B12 Ankerman 1 mq N50 tablet

B12 Ankermann, örtüklü tabletlər

B12 Ankermann, beynəlxalq patentləşdirilməmiş adı: Cyanocobalamin (Vitamin B12)

B12 Ankermann tərkibi

Təsiredici maddə: 1 tabletin tərkibində 1000 µq sianokobalamin (Vitamin B12) vardır.

İstifadəsinə göstərişlər

Qırmızı qan cisimciklərinin yetişməsinin pozulması (hiperxrom makrositar meqaloblast anemiya, pernisioz anemiya və digər makrositar anemiyalar kimi hematopoetik pozğunluqlar) və/və ya funikulyar spinal xəstəlik (onurğa beyninin xəstəliyi) kimi nevroloji pozğunluqlar şəklində təzahür edə bilən Vitamin B12 çatışmazlığının müalicəsi.

Əks göstərişlər

Təsiredici maddəyə və ya köməkçi maddələrə qarşı yüksək həssaslıq; sianidin detoksikasiyasına ehtiyac olan pasiyentlərdə (məsələn, tütün ambliopiyası və retrobulbar nevriti olan pasiyentlərdə); Leber görmə sinirinin atrofiyası təhlükəsi olan şəxslərdə.

Hamiləlik və laktasiya dövründə istifadəsi

Hamiləlik və laktasiya dövründə istifadə təhlükəsiz hesab olunur, lakin folat çatışmazlığı ilə əlaqədar meqaloblast anemiyanın müalicəsində istifadə edilməməlidir.

Pediatriyada istifadəsi

Uşaqlarda və yeniyetmələrdə parenteral müalicəyə alternativ olaraq, peroral sianokobalamin 1000 mkq-a qədər dozada istifadə oluna bilər.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Təsir göstərmir.

B12 Ankermann istifadə qaydası

Tabletlər bütöv şəkildə bir qədər maye ilə qəbul edilir. Adətən səhərlər acqarına istifadə olunur. Böyüklərdə gündə 1 tablet, ağır hallarda gündə 2 tablet təyin edilə bilər. Ağır nevroloji simptomlar zamanı başlanğıc parenteral müalicə tövsiyə olunur. Yaşlılarda və böyrək çatışmazlığı olan şəxslərdə doza dəyişməz və ya zərdab səviyyəsinə uyğun tənzimlənə bilər.