Tirosur 5 g Gel

TİROZUR, yerli istifadə üçün gel

TİROZUR tərkibi

Təsiredici maddə: 1 q gelin tərkibində 1 mq tirotrisin vardır.

İstifadəsinə göstərişlər

Az miqdarda eksudatın ifraz edilməsi və tirotrisinə qarşı həssas olan patogen mikroorqanizmlərin törətdikləri superinfeksiyanın mövcudluğu ilə müşayiət olunan səthi yaraların müalicəsi üçün istifadə edilir.

Əks göstərişlər

− Təsiredici maddəyə və ya preparatın tərkibinə daxil olan komponent lərdən hər hansı birinə qarşı yüksək həssaslıq; − burun boşluğunun selikli qişasında yerli istifadəsi. Göstərilən istifadə üsulunun qoxubilmə qabiliyyətinin zəifləməsinə səbəb ola biləcəyi barədə sənədlə təsdiq olunmuş məlumatlar mövcuddur.

Hamiləlik və laktasiya dövründə istifadəsi

Hamiləlik dövrü Preparatın hamiləliyin gedişinə təsiri barədə heç bir məlumat yoxdur. Tirotrisinin və ya setilpiridin xloridin heyvanların reproduktiv funksiyasına təsirinin öyrənilməsi istiqamətində adekvat tədqiqatlar aparılmamışdır. İnsan üçün potensial riski məlum deyildir və bu səbəbdən, Tirozur preparatının hamiləlik dövründə istifadəsi tövsiyə edilmir. Laktasiya dövrü Tirotrisinin və setilpiridin xloridin ana südünə nüfuz edib-etməməsi məlum deyil və bu səbəbdən, laktasiya dövründə preparatdan istifadə edilməməlidir.

Fertilliyi Preparatın fertilliyə təsiri barədə heç bir məlumat yoxdur.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Heç bir məlumat yoxdur.

TİROZUR istifadə qaydası və dozası

Gel gündə 2 -3 dəfə nazik təbəqə ilə dərinin zədələnmiş nahiyələrinə çəkilməlidir. Bədənin açıq sahələrində kiçik yaralar və ya dərinin iltihabı mövcud olduğu halda, onların üzərinin örtülməsi, bir qayda olaraq, tələb edilmir. İslanan yaralar qeyd olunduqda, həkim təyinatı əsasında 1 -2 gündən bir dəyişdirilən qoruyucu bandajın istifadəsi tövsiyə olunur. Müalicənin davametmə müddəti xəstəliyin klinik təzahürlərindən asılıdır.

Bir həftə müddətində aparılan müalicədən sonra yaxşılaşma qeyd olunmadığı təqdirdə, həkimlə məsləhətləşmək lazımdır. Mümkün olduğu halda, antibiotiklərə qarşı patogen floranın həssaslığı müəyyən edilməlidir.