Bitib
Stokda olanda mənə xəbər verin.Təsiredici maddə: 1 tabletin tərkibində 0,5 mq kaberqolin vardır.
Fizioloji laktasiyanın qarşısının alınması və zəiflədilməsi Kaberqolin doğuşdan sonra fizioloji laktasiyanın qarşısının alınması və artıq başlanmış laktasiyanın zəiflədilməsi üçün göstərişdir: 1. ananın doğuşdan sonra körpəyə ana südü verməmək qərarı olduqda, yaxud tibbi səbəblərə görə ana və ya uşaq üçün ana südü ilə qidalandırma əks göstəriş olduqda. 2. ölü dölün anadan olmasından və ya abortdan sonra. Kaberqolin prolaktin sekresiyasının inhibə edilməsi ilə fizioloji laktasiyanın qarşısını alır/zəiflədir. Nəzarət edilən klinik tədqiqatlarda kaberqolin doğuşdan sonra 1 mq birdəfəlik doza kimi qəbul edilirdi və o, qadınların 70-90%-də südün sekresiyasının inhibə edilməsinin, o cümlədən süd vəzilərinin böyüməsinin və ağrının qarşısının alınması üçün effektiv olmuşdur. 5%-dən az qadında doğuşdan sonra üçüncü həftə süd vəzilərində əlamətlər yenidən meydana gəlmişdir (əlamətlər adətən yüngül ağırlıq dərəcəsində idi). İki gün ərzində dörd dozaya bölünmüş 1 mq kaberqolinin ümumi dozasını qəbul edən ana südü ilə qidalandıran qadınların təxminən 85%-də süd sekresiyasının zəifləməsi və süd vəzilərinin böyüməsinin və ağrının aradan qaldırılmasına nail olunur. 10-cu gündən sonra süd vəzilərində əlamətlərin təkrarlanması nadir hallarda müşahidə olunur (təxminən 2% hallarda). Hiperprolaktinemiya ilə əlaqəli pozulmaların müalicəsi Kaberqolin amenoreya, oliqomenoreya, anovulyasiya və qalaktoreya daxil olmaqla hiperprolaktinemiya ilə əlaqəli pozulmaların müalicəsinə göstərişdir. Kaberqolin göstərilən klinik əlamətlərin inkişafının əsas başlanğıc patologiyası hesab edilən hipofizin prolaktin-sekresiyaedici adenomaları (mikro- və
makroprolaktinomalar), idiopatik hiperprolaktinemiya və ya hiperprolaktinemiya ilə əlaqəli “boş” türk yəhəri sindromu ilə bağlı pozulmaların müalicəsinə göstərişdir. Uzunmüddətli müalicə zamanı həftədə 1-2 mq kaberqolinin qəbulu ilə hiperprolaktinemiyalı pasiyentlərin təxminən 84%-də qan plazmasında prolaktinin səviyyəsini normallaşdırmaq mümkün olmuşdur. Əvvəllər amenoreyası olan qadınların 83%-də müntəzəm sikl bərpa edilmişdir. Lütein fazası boyu progesteron səviyyəsi nəzarət edilən qadınların 89%-də ovulyasiyanın bərpası sənədləşdirilmişdir. Müalicəyə başlamazdan əvvəl qalaktoreya müşahidə olunan 90% hallarda bu əlamət aradan qalxmışdır. Mikro- və makroprolaktinoması olan qadın və kişilərin 50-90%-də şişin ölçüsünün azalması müşahidə olunmuşdur.
− Kaberqolinə və/və ya preparatın tərkibində olan hər hansı bir köməkçi maddələrinə qarşı, həmçinin çovdar mahmızının alkaloidlərinə qarşı yüksək həssaslıq;
− Anamnezdə ağ ciyərlərdə, perikardda və ya peritonarxası boşluqda fibroz dəyişikliklər.
− Qaraciyər çatışmazlığı və hamilə toksemiyası olan pasiyentlərə kaberqolin əks göstərişdir. Kaberqolini antipsixotik preparatlarla birlikdə və ya anamnezdə doğuşdan sonra psixoz qeyd edilmiş qadınlara təyin etmək olmaz. Uzunmüddətli müalicə üçün: müalicədən əvvəl aparılmış exokardioqrafiyada ürək valvulopatiyası əlamətləri aşkar edilmiş şəxslərə (“Xüsusi göstərişlər və ehtiyat tədbirləri” bölməsinə bax).
Hamiləlik
Hamilə qadınlarda kaberqolinin istifadəsi ilə yetərli və ciddi nəzarətli tədqiqatlar keçirilməyib. Heyvanlar üzərində aparılmış tədqiqatlar kaberqolinin teratogenlik təsirini göstərməyib, lakin farmakodinamik aktivlik ilə bağlı azalmış fertillik və embrionun toksikliyi halları müşahidə olunub. Kaberqolinin hamilə qadınlara təsiri ilə bağlı 256 hamiləlik nəticələri üzərində on iki illik müşahidə aparılmışdır. Bu 256 hamiləlikdən 17-sində (6,6%) döldə ciddi anadangəlmə inkişaf qüsurları müşahidə olunub və ya abortla nəticələnib. 258 yenidoğulmuş körpələrin 23-də ümumilikdə 27 həm ağır, həm də ağır olmayan inkişaf qüsurları aşkar edilmişdir. Ən çox yayılmış anomaliyalar əzələ skelet sistemi (10) və ürək və ağciyər sisteminin (5) inkişaf qüsurları idi. Ana bətnində kaberqolinin təsirinə məruz qalmış yenidoğulmuşlarda perinatal pozulmalar, həmçinin onların uzunmüddətli inkişafı ilə bağlı məlumatlar mövcud deyildir. Bu yaxınlarda nəşr edilmiş məlumatlara görə ümumi əhali arasında ağır anadangəlmə inkişaf qüsurlarının yayılması 6,9% və daha çox təşkil edir və müxtəlif əhali qruplarında müxtəlif olur. Tədqiqat zamanı nəzarət edilən qrup olmadığı üçün anadangəlmə inkişaf qüsurlarının yaranması riskinin artmasını dəqiq müəyyən etmək mümkün olmamışdır. Kaberqolin hamiləlik zamanı, yalnız artıq dərəcədə ehtiyac olduqda və fayda/risk nisbətini diqqətlə qiymətləndirdikdən sonra təyin edilə bilər (“Xüsusi göstərişlər və ehtiyat tədbirləri” bölməsinə bax). Preparatın uzun yarımxaricolma dövrünün olmasını və bətndaxili təsiri barədə məlumatların az olduğunu nəzərə alaraq hamilə qalmaq planlaşdıran qadınlar ehtimal edilən hamiləlikdən əvvəl kaberqolinin istifadəsini dayandırmalıdırlar. Kaberqolinlə müalicə zamanı hamiləlik baş verərsə, preparatın dölə təsir müddətini azaltmaq üçün hamiləlik təsdiq edildikdən sonra müalicə dayandırılmalıdır. Ana südü ilə qidalandırma dövrü Kaberqolin laktasiya dövründə olan siçovulların südünə nüfuz edir, insanlarda kaberqolinin ana südünə nüfuz etməsi haqda isə məlumat yoxdur. Lakin laktasiyanın qarşısını almaq və aradan qaldırmaq üçün kaberqolin istifadəsinin kifayət qədər təsiri olmadıqda ana südü ilə qidalandırma dayandırılmalıdır. Kaberqolin laktasiyanın qarşısını aldığı üçün ana südü ilə qidalandırmanı planlaşdıran hiperprolaktinemiyalı pasiyentlərdə onun istifadəsi əks göstərişdir.
Müalicənin əvvəlində pasiyentlər cəld və dəqiq reaksiya tələb edən işlərdə ehtiyatlı olmalıdır. Kaberqolinlə müalicənin ilk günlərində pasiyentlər nəqliyyat vasitəsini idarə və ya mexanizmlərlə iş kimi cəld və dəqiq reaksiya tələb edən işlərə yenidən başlayan zaman ehtiyatlı olmalıdır. Kaberqolin qəbul edən və yuxululuq hiss edən pasiyentlərə belə yuxulu vəziyyət aradan qalxana qədər nəqliyyat vasitəsini idarə etməkdən, yaxud diqqətin yayınması nəticəsində ciddi xəsarət və ya ölümə səbəb ola biləcək fəaliyyətlə (məsələn, mexanizmlərlə iş) məşğul olmaqdan çəkinmələri barədə məlumat verilməlidir. (“Xüsusi göstərişlər və ehtiyat tədbirləri” bölməsinə bax).
Daxilə, yemək zamanı. Klinik tədqiqatlarda kaberqolin əsasən yeməklə qəbul edildiyi üçün və bu sinif maddələrin yeməklə birlikdə daha yaxşı qəbul edildiyinə görə bütün hallarda kaberqolini yeməklə qəbul etmək tövsiyə olunur. Laktasiyanın qarşısının alınması: birdəfəlik 1 mq (0,5 mq-lıq iki ədəd tablet), doğuşdan sonra ilk gün (doğuşdan sonra ilk yemək zamanı qəbul olunmasına üstünlük verilir). Başlanmış laktasiyanın ləngidilməsi: 0,25 mq (1/2 tablet) sutkada 2 dəfə hər 12 saatdan bir 2 gün ərzində (ümumi doza 1 mq-a bərabərdir). Müəyyən edilmişdir ki, bu doza rejimi, laktasiyanı zəiflətməyə çalışan qadınların qəbul etdiyi birdəfəlik dozadan daha yaxşı qəbul olunur və onun üçün arzuedilməz halların nisbətən aşağı tezliyi, əsasən hipotenziya əlamətləri xarakterikdir. Hiperprolaktinemiya ilə bağlı pozulmaların müalicəsi: tövsiyə olunan başlanğıc doza həftədə 0,5 mq təşkil edib birdəfəlik və ya iki dəfəyə (0,5 mq-lıq yarım tablet, məsələn birinci və dördüncü gün) qəbul edilə bilər. Həftəlik dozanın artırılması tədricən, daha yaxşısı, hər həftə 0,5 mq artırmaqla 1 aylıq fasilə ilə optimal terapevtik effektin alınmasına qədər aparılmalıdır. Terapevtik doza adətən həftədə 1 mq təşkil edir, lakin həftədə 0,25-2 mq arasında dəyişə bilər. Hiperprolaktinemiyadan əziyyət çəkən pasiyentlərə həftədə 4,5 mq- a qədər kaberqolin dozası təyin edilirdi. Maksimal doza sutkada 3 mq-dan artıq olmamalıdır. Pasiyentlərin dözümlülüyündən asılı olaraq həftəlik dozanı birdəfəlik və ya bölərək həftədə 2 dəfə və daha çox olmaqla qəbul etmək olar. Həftəlik dozanın bir neçə qəbula bölünməsi preparatın həftədə 1 mq-dan çox olduğu zaman tövsiyə edilir, çünki həftədə bir dəfə qəbul zamanı 1 mq-dan artıq olan dozalara dözümlülük ancaq bir neçə pasiyentdə tədqiq edilmişdir.
Terapevtik cavab reaksiyasına səbəb olan minimal dozanı müəyyən etmək üçün pasiyentləri dozanın artırılması zamanı müayinə etmək lazımdır. Qan zərdabında prolaktin səviyyəsinə ayda bir dəfə nəzarət etmək tövsiyə olunur, çünki doza təyininin effektiv terapevtik rejiminə nail olduqdan sonra zərdabda prolaktinin normal səviyyəsi iki-dörd həftə ərzində bərpa olunur. DOSTİNEKS preparatının qəbulunun dayandırılmasından sonra adətən hiperprolaktinemiyanın residivi müşahidə olunur. Bununla belə, bəzi qadın pasiyentlərdə bir neçə ay ərzində prolaktin konsentrasiyasının davamlı azalması müşahidə olunur. Növbəti müşahidələrin aparıldığı əksər qadınlarda, 29 nəfərdən 23- də, müalicə dayandırıldıqdan sonra ovulyasiya siklləri ən azı 6 ay davam etmişdir. Preparatın pasiyentlərin xüsusi klinik qruplarında istifadəsi Uşaqlarda və yeniyetmələrdə 16 yaşa qədər uşaqlarda kaberqolinin təhlükəsizliyi və effektivliyi müəyyən olunmayıb. Yaşlı pasiyentlərdə Kaberqolinin terapevtik göstərişlərini nəzərə alaraq yaşlı pasiyentlərdə istifadəsi çox məhduddur. Mövcud olan məlumatlar kaberqolinlə bağlı xüsusi bir risk göstərmir.
AZ − AZN
