Difluderm 15 Qe Krem

DİFLUDERM, yerli istifadə üçün krem


Difluderm tərkibi

Təsiredici maddə: 1 q kremin tərkibində 10 mq (1%) izokonazol nitrat, 1 mq (0,1%) diflukortolon valerat vardır.
Köməkçi maddələr: maye parafin, vazelin, setostearil spirti, sorbitan monostearat, polisorbat 60, dinatrium EDTA, təmizlənmiş su.

Əks göstərişlər
• Əsas təsiredici maddələr izokonazol nitrata, diflukortolon valerata və ya bu dərmanın tərkibinə daxil olan hər hansı köməkçi maddəyə qarşı allergiya varsa,
• Vərəm və ya sifilis; virus infeksiyaları (məsələn, suçiçəyi, herpes zoster), üz dərisinin xronik iltihabi dəri xəstəliyi (rozasea), ağız ətrafındakı dərinin iltihabı (perioral dermatit) və ya müalicə olunacaq nahiyənin dərisində peyvənddən sonrakı dəri reaksiyası vardırsa

Hamiləlik və laktasiya dövründə istifadəsi
Bir qayda olaraq hamiləliyin ilk trimestrində kortikosteroid tərkibli xaricə istifadə olunan preparatların istifadəsi arzuolunmazdır.
Xüsusilə preparatı uzunmüddətli və bədənin geniş nahiyələrinə çəkmək olmaz.
Laktasiya dövründə DİLFLUDRM kremini süd vəzilərinin üzərinə çəkmək olmaz.

Difluderm istifadə qaydası, dozası

DİFLUDERM gündə 2 dəfə istifadə edilməlidir.
DİFLUDERM ilə müalicə dərinin iltihabi və ya ekzematoz xəstəliklərinin yaxşılaşmasından sonra və ya müalicənin başlanmasından ən çoxu 2 həftə sonra və tərkibində kortikosteroid olmayan kremlə müalicəyə başlamazdan əvvəl dayandırılmalıdır. Bu, xüsusilə xaya və genital nahiyələrdə istifadəyə aiddir.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
DİFLUDERM preparatının nəqliyyat vasitələrini və digər potensial təhlükəli mexanizmləri idarəetmə qabiliyyətinə təsirinə dair heç bir məlumat yoxdur.