Sildeazin 1% 40 g Krem

SİLDEAZİN, krem

SİLDEAZİN tərkibi

Təsiredici maddə: 1 q kremin tərkibində 10 mq gümüş sulfadiazin vardır.

İstifadəsinə göstərişlər

Preparat ikinci və üçüncü dərəcəli yanıq zamanı yara sepsisinin profilaktikası və müalicəsi üçün əlavə olaraq, göstərilən yerli antimikrob vasitədir.

Əks göstərişlər

− Gümüş sulfadiazinə və ya kremin tərkibindəki hər hansı bir komponentə qarşı hiperhəssaslıq. − Hamilə olmağa hazırlaşan qadınlarda və hamiləlik dövründə. − 2 aydan aşağı və vaxtından qabaq doğulan körpələrdə. − Metenamin və sulfanilamidlərlə birgə istifadəsi zamanı sidik cövhəri kristallarının əmələ gəlmə riski artır.

Hamiləlik və laktasiya dövründə istifadəsi

Hamiləlik və laktasiya dövründə preparatın istifadəsi əks göstərişdir.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Nəqliyyat vasitəsini və digər potensial təhlükəli mexanizmləri idarəetmə qabiliyyətinə təsir göstərmir.

SİLDEAZİN istifadə qaydası və dozası

Xaricə istifadə edilir. Preparatın geniş səthdə istifadə zamanı böyrəklər və qaraciyərin funksiyasına, eləcə də, qanın formalı elementlərinin tərkibinə nəzarət etmək lazımdır. Yanıqlarda istifadəsi Preparatı yara və yanıq nahiyəsini gigiyenik normalara riayət olunaraq təmizləndikdən sonra 3 - 5 mm qalınlıqda çəkmək lazımdır. Yanıqlarda ekssudatın həcmi böyükdürsə daha tez -tez istifadə etmək lazımdır.

Əllərin yanıqlarında istifadəsi Preparatı yanmış ələ çəkərək əli plastik paketə yerləşdirərək biləkdən bağlamaq lazımdır. Paketin içinə çoxlu miqdarda ekssudat toplanarsa sarğını dəyişmək lazımdır.