Bitib
Stokda olanda mənə xəbər verin.Təsiredici maddə: 1 tabletin tərkibində 25 mq və ya 50 mq xlorprotiksen hidroxlorid vardır.
- psixomotor oyanıqlıqla, ajitasiya və həyəcanla müşayiət olunan şizofreniya və digər psixozlar; - alkoqolizm və narkomaniya zamanı abstinensiya sindromu; - həyəcan, gərginlik, narahatlıq, yuxusuzluq, yuxu pozğunluğu ilə müşayiət olunan depressiv vəziyyətlər, nevrozlar, psixosomatik pozğunluqlar; - hərəki pozğunluqlar, əsəbilik, ajitasiya və əhvalın tez-tez dəyişməsi kimi psixi pozğunluqlarla birlikdə müşahidə olunan epilepsiya və oliqofreniya; - müxtəlif mənşəli ağrılar (analgetiklərlə kombinasiyada); - geriatriyada – hiperaktivlik, əsəbilik, qıcıqlanma, şüurun pozulması, həyəcanlılıq, yuxunun pozulması, hərəki pozğunluqlar.
- Xlorprotiksenə və/və ya preparatın tərkibində olan hər hansı komponentə qarşı yüksək həssaslıq; - tioksantenlər qrupundan olan preparatlara qarşı yüksək həssaslıq; - damar kollapsı, hər hansı səbəbdən baş verən şüur tormozlanması (o cümlədən, alkoqol, barbiturat və ya opiatların qəbulu), koma; - aşkar edilmiş idarə olinmayan hipokaliemiya və hipomaqneziemiya; - pasiyentlərin anamnezində klinik əhəmiyyətli ürək-damar xəstəliklərinin mövcud olması (məsələn, bradikardiya (ürək döyüntüsü 50-dən az), yaxın zamanlarda keçirilmiş miokard infarktı, dekompensasiya edilmiş ürək çatışmazlığı, ürəyin hipertrofiyası, IA və III-cü sinif antiaritmik preparatlar təyin edilən aritmiyalar), mədəcik aritmiyaları və ya “piruet” tipli polimorf mədəcik taxikardiyası (Torsade de Pointes); - QT intervalının anadangəlmə uzanması sindromu və ya QT sonralar əmələ gələn uzanması (kişilərdə Q Tc intervalının 450 msan-dən və qadınlarda 470 msan-dən artıq olması); - QT inervalının əhəmiyyətli dərəcədə uzanmasına səbəb olan preparatlarla eyni zamanda istifadə olunması; - qalaktozaya qarşı dözümsüzlük, laktaza çatışmazlığı və ya qlükoza-qalaktoza malabsorbsiyası kimi nadir irsi xəstəliklər. Ehtiyatla: - baş beyinin üzvi xəstəlikləri; - əqli inkişafın ləngiməsi; - pasiyentin anamnezində ürək-damar xəstəliklərinin, həmçinin ailə anamnezində QT intervalının uzanması hallarının mövcud olması; - konvulsiv pozğunluqlar; - ağır dərəcəli böyrək və qaraciyər çatışmazlığı; - gözün ön kamerasının kiçik olması və ön kamera bucağının dar olması kimi nadir patoloji vəziyyət (göz bəbəyinin genişlənməsi ilə əlaqədar olan kəskin qlaukoma tutmalarının inkişaf etməsi ehtimalı var); - ağır dərəcəli psevdoparalitik miasteniya; - prostat vəzinin xoşxassəli hipertrofiyası; - feoxromositoma; - prolaktindən asılı törəmələrin mövcudluğu; - ağır dərəcəli hipotenziya və ya ortostatik pozğunluqlar; - Parkinson xəstəliyi; - qanyaradıcı sistemin xəstəlikləri; - hipertireoz; - ağrılı sidik ifrazı, sidik ifrazının ləngiməsi; - pilorostenoz; - bağırsaq keçməzliyi; - insultun inkişaf etməsinin risk faktorlarının mövcud olması; - şəkərli diabet; - alkoqollu içkilərin və opiatların qəbuluna meylin olması; - hamiləlik və laktasiya dövrü; - uşaqlar və 18 yaşa qədər yeniyetmələr (ciddi nəzarət olunan tədqiqatların kifayət qədər aparılmaması səbəbindən).
Preparatın hamilə qadınlarda klinik istifadə təcrübəsi məhduddur. Xlorprotiksen preparatını hamiləlik dövründə istifadə etmək tövsiyə edilmir, yalnız preparatın ana üçün gözlənilən müalicəvi təsiri döl üçün potensial riskdən yüksək olduğu hallarda təyin edilə bilər. Hamiləliyin üçüncü trimesrində antipsixotik preparatların təsirinə (Xlorprotiksen daxil olmaqla) məruz qalan yenidoğulmuşlar, doğuşdan sonra ağırlıq dərəcəsinə və davametmə müddətinə görə dəyişə bilən ekstrapiramid simptomlar və/və ya ləğvetmə sindromunun əlamətləri daxil olmaqla, arzuolunmaz reaksiyaların inkişaf etmə riskinin artmasına meylli olurlar. Həyəcan, tonusun yüksəlməsi və ya aşağı düşməsi, tremor, yuxuya meyllilik, respirator distress və həmçinin qidalanmanın pozulması halları qeydə alınıb.
Bu səbəbdən, yenidoğulmuşlara diqqətlə nəzarət etmək lazımdır. Ana südündə Xlorprotiksenin aşağı konsentrasiyalarının olmasını nəzərə alaraq, preparatı anaya terapevtik dozalarda təyin etdikdə Xlorprotiksenin südəmər körpəyə mənfi təsir etməsi güman edilmir. Peroral qəbul zamanı körpənin orqanizminə daxil olan doza, bədən kütləsinə görə korreksiya olunmuş, ana tərəfindən qəbul edilən sutkalıq dozanın təxminən 2%-ni təşkil edir. Klinik cəhətdən vacib olduqda, Truksal preparatı ilə müalicə müddətində ana südü ilə qidalanmaya icazə verilir.
Buna baxmayaraq, yenidoğulmuşların vəziyyətinə ciddi nəzarət etmək tövsiyə olunur, xüsusilə dünyaya gəldikdən sonra ilk 4 həftə müddətində. Fertillik İnsanlarda hiperprolaktinemiya, qalaktoreya, amenoreya, eyakulyasiyanın pozulması, həmçinin erektil disfunksiya kimi arzuolunmaz mənfi hallar qeydə alınıb (“Əlavə təsirlər” bölməsinə bax). Bu cür əlavə təsirlər qadın və/və ya kişilərin cinsi fəaliyyətinə və fertilliklərinə mənfi təsir göstərə bilər. Klinik əhəmiyyət kəsb edən hiperprolaktinemiya, qalaktoreya, amenoreya və ya cinsi disfunksiyalar meydana çıxdıqda preparatın dozasının aşağı salınması (mümkün olduqda) və ya qəbulunun tamamilə dayandırılması barədə düşünmək lazımdır.
Adı çəkilən əlavə effektlər preparatın qəbulu dayandırıldıqdan sonra tezliklə aradan qalxır. Dərman preparatının heyvanların fertilliyinə potensial təsiri öyrənilməyib.
Truksal sedativ təsirə malik dərman preparatıdır. Psixotrop preparatlar qəbul edən pasiyentlərdə ümumi diqqət və konsentrasiya pozğunluqları baş verə bilər. Belə hallar müşahidə olunan pasiyentləri nəqliyyat vasitələrini və digər potensial təhlükəli mexanizmləri idarə etdikdə diqqətli olmaları barədə xəbərdar etmək lazımdır.
Tabletləri daxilə, su ilə qəbul etmək lazımdır. Preparatın dozalanması pasiyentin vəziyyətindən asılı olaraq fərdi seçilir. Bir qayda olaraq, müalicənin əvvəlində aşağı dozalar təyin olunur, sonradan dozalar, orqanizmin terapevtik cavabından asılı olaraq, mümkün qədər sürətlə optimal effektiv səviyyəyə qədər yüksəldilir. Şizofreniya və digər psixozlar.
Maniakal vəziyyətlər Müalicəyə sutkada 50-100 mq dozadan başlamaq lazımdır, sonra optimal effekt əldə olunana qədər dozanı tədricən artırmaq lazımdır, adətən sutkada 300 mq qədər. Bəzi hallarda, dozanı sutkada 1200 mq qədər artırmaq olar. Saxlayıcı doza, adətən sutkada 100-200 mq təşkil edir. Xlorprotiksenin sutkalıq dozasını adətən 2-3 qəbula bölmək lazımdır.
Xlorprotiksen preparatının sedativ təsirini nəzərə alaraq, dozanın az hissəsini günün birinci yarısında, çox hissəsini isə axşam qəbul etmək tövsiyə edilir. Alkoqolizm və narkomaniya zamanı abstinent sindrom 7 gün müddətində, 2-3 qəbula bölünmüş sutkalıq doza 500 mq təşkil edir. Abstinent sindromun əlamətləri aradan qalxandan sonra dozanı tədricən aşağı salmaq lazımdır. Saxlayıcı doza sutkada 25-75 mq-dır.
Bu doza vəziyyəti sabitləşdirməyə imkan verir, növbəti içki aludəliyinin inkişaf etməsi riskini aşağı salır alır. Əlavə olaraq dozanın aşağı salınması tələb oluna bilər. Depressiv vəziyyətlər, nevrozlar, psixosomatik pozğunluqlar Truksal preparatı, sərbəst və ya antidepressantlarla müalicəyə əlavə vasitə kimi, həyəcan və gərginliklə müşayiət olunan depressiyaların müalicəsində istifadə oluna bilər. Truksal, həyəcan və depressiv pozğunluqlarla müşayiət olunan nevrozların və psixosomatik xəstəliklərin müalicəsi üçün sutkada 75 mq qədər təyin oluna bilər.
Sutkalıq doza, adətən 2-3 qəbula bölünür. Xlorprotiksen vərdişolma və dərmandan asılılıq törətmədiyi üçün, uzun müddət istifadə oluna bilər. Maksimal sutkalıq doza 150 mq-dır. Psixi pozğunluqlarla müşayiət olunan epilepsiya və oliqofreniya Sutkalıq doza 50 mq təşkil edir və bir qayda olaraq, 2-3 qəbula bölünür.
Sutkalıq doza 75-100 mq qədər artırıla bilər. Epilepsiya zamanı istifadə olunan qıcolma əleyhinə preparatın müvafiq dozalanmasını saxlamaq lazımdır. Yaşlı pasiyentlər Yaşlı pasiyentlər üçün dozalanma fərdi seçilir; doza sutkada 25-75 mq təşkil edir. Yuxusuzluq Yatmazdan 1 saat əvvəl 25 mq təyin olunur.
Ağrılar Xlorprotiksenin analgetiklərin təsirini gücləndirməsi xüsusiyyəti ağrıları olan pasiyentlərin müalicəsi üçün istifadə edilir. Bu hallarda, Xlorprotiksen 75 mq-dan 300 mq-a qədər dozalarda təyin olunur. Analgetiklərlə birlikdə istifadə etmək olar. Uşaqlar və 18 yaşa qədər yeniyetmələr Ciddi nəzarət olunan tədqiqatların kifayət qədər aparılmaması üçün, Truksal preparatından uşaqların və 18 yaşa qədər yeniyetmələrin müalicəsi üçün istifadə etmək tövsiyə edilmir.
Böyrək funksiyalarının pozulması Böyrək funksiyalarının pozulması olan pasiyentlərə preparatın dozası ehtiyatla seçilir və mümkün qədər qanın zərdabında preparatın səviyyəsinin monitorinqi aparılmalıdır. Qaraciyər funksiyalarının pozulması Qaraciyər funksiyalarının pozulması olan pasiyentlərə preparatın dozası ehtiyatla seçilir və mümkün qədər qanın zərdabında preparatın səviyyəsinin monitorinqi aparılmalıdır.
AZ − AZN
