Ametazon 1 Mq 30 Qr Krem

Ametazon, 0,1% yerli istifadə üçün krem

Ametazon, beynəlxalq patentləşdirilməmiş adı: Mometasone

Ametazon tərkibi

Təsiredici maddə: 1 q kremin tərkibində 1 mq mometazon furoat vardır.

İstifadəsinə göstərişlər

− Psoriaz
− Atopik dermatit
− Kortikosteroidlərlə müalicəyə müsbət cavab verən bütün dermatozlar

Əks göstərişlər

Preparata qarşı yüksək həssaslıq. Akne vulqaris, perioral dermatit, perianal və genital qaşıntı, körpə bez dermatiti, bakterial (impetiqo), viral (herpes simpleks, herpes zooster, su çiçəyi) və funqal (kandida və ya dermatofit) infeksiyalar, varisella, tuberkuloz, sifilis və ya peyvənd sonrası reaksiyalarda əks göstərişdir.

Hamiləlik və laktasiya dövründə istifadəsi

Hamiləlik kateqoriyası C-dir. Hamiləlik və laktasiya dövründə preparatdan böyük dozalarda və uzun müddət istifadə etmək olmaz. Hamiləlik dövründə yalnız fayda-risk dəyərləndirilməsi aparıldıqdan sonra istifadə olunur. Laktasiya dövründə ehtiyatla təyin olunur.

Pediatriyada istifadəsi

2 yaşına kimi uşaqlarda mometazon furoatın istifadəsi həkimin nəzarəti altında aparılır. Dəri səthinin bədən kütləsinə nisbəti yüksək olduğundan hipotalamo-hipofizar sistem və böyrəküstü vəzi təsirə daha həssasdır. 2 yaşdan yuxarı uşaqlarda istifadə oluna bilər. 5 gündən artıq istifadəsi tövsiyə olunmur. Bez dermatitində istifadə olunmur.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Preparat nəqliyyat vasitələrini və potensial təhlükəli mexanizmləri idarəetmə qabiliyyətinə təsir göstərmir.

Ametazon istifadə qaydası

Krem gündə 1 dəfə dərinin zədələnmiş səthinə nazik qatla sürtülür. 2 yaşdan yuxarı uşaqlarda da eyni dozalanmada istifadə olunur. Uşaqlarda 5 gündən artıq istifadə olunmamalıdır.