Kloderm Sk 15q Məlhəm

Kloderm Sk, xaricə istifadə üçün məlhəm

Kloderm Sk tərkibi

Təsiredici maddə: 1 q  məlhəmin tərkibində 0,05% h/h betametazon dipropionat, 3,00% h/h salisil turşusu, tələb olunan miqdarda məlhəm əsası vardır.

Əks göstərişlər 

Rosacea, akne ,perioral dermatit, genital və perianal qaşınma, preparatın tərkibindəki komponentlərdən hər hansı birinə qarşı hiperhəssaslıq halları, dərinin vərəmli və xüsusən də sadə herpes, vacinia, varicella kimi viral lezyonları zamanı  istifadəsi əks göstərişdir. Göbələk və bakterial dəri infeksiyalarında uyğun paralel infeksiyaəleyhinə müalicə olmadan istifadə edilməməlidir.

Hamiləlik və laktasiya dövründə istifadəsi 

Hamiləlik dövründə yalnız potensial fayda döl üçün potensial riskdən yüksək olduğu təqdirdə istifadə olunmalıdır. Laktasiya: kortikosteroidlərin yerli tətbiqinin ana südündə aşkar edilə bilən miqdarda əmələ gəlməsi üçün hansı müddətdə və hansı miqdarda istifadəsi məlum deyil. Bu səbəbdən laktasiya dövründə tətbiqi və ya tətbiq olunmamasına dair ana üçün əhəmiyyətini nəzərə alaraq qərar verilməlidir.

İstifadə qaydası və dozası 

Böyüklər və uşaqlara: məlhəm nazik təbəqə ilə gündə bir və ya iki dəfə, səhər və gecə olmaqla zədələnmiş dəri nahiyəsinə yumşaq masajla yeridilməlidir. Preparatın iki həftə müddətində təyin edilməsi tövsiyə olunur. Həftəlik maksimum dozası 60 q-ı aşmamalıdır. Uşaqlarda istifadəsi 5 gün ilə məhdudlaşdırılmalıdır.