Səhər yeməyini yemək istəməyən bir uşaq, yemək qarşısında saatlarla oturmaq, hər qaşıqdan sonra "birini də ana üçün" demək... Tanış gəldi? 😅
Uşaq böyütmək – xüsusilə də onu sağlam və balanslı qidalandırmaq – bir çox valideyn üçün bəzən kiçik müharibəyə çevrilə bilər. Amma əslində hər şey düşündüyümüzdən daha sadədir. Sadəcə nəyə diqqət etməli olduğumuzu və hansı vəziyyətdə həkimə müraciət etməli olduğumuzu bilmək kifayətdir.
Bu yazıda, həm gündəlik həyatdan çıxan real nüanslara, həm də mütəxəssis tövsiyələrinə əsaslanan qidalanma qaydalarına birlikdə baxacağıq. Gəl, başlayaq.
Valideyn olaraq ən çox eşitdiyimiz cümlə bu olur: "Mənim uşağım yemir."
Əslində uşaqlar öz ehtiyaclarına görə yeyirlər. Onlar toxdursa, yemirlər – bu da çox normaldır. Qidalanma miqdarından çox keyfiyyət və davamlılıq önəmlidir.
💡 İpucu: Yeməyi məcbur etmə, təklif et. Uşaq seçsin. Seçim verdikdə özünü daha güvəndə hiss edir və daha rahat yeyir.
"Filankəsin uşağı süd içir, mənimki heç sevmir" deyə düşünmək yerinə, uşağının nəyə ehtiyacı olduğuna baxmaq lazımdır. Aşağıdakı qidalar istənilən uşaq menyusunun "süperstarları"dır:
Təzə meyvə və tərəvəzlər – vitamin bombası!
Tam taxıllar və paxlalılar – enerji + lif
Süd məhsulları – kalsium və protein
Yumurta, toyuq, balıq – əzələ və beyin inkişafı üçün
Təmiz su – suyu şirə ilə əvəz etmə, bu bir tələdəndir 😄
Bəzi hallarda "özbaşına keçər" deyə gözləmək olmaz. Əgər:
Uşağın çəki artımı dayanıbsa
İştahsızlıq çox uzanıbsa
Qidalanmadan sonra qaşınma, səpgilər və ya qarın ağrısı olursa
Dəfələrlə is-hal və ya qəbizlik yaşanırsa
...bu artıq bir siqnaldır. Pediatra müraciət etmək həm uşağın, həm də sənin üçün rahatlıqdır.
Bəzən analar ya südləri az olur, ya da işlədiklərinə görə körpəni tək buraxmalı olurlar. Belə hallarda quru süd (adaptasiya olunmuş süd qarışıqları) istifadə edilir. Amma seçərkən bunlara diqqət et:
Körpənin yaşına uyğun formul (məsələn, 0-6 ay, 6-12 ay)
Laktoz həssaslığı varsa, ona uyğun formul
Allergiyalı uşaqlar üçün hipoallergen qarışıqlar
Tərkibində dəmir, kalsium və D vitamini olanlar üstünlük təşkil edir
Bəzən uşaq qidaları yemir, amma oyunla, rənglərlə, forma ilə maraqlı hala gətirdikdə fikrini dəyişir. Yemək vaxtı stres yox, əyləncə olmalıdır. Bu həm uşağın psixologiyası, həm də qidalanma davranışı üçün müsbət təsir göstərir.
Uşaq qidalanması bir yarış deyil. Hər uşaq öz tempində böyüyür, inkişaf edir. Sən isə sadəcə ona sevgi, diqqət və doğru dəstək göstər.
Hazırladı: Qalib Zakiroğlu
AZ − AZN
