Betadin 200 mq N14 şam

BETADİN,200 mq vaginal şamlar

BETADİN tərkibi

BETADİN tərkibi, 1 şamın tərkibində 200 mq polividon-yod vardır

Betadin,istifadəsinə göstərişlər

Kəskin və xroniki vaginal infeksiyalar (kolpit), qarışıq infeksiyalar, qeyri-spesifik infeksiyalar (bakterial vaginoz – Gardenerella vaginalis), göbələk infeksiyaları, antibiotik və steroidlərlə müalicə sonrası yaranan infeksiyalar, trixomoniaz (sistem müalicə ilə birgə), uşaqlıq yolu üzərində aparılan əməliyyat və ya diaqnostik prosedurlar öncəsi profilaktika məqsədilə.

Əks göstərişlər

Yoda və ya köməkçi maddələrə qarşı allergiya, qalxanabənzər vəzin hiperfunksiyası, qalxanabənzər vəzin digər kəskin xəstəlikləri, herpesəbənzər Dyurinq dermatiti, radioaktiv yod müayinələri öncəsi və sonrası dövr, yeniyetməlik yaşından kiçik uşaqlar, hamiləlik və laktasiya dövrü.

Hamiləlik və laktasiya dövründə istifadəsi

Hamiləlik və laktasiya dövründə istifadəsi əks göstərişdir. Povidon-yod plasentanı və ana südünü keçərək döl və ya yenidoğulmuşda qalxanabənzər vəzi funksiyasının müvəqqəti azalmasına səbəb ola bilər. Reproduktiv təsirə görə spermisid təsiri də ola bilər. Hamiləlik planlandıqda istifadə tövsiyə edilmir.

İstifadə qaydası və dozası

Gündə 1 şam olmaqla 7 gün ərzində istifadə olunur. Effekt kifayət deyilsə, əlavə 7 gün uzadıla bilər. Uzunmüddətli infeksiyalarda gündə 2 şam istifadəsi mümkündür. Şamlar yatmazdan əvvəl su ilə isladılıb uşaqlıq yoluna yeridilir. Menstruasiya zamanı da istifadə davam etdirilməlidir. Müalicə müddəti həkim təyinatı ilədir. İstifadə ötürülərsə, ikiqat doza qəbul edilməməlidir.