Valsakor80 mq N28 tablet

VALSAKOR, örtüklü tabletlər

Valsakor tərkibi 

Təsiredici maddə:1 örtüklü tabletin tərkibində 80 mq və ya 160 mq valsartan var. Köməkçi maddələr:laktoza monohidrat, mikrokristallik sellüloza, povidon K25, natrium kroskarmelloza, susuz kolloidal silisium dioksid, maqnezium stearat, hipromelloza 6cp, titan dioksid (E171), qırmızı dəmir oksidi boya maddəsi (E172) (80mq və 160mq üçün), sarı dəmir oksidi boya maddəsi (E172) (160mq tabletlər üçün), makroqol 4000

İstifadəsinə göstərişlər:

 18 yaşdan yuxarı xəstələrdə

 - Arterial hipertenziya;

 - AÇF inhibitorları qəbul etməmiş xəstələrdə kompleks müalicənin tərkibində (standart müalicənin fonunda) xroniki ürək çatışmazlığı (NYHA təsnifatı üzrə II-IV funksional sinif);

 - Kəskin Mİ, ağırlaşmış sol mədəcik çatışmazlığı və/və ya sol mədəciyin sistolik disfunksiyasından sonra, hemodinamik göstəricilərin sabit olması ilə, xəstələrdə sağalmanın artması. 6-18 yaşlı xəstələrdə

 - 6-18 yaşlı uşaq və yeniyetmələrdə arterial hipertenziya.

Əks göstərişlər:

 - Valsartana və ya preparatın digər komponentinə qarşı hiperhəssaslıq;

 - Qaraciyər funksiyasının ağır dərəcədə pozulması (Çayld-Pyu şkalası üzrə 9 baldan yuxarı), biliar sirroz və xolestaz;

 - Şəkərli diabet və/və ya böyrəklərin funksiyasının orta və ya ağır dərəcədə pozulması (yumaqcıq filtrasiyasının sürəti (YFS) 60 ml/dəq.-dən az /1,73 m2 bədən səthi sahəsi) olan xəstələrdə aliskiren və aliskiren tərkibli preparatlarla birlikdə qəbul;

 - Diabetik nefropatiyalı xəstələrdə AÇF inhibitorları ilə birlikdə qəbul;

 - Hamiləlik və laktasiya dövrü;

 - 6 yaşa qədər – arterial hipertenziya göstəricisi üzrə, 18 yaşa qədər – digər göstəricilər üzrə;

 - Valsakor® preparatının tərkibində laktoza olduğu üçün laktaza defisiti, laktozaya qarşı dözümsüzlük, qlükozo-qalaktoz malabsorbsiya sindromu.

Hamiləlik və laktasiya dövründə istifadəsi:

 Hamiləliyin I rübündə ARA II-nin istifadəsi tövsiyə olunmur. Hamiləliyin II və III rüblərində ARA II-nin istifadəsi əks göstərişdir, çünki hamiləliyin II və III rüblərində istifadəsi fetotoksik təsirlər (böyrəklərin funksiyasının azalması, az sululuq, dölün kəllə sümüklərinin bərkiməsinin yavaşıması) və ölümcül olmayan fetotoksik təsirlər (böyrək çatışmazlığı, arterial hipotenziya, hiperkalemiya) yarada bilər. Hamiləliyin II və III rüblərində preparat qəbul edilibsə, dölün böyrəklərinin və kəllə sümüklərinin ultrasəs müayinəsini aparmaq lazımdır. Hamiləlik planlaşdırılan zaman, təhlükəsizlik profilini nəzərə almaqla, xəstəni alternativ hipotenziv terapiyaya keçirmək tövsiyə olunur. Hamiləlik təsdiqləndiyi zaman mümkün qədər tez Valsakor® preparatını dayandırmaq lazımdır. Anaları hamiləlik dövründə ARA II qəbul etmiş yeni doğulan körpələrin, arterial hipotenziyanın inkişaf riskinə görə, tibbi müşahidə altında olması lazımdır. Valsartanın südə keçməsi ilə bağlı məlumat yoxdur. Buna görə də, körpəni ana südü ilə əmizdirmək və ya valsartan ilə müalicəni dayandırmaq və təhlükəsizlik profilini nəzərə almaqla alternativ hipotenziv müalicəyə keçmək haqqında məsələni həll etmək lazımdır.

Valsakor istifadə qaydası, dozası

 Qida qəbulu vaxtından asılı olmayaraq daxilə qəbul olunur. 18 yaşdan yuxarı xəstələr Arterial hipertenziya Valsakor® preparatının tövsiyə olunan başlanğıc dozası, xəstənin irqi mənsubiyyəti, yaşı və cinsindən asılı olmayaraq, gündə 1 dəfə 80 mq təşkil edir. Antihipertenziv təsir 2 həftə ərzində inişaf edir və 4 həftədən sonra maksimuma çatır. AT-in adekvat nəzarətinə nail olmaq mümkün olmayana xəstələrdə valsartanın gündəlik dozası 320 mq maksimum gündəlik dozaya qədər tədricən artırıla bilər. AT-in əlavə olaraq azaldılması məqsədi ilə, sidikqovucu vasitələrin (hidroxlortiazid), eləcə də eyni zamanda digər hipotenziv vasitələrin tətbiqi mümkündür. Xroniki ürək çatışmazlığı Valsakor® preparatının tövsiyə olunan başlanğıc dozası gündə 2 dəfə 40 mq təşkil edir. Preparatın dozasını, ən az, 2 həftə ərzində gündə 2 dəfə 80 mq-a, dözümlülük yaxşı olan zaman isə gündə 2 dəfə 160 mq-a qədər tədricən artırmaq lazımdır. Maksimal gündəlik doza 2 dəfə qəbul edilməklə 320 mq təşkil edir. Bu zaman birlikdə qəbul edilən sidikqovucuların dozasını azaltmaq tələb oluna bilər. XÜÇ-nın müalicəsi üçün nəzərdə tutulan digər dərman vasitələri ilə birlikdə qəbul edilməsi mümkündür. Bununla belə, valsartan, AÇF inhibitorları və beta-adrenoblokatorlar kimi üç sinfə aid preparatlarla birlikdə müalicə tövsiyə olunmur. XÜÇ olan xəstələrin vəziyyətinin qiymətləndirilməsi böyrəklərin funksiyasının yoxlanmasını da əhatə etməlidir. Kəskin miokard infarktı keçirdikdən sonra istifadəsi Sabit hemodinamika göstəriciləri olduqda, kəskin Mİ-nın inkişafından 12 saat sonra artıq müalicəyə başlamaq lazımdır. Gündə 2 dəfə 20 mq (40 mq-lıq tabletlərin ½-si) başlanğıc doza qəbul edildikdən sonra Valsakor® preparatının dozasını titrləmə üsulu ilə tədricən artırmaq olar: bir neçə həftə ərzində gündə 2 dəfə 40 mq, 80 mq və 160 mq. Maksimum gündəlik doza 2 dəfə qəbul edilməklə 320 mq təşkil edir. 2-ci həftənin sonuna yaxın dozanın gündə 2 dəfə 80 mq-a qədər artırılması tövsiyə olunur, maksimum hədəf dozasına gündə 2 dəfə 160 mq Valsakor® preparatı ilə müalicənin 3-cü ayıının sonuna yaxın çatdırıla bilər. Hədəf dozanın əldə edilməsi dozaların titrlənməsi dövründə valsartana qarşı dözümlülükdən asılıdır. Kliniki təzahürlər və ya böyrəklərin funksiyasının pozulması ilə müşahidə olunan, AT-in həddindən artıq azalması halı inkişaf etdiyi zaman preparatın dozasını azaltmaq lazımdır. Digər dərman vasitələri, o cümlədən, tormbolitik vasitələr, antiaqreqant vasitə olaraq asetilsalisil turşusu, beta-adrenoblokatorlar və HMG-KoA-reduktaza inhibitorları (staminlər) ilə birlikdə istifadəsi mümkündür. AÇF inhibitorları ilə birlikdə qəbulu tövsiyə olunmur. Kəskin Mİ keçirdikdən sonra xəstələrin vəziyyətinin qiymətləndirilməsi böyrəklərin funksiyasının yoxlanmasını da əhatə etməlidir. 6-18 yaşlı xəstələr Arterial hipertenziya 6-18 yaşlı uşaq və yeniyetmələrdə Valsakor® preparatının tövsiyə olunan başlanğıc dozası, uşağın bədən kütləsi 35 kq-dan az olduqda 40 mq və uşağın bədən kütləsi 35 kq-dan çox olduqda 80 mq təşkil edir. AT-in azalması nəzərə alınmaqla, dozaya düzəliş edilməsi tövsiyə olunur. Tövsiyə olunan maksimum gündəlik dozalar aşağıdakı cədvəldə əks olunub. Daha yüksək dozaları qəbul etmək tövsiyə olunmur. Bədən kütləsi Tövsiyə olunan maksimum gündəlik doza ≥ 18 kq < 35 kq 80 mq ≥ 35 kq < 80 kq 160 mq ≥ 80 kq < 160 kq 320 mq Xroniki ürək çatışmazlığı və keçirilmiş miokard infarktı 18 yaşdan aşağı xəstələrdə XÜÇ-nın və keçirilmiş Mİ-nın müalicəsi üçün Valsakor® preparatı tövsiyə olunmur. Yaşlı xəstələr 65 yaşdan yuxarı xəstələrdə dozaya düzəliş tələb olunmur. Böyrəklərin funksiyasının pozulması KK 10 ml/dəq.-dən çox olan xəstələrdə dozaya düzəliş tələb olunmur. Böyrəklərinin funksiyası orta və ağır dərəcədə pozulmuş xəstələrdə (KK 60 ml/dəq.-dən az) Valsakor® preparatının aliskirenlə birlikdə qəbulu əks göstərişdir. Qaraciyər funksiyasının pozulması Xolestazsız qeyri-biliar genezli qaraciyər funksiyası yüngül və ya orta dərəcədə pozulmuş xəstələrdə preparatı ehtiyatla qəbul etmək lazımdır, gündəlik doza 80 mq-dan yüksək olmamalıdır. Şəkərli diabetli xəstələr ŞD olan xəstələrdə Valsakor® preparatının aliskirenlə birlikdə qəbulu əks göstərişdir.