Fundokort 15 qr krem

FUNDOKORT, krem

Fundokort, beynəlxalq patentləşdirilməmiş adı: Isoconazole nitrate + Diflucortolone valerat.

FUNDOKORT tərkibi

Təsiredici maddələr: 1 q kremin tərkibində 10 mq izokonazol nitrat, 1 mq diflukortolon valerat.
Köməkçi maddələr: maye parafin, sarı yumşaq parafin, polisorbat 60, setostearil spirti, dinatrium EDTA, sorbitan stearat, təmizlənmiş su.

FUNDOKORT, istifadəsinə göstərişlər

Dərinin yüksək iltihabi və ya ekzematoz simptomları (əl, ayaq barmaqlarıarası, qasıq və genital nahiyələr) ilə müşayiət olunan səthi göbələk infeksiyalarının başlanğıc və aralıq müalicəsi.

Əks göstərişlər

• Tərkibindəki maddələrə qarşı yüksək həssaslıq
• Vərəmli, sifilitik proseslər, virus xəstəlikləri (suçiçəyi, kəmərləyici dəmrov), rozaseya, perioral dermatit, postvaksinal dəri reaksiyaları

Hamiləlik və laktasiya dövründə istifadəsi

• Hamiləliyin I trimestrində istifadəsi tövsiyə olunmur
• Geniş sahələrdə və uzunmüddətli istifadədən çəkinilməlidir
• Laktasiya dövründə süd vəzilərinə tətbiq edilməməlidir

FUNDOKORT, istifadə qaydası

• Gündə 2 dəfə zədələnmiş nahiyəyə çəkilir
• Maksimum 2 həftəlik müalicədən sonra kortikosteroid olmayan göbələk əleyhinə preparatla davam etdirilməlidir
• Uşaqlarda ehtiyac olmadıqda istifadə edilməməlidir; sistem absorbsiyası və əlavə təsir riski yüksəkdir

Əlavə təsirləri

Tez-tez: tətbiq yerində qıcıqlanma, göynəmə
Bəzən: eritema, quruluq, striyalar
Məlum deyil: qaşınma, qabarcıqlar, dəri atrofiyası, hipertrixoz, follikulit, teleangioektaziya, perioral dermatit, rəngsizləşmə, akne, allergik reaksiyalar, sistem absorbsiya nəticəsində adrenal supressiya və immunosupressiya