Dibazol 1% 1ml N10 ampul

DİBAZOL–DARNİTSA inyeksiya üçün məhlul

Dibazol tərkibi

1 ml məhlulun tərkibində 10 mq bendazol hidroxlorid vardır.

İstifadəsinə göstərişlər:

Qan damarlarının (hipertonik xəstəliyin kəskinləşməsi, hipertonik krizlər) və daxili orqanların saya əzələlərinin spazmları (mədənin pilorik hissəsinin, bağırsağın spazmı) zamanı; sinir xəstəliklərinin müalicəsi zamanı (başlıca olaraq, poliomielitin, üz sinirinin periferik iflicinin, polinevritin qalıq təsirlərinin).

Əks göstərişlər:

Preparata qarşı yüksək həssaslıq. Əzələ tonusunun aşağı düşməsi, qıcolma sindromu, ağır ürək çatışmazlığı ilə gedən xəstəliklər. Hipotenziya. Ödemlərlə və böyrəklərin azotifrazedici funksiyasının pozulması ilə müşayiət olunan xroniki nefrit. Mədənin və onikibarmaq bağırsağın qanaxma ilə müşayiət olunan xorası. Şəkərli diabet.

Hamiləlik və laktasiya dövründə istifadəsi:

Preparatı hamiləlik və laktasiya dövründə istifadə etmək olmaz.

İstifadə qaydası və dozası:

Böyüklərə və 12 yaşdan yuxarı uşaqlara Dibazol-Darnitsa venadaxili, əzələdaxili və ya dərialtı təyin edilir. Hipertonik krizləri tormozlamaq üçün 3–5 ml 1%-li məhlulu (30–50 mq) venadaxili və ya əzələ daxilinə yeridilir. Arterial təzyiqin əhəmiyyətli dərəcədə yüksəldiyi zaman sutkada 2–3 dəfə 2–3 ml 1%-li məhlulun (20–30 mq) əzələdaxili yeridilməsi göstərişdir. Müalicə kursu həkim tərəfindən fərdi təyin edilir, orta hesabla 8–14 gün təşkil edir.