Ayferon 5 ml göz damcısı

AYFERON, göz damcısı hazırlamaq üçün liofilizəedilmiş toz

AYFERON tərkibi

Təsiredici maddə: 1 flakonun içərisində 1 000 000 BV insan rekombinant alfa-2b interferonu vardır.

AYFERON, istifadəsinə göstərişlər

Virus mənşəli göz xəstəlikləri (herpes infeksiyası).

Əks göstərişlər

Preparatın komponentlərinə qarşı hiperhəssaslıq.

Hamiləlik və laktasiya dövründə istifadəsi

Hamiləlik və ya laktasiya dövründə istifadəsinə dair məlumat yoxdur.

AYFERON, istifadə qaydası

İstifadə etməzdən öncə flakondakı 1 000 000 BV tozu 5 ml həlledicidə (0,1% nipagin məhlulu) həll etmək lazımdır. 1 ml hazır məhlulun tərkibində 200 000 BV insan rekombinant alfa-2b interferonu vardır. Preparatı hər 2 saatdan bir 2 damcı (sutkada 6 dəfəfən az olmayaraq) zədələnmiş gözün konyunktiva kisəsinə damızdırmaq lazımdır. Xəstəliyin simptomları azaldıqca dozanı 1 damcıya qədər azaltmaq olar. Müalicə kursu 7-10 gün təşkil edir.

Əlavə təsirləri

Nadir hallarda müxtəlif yerli reaksiyalar, o cümlədən allergik reaksiyalar, şişkinlik, qaşınma, göz qapaqlarının hiperemiyası, üzün hiperemiyası kimi əlavə təsirlər meydana çıxa bilər. Bu simptomlar müalicəni dayandırdıqdan sonra aradan qalxır.