Bitib
Stokda olanda mənə xəbər verin.Azopt tərkibi, 1 ml suspenziyanın tərkibində 10 mq brinzolamid vardır. Köməkçi maddələr: benzalkonium xlorid (konservant), mannitol, karbomer 974P, natrium-xlorid, tiloksapol, dinatrium edetat, xlorid turşusu və/və ya natrium-hidroksid (pH-ı tənzimləmək üçün), təmizlənmiş su.
Azopt oftalmoloji suspenziya karbonanhidraza inhibitoru olub, okulyar hipertoniya və ya açıq-bucaqlı qlaukoma olan böyüklərdə yüksəlmiş gözdaxili təzyiqi azaltmaq üçün təyin edilir. Həmçinin β-blokatorlarla müalicəyə cavab verməyən və ya β-blokatorların istifadəsi əks göstəriş olan böyüklərdə monoterapiya kimi və ya β-blokatorlara və ya prostaqlandin analoqlarına əlavə müalicə şəklində təyin edilir.
• Preparatın istənilən komponentinə qarşı yüksək həssaslıq
• Sulfanilamidlərə qarşı məlum hiperhəssaslıq
• Böyrək funksiyasının ağır dərəcədə pozulması
• Hiperxloremik asidoz
Hamilə qadınlarda Azoptun yerli istifadəsinə dair adekvat və ya yaxşı nəzarət olunmuş tədqiqatlar aparılmayıb. Heyvanlarda aparılan tədqiqatlarda yüksək dozada brinzolamid döl üçün toksik olmuşdur. Laktasiya dövründə brinzolamidin insan südünə keçib-keçmədiyi məlum deyil. Körpələrin ana südü ilə qidalandırılması və ya müalicənin dayandırılması, müalicənin ana və körpəsinə verdiyi fayda/risk nisbətinə əsasən qərara alınmalıdır.
Zədələnmiş göz(lər)ə gündə 3 dəfə 1 damcı tökülür. Maksimal doza gündə 3 dəfədən artıq olmamalıdır. Birdən artıq oftalmoloji vasitələr təyin edildikdə, preparatlar arasında ən azı 5 dəqiqə fasilə saxlanmalıdır və məlhəmlər ən sonda tətbiq edilməlidir. Flakon istifadədən əvvəl yaxşı çalxalanmalı, flakon ucu heç bir səthə və ya gözə toxundurulmamalıdır. Dərmandan istifadə edilmədikdə qapağı möhkəm bağlanmalıdır. İstifadədən sonra 2 dəqiqə ərzində burun-göz yaşı kanalı barmaqla basılmalı və ya göz qapaqları yumşaq bağlanmalıdır. Kontakt linzalar çıxarılmalı və damcılardan sonra ən az 15 dəqiqə gözlədikdən sonra taxılmalıdır. Flakonun qapağı açıldıqda, halqa boşalarsa, istifadədən əvvəl çıxarılmalıdır.
AZ − AZN
