Adaptol 500 mq N10 tablet

Adaptol, 500 mq tabletlər     

Adaptol tərkibi

Təsiredic maddə:   1 tabletin tərkibində 500 mq temgikoluril vardır.

Əks göstərişlər  

Preparatın  istənilən komponentinə qarşı yüksək həssaslıq.

Hamiləlik və laktasiya dövründə istifadəsi 

Preparatın təsiredici maddəsi orqanizmin bütün toxumalarına və mayelərinə yaxşı nüfuz edir. 
Hamiləlik və laktasiya dövründə istifadəsinə dair kifayət qədər klinik müşahidələr yoxdur, bu 
səbəbə görə preparatı bu dövrlərdə təyin etmək məsləhət görülmür.  

İstifadə qaydası və dozası 

Adaptol  qida qəbulundan asılı olmayaraq daxilə qəbul edilir.   
Böyüklərə gündə 2-3 dəfə 500 mq təyin edilir.  
Birdəfəlik maksimal doza 3 q, yüksək sutkalıq doza 10 q təşkil edir. 
Müalicə kursunun müddəti bir neçə gündən 2-3 aya qədərdir. 
Tütün çəkməyə meylliyi azaldan vasitə qismində kompleks müalicədə preparat 5-6 həftə ərzində 
sutkada 1000 mq qəbul edilir. 
Yaşlı pasiyentlərdə dozanın azaldılmasına ehtiyac yoxdur.    
Qaraciyər çatışmazlığı olan pasiyentlərdə dozanın azaldılması tələb edilmir.   
Böyrək çatışmazlığı olan pasiyentlərdə doza öyrənilməmişdir. Belə pasiyetlərdə dərman vasitəsini  ehtiyatla istifadə etmək lazımdır.     
Pediatrik populyasiya 
Adaptolun uşaqlarda və 18 yaşa qədər yeniyetmələrdə istifadəsinin təhlükəsizliyi və effektivliyi 
barədə məlumat yoxdur. 
Preparatın qəbulu unudulduqda, onu ötürülən dozanı yada düşən kimi qəbul etmək, növbəti  
qəbulun vaxtı yaxınlaşdıqda, unudulan dozanı ötürmək lazımdır. Heç vaxt ikiqat doza qəbul etmək olmaz.