Heparin 100 Bv 25 Q Məlhəm

Heparin, xaricə istifadə üçün məlhəm

Heparin tərkibi

Təsiredici maddə:   100 q məlhəmin tərkibində 10000 BV heparin natrium, 4,0 q benzokain (anestezin), 0,08 q benzilnikotinat vardır. 

Əks göstərişlər  

Məlhəmin komponentlərinə qarşı məlum yüksək həssaslıq, məlhəmin ehtimal olunan çəkiləcəyi yerlərdə dərinin xora-nekrotik dəyişikliyi, dəri örtüklərinin bütövlüyünün travmatik pozulması, 18 yaşa qədər uşaqlar.  Sadalanan xəstəliklərdən hər hansı biri Sizdə olarsa preparatı istifadə etməzdən əvvəl mütləq həkimlə məsləhətləşin.

Hamiləlik və laktasiya dövründə istifadəsi

Natrium heparin plasentaya və ana südünə nüfuz etmir. Preparatın istifadəsi yalnız ana üçün potensial faydası döl və uşaq üçün mümkün riski üstələdiyi halda mümkündür. 

İstifadə qaydası və dozası 

Məlhəm xaricə istifadə olunur, nazik təbəqə şəklində, diametri 3-5 sm olan dəri zonasına 0,5-1,0 q məlhəm olmaq hesabı ilə istifadə olunan zonaya çəkilir və ehtiyatla dəriyə yeridilir.  
Xarici babasil düyünlərinin trombozu zamanı məlhəm bez və ya kətan materiala sıxılıb birbaşa 
tromblaşmış düyünlərin üzərinə qoyulur. Eyni məqsədlə heparin məlhəminə batırılmış tamponu rektal daxil etmək üçün istifadə etmək olar.  
Orta hesabla 13-14 gün ərzində hər gün sutka ərzində 2-3 dəfə olmaqla iltihab təzahürləri yox olana qədər istifadə olunur. Müalicənin müddətini həkim müəyyən edir.