Keppra 250MG N50 Tb

KEPPRA 250 mq, film örtüklü tabletlər

KEPPRA 250 mq tərkibi

KEPPRA tərkibi, 1 tabletin tərkibində 250 mq levetirasetam vardır. Mavi rəngli, oblong, film örtüklü tabletlərdir. Levetirasetam antiepileptik dərman qrupuna aiddir.

KEPPRA, istifadəsinə göstərişlər

Epilepsiyanın müxtəlif formalarında parsial başlanğıclı tutmaların monoterapiyası və əlavə müalicəsində, juvenil miokloniya epilepsiyasında və primer generalizə olunmuş tonik-klonik tutmalarda əlavə müalicə kimi istifadə olunur.

Əks göstərişlər

Levetirasetama və ya preparatın köməkçi maddələrinə qarşı yüksək həssaslıq.

Hamiləlik və laktasiya dövründə istifadəsi

Hamiləlik dövründə yalnız zəruri hallarda istifadə edilir. Levetirasetam ana südünə keçir, əmizdirmə dövründə istifadəsi tövsiyə olunmur. Epilepsiya olan qadınlarda müalicənin kəsilməsi tutmaların kəskinləşməsinə gətirib çıxara bilər.

İstifadə qaydası və dozası

Böyüklərə başlanğıc doza gündə 2 dəfə 500 mq (hər qəbulda 2 tablet), tədricən gündə 2 dəfə 1500 mq-a qədər artırıla bilər. Tabletlər bütöv halda su ilə udulmalıdır. Yeməkdən asılı olmayaraq qəbul edilir. Müalicəni kəskin dayandırmaq olmaz, doza tədricən azaldılmalıdır.