 damcı) istifadə edilir. Əgər müntəzəm istifadə zamanı gözdaxili təzyiq normallaşırsa, dozalanmanı gündə 1 dəfə səhərlər 1 damcıya gədər məhdudlaşdırırlar. Müalicə uzun müddət ərzində davam etdirilir.

Müalicə kursunun müddəti xəstəliyin gedişindən asılıdır və həkim tərəfindən təyin edilir. Dərman vasitəsinin istifadəsində fasilə və ya dozanın dəyişdirilməsi yalnız müalicə həkiminin göstərişi əsasında olmalıdır. Dərman preparatının sistem absorbsiyasının qarşısının alınması məqsədilə nasolakrimal kanalın okkluziyası və göz qapaqlarının 2 dəqiqə ərzində yumulması tövsiyə olunur. Nəticədə sistem əlavə təsir reaksiyalarının yaranma riski azalır və yerli təsirlər çoxalır.

Qapaq-damcısalandan ibarət flakonun istifadəsinə dair tövsiyələr: preparatı istifadə etməzdən öncə flakonun alüminium örtüyü çıxarılmalı, rezin probka açılmalı və qapaq-damızdırıcı ilə bağlanmalıdır. Sonra qapaq-damizdiricinı açaraq flakonu əyin və preparatın lazım olan miqdarının damızdırın. Preparatın istifadəsindən sonra flakonu vertikal vəziyyətə gətirmək və qapaq-damızdırıcını üzərinə keçirmək lazımdır. Tub-damizdicinın istifadəsinə dair tövsiyələr: dərman vasitəsinin istifadəsindən öncə tub - damızdırıcıdan qoruyucu qapaq kənarlaşdırılmalı, çərtilmiş hissəni zədələmədən gövdənin boynu qayçı vasitəsilə kəsilməlidir.

Dərman vasitəsindən ibarət t ub- damızdırıcının gövdəsini boyun hissədən aşağı çevirin və yumşaq bir hərəkətlə, tub- damızdırıcının gövdəsini bir pipet kimi istifadə edərək sıxın. Həkim tərəfindən tövsiyə olunan və ya dərman vasitəsinin tibbi istifadəsi üzrə təlimatda qeyd edilmiş dozanın istifadəsindən sonra, tub-damızdırıcının çərtilmiş hissəsini yuxarıya döndərin və qoruyucu örtüklə bağlayın.