XONDROKSID 5% 30GR MELHEM

XONDROKSİD, xaricə istifadə üçün məlhəm

XONDROKSİD tərkibi

Təsiredici maddə: 1 q məlhəmin tərkibində 50 mq xondroitin natrium sulfat vardır.

İstifadəsinə göstərişlər

Periferik oynaqların və onurğanın degenerativ-distrofik xəstəlikləri: osteoartrozun müalicəsi və profilaktikası, onurğanın osteoxondrozu.

Əks göstərişlər

Preparatın komponentlərinə qarşı yüksək həssaslıq. Preparatın istifadə edildiyi nahiyədə dəri örtüyünün zədələnməsi.

Hamiləlik və laktasiya dövründə istifadəsi

Hamiləlik və laktasiya dövründə ehtiyatla istifadə edilməlidir.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Xondroksid® məlhəmi sedativ effektə, psixomotor pozuntulara səbəb olmur və pasiyentlərdə yüksək diqqət və sürətli psixi və hərəki reaksiya tələb edən təhlükəli fəaliyyət növü ilə məşğul olmaq qabiliyyətinə təsir etmir.

XONDROKSİD istifadə qaydası və dozası

Xaricə istifadə edilir. Xondroksid® məlhəmi gündə 2-3 dəfə dəriyə zədələnmiş ocağın üzərinə çəkilir və 2-3 dəqiqə müddətində tam hopdurulur. Müalicə kursu 2-3 həftədən 2-3 aya qədərdir. Ehtiyac olduqda müalicə kursu təkrar edilir.