Dermasol 20 qr krem

DERMAZOL, 0,05% xaricə istifadə üçün krem

DERMAZOL tərkibi

Təsiredici maddə: 100 q kremin tərkibində 50 mq klobetazol propionate BP vardır.

İstifadəsinə göstərişlər

Dermazol® aşağıdakı hallarda istifadə olunur: Bütün yaş qruplarında hiperakustik ekzemanın bütün formalarına ilkin nəzarət (uşaqlarda bir neçə gündən çox olmayaraq). Əllərin və ayaqların xronik hiperkeratotik ekzeması və sadə xronik dəmrov ləkələri. Bədənin hər hansı sahəsinin xronik hiperkeratotik psoriazı. Ağır kəskin fotohəssaslıq.

Hipertrofik qırmızı yastı dəmrov. Lokalizəolunmuş bullyoz pozğunluqlar. Keloid çapıqlar. Pretibial miksedema.

Vitiliqo. Krioterapiyadan sonra reaksiyanın tormozlanması.

Əks göstərişlər

Aşağıdakı hallarda Klobetazol propionatın istifadəsi əks göstərişdir: Dərinin impetiqo, tinea corporis və herpes simplex kimi infeksiyaları. Qoturluq kimi invaziyalar. Yenidoğulmuşlar (bir yaşdan kiçik uşaqlar). Adi çivzə (acne vulgaris).

Rosasea. Qravitasion xoralanma. Perioral dermatit. Perianal və genital qaşınmalar.

Hamiləlik və laktasiya dövründə istifadəsi

Hamiləlik dövründə Klobetazol propionatın istifadə edilməsindən qaçmaq lazımdır. Dərman preparatını böyük miqdarda istifadə edən analar onun ana südünə potensial nüfuz etməsi barədə xəbərdar edilməlidirlər.

DERMAZOL istifadə qaydası və dozası

Yaxşılaşma baş verənə qədər zədələnmiş sahəyə ehtiyatla gündə bir və ya iki dəfə istifadə etmək lazımdır. Yerli istifadə üçün steroidlərin digər yüksək aktiv preparatları ilə olduğu kimi, nəzarət əldə edilən kimi, müalicəni dayandırmaq lazımdır. Əgər daha uzunmüddətli müalicə tələb olunarsa, pasiyentin vəziyyətinə nəzarət edilmədən, müalicənin 4 həftədən artıq davam etdirilməsi tövsiyə olunmur. Dermazol ®-la qısamüddətli təkrar kurslar kəskinləşməyə nəzarət üçün istifadə edilə bilər.

Əgər fasiləsiz steroid müalicə tələb olunarsa, daha zəif preparatdan istifadə etmək lazımdır. Çox rezistent zədələnmələr zamanı, xüsusilə hiperkeratoz zamanı Dermazol®-un iltihabəleyhinə təsiri, lazım gələrsə, müalicə edilən sahəni polietilen örtüklə örtməklə gücləndirilə bilər. Qənaətbəxş cavabı təmin etmək üçün, yalnız gecə okklüzion sarğının qoyulması kifayətdir. Bundan sonra, yaxşılaşmanı adətən okklüzion sarğısız saxlamaq olar.