Diklofenak 100 Mq N10 Şam

DİKLOFENAK, rektal şamlar

DİKLOFENAK tərkibi

DİKLOFENAK tərkibi, 1 suppozitoriyanın tərkibində 50 mq və ya 100 mq diklofenak vardır

Diklofenak, istifadəsinə göstərişlər

Oynaqların iltihabı xəstəlikləri (revmatoidli artrit, revmatizm, ankilozlaşdırıcı spondilit, xroniki podaqrik artrit), degenerativ xəstəlikləri (deformasiyaedici osteoartroz, osteoxondroz), lümbaqo, işias, nevralgiya, mialgiya; oynaqdankənar toxumaların xəstəlikləri (tendovaginit, bursit, yumşaq toxumaların zədələnmələri); iltihabla müşayiət olunan posttravmatik və əməliyyatdan sonrakı ağrı sindromu; birinci dərəcəli alqodismenoreya, adneksit; böyrək və qaraciyər sancıları; burunboğaz-qulaq orqanlarının infeksiyaları, tənəffüs sistemi orqanlarının infeksiyası.

Əks göstərişlər

Preparata qarşı (o cümlədən digər QSİƏP-ə) fərdi hiperhəssaslıq, qanyaradıcı sistemin dəqiq etiologiyası olmayan pozğunluqları, kəskin fazada bağırsaqların destruktiv-iltihabı xəstəlikləri, 6 yaşa qədər uşaqlar, hamiləliyin son trimestri.

Hamiləlik və laktasiya dövründə istifadəsi

Hamiləliyin birinci və ikinci trimestrində preparatın istifadəsi yalnız həkimin məsləhətindən sonra mümkündür. Hamiləliyin son üçaylığında ana və döldə ağırlaşmaların yaranmasının yüksək riskini nəzərə alaraq, diklofenak istifadə olunmur. Diklofenak şamlarının qısamüddətli istifadəsi zamanı laktasiya dayandırılmır. Əgər şamların yüksək dozalarda və uzunmüddətli istifadəsinə ehtiyac olarsa, o zaman ana südü ilə qidalandırmanın dayandırılması haqqında qərar qəbul olunmalıdır.

İstifadə qaydası və dozası

Preparat rektal istifadə olunur. Böyüklər: gündə 2–3 dəfə 50 mq (1 ədəd 50 mq-lıq şam) və ya gündə 1–2 dəfə 100 mq (1 ədəd 100 mq-lıq şam) müalicəvi dozalarda düz bağırsağa yeridilir. Maksimal gündəlik doza – 200 mq, dəstəkləyici doza – 100 mq (yuxudan əvvəl). Uşaqlar: 2–3 mq/kq/gün. Müalicə kursunun müddəti fərdi olaraq təyin edilir.