DOREPAM 10MG N28 TB

DOREPAM, örtüklü tabletlər

DOREPAM tərkibi

Təsiredici maddə: 1 tabletin tərkibində 10 mq və ya 20 mq essitalopram (oksalat duzu şəklində) vardır.

DOREPAM, istifadəsinə göstərişlər

Böyük depressiv epizodlar.
Aqorafobiya ilə və ya aqorafobiyasız panik pozğunluq.
Sosial həyəcan pozğunluqları (sosial fobiya).
Generalizə olunmuş həyəcan pozğunluğu.
Obsessiv-kompulsiv pozğunluqlar (OKP).

Əks göstərişlər

Essitaloprama və ya preparatın tərkibindəki komponentlərdən hər hansı birinə qarşı yüksək həssaslıq.
MAO inhibitorları ilə eyni zamanda istifadəsi.
QT intervalının uzanması ilə əlaqəli hallar və bu təsiri olan dərmanlarla birgə istifadəsi.
Pimozidlə birgə istifadəsi.

Hamiləlik və laktasiya dövründə istifadəsi

Müalicəyə ehtiyac olmadan və hamiləlik dövründə dölə yetirdiyi potensial risk/ana üçün ehtimal olunan fayda nisbəti diqqətlə qiymətləndirilmədən preparat istifadə olunmamalıdır.
Hamiləliyin son dövründə (xüsusilə son trimestrdə) Dorepam preparatının istifadəsi davam edərsə, yenidoğulmuş müşahidə altında olmalıdır. Hamiləlik dövründə preparatın birdən dayandırılmasına yol verilməməlidir.
Essitalopramın ana südünə keçməsi ehtimal olunur. Bu səbəbdən müalicə zamanı ana südü ilə qidalandırma tövsiyə edilmir.

DOREPAM, istifadə qaydası

DOREPAM gündə tək dozada qida qəbulundan asılı olmayaraq tətbiq olunur.
20 mq-dan çox olan gündəlik dozalarda istifadəsinin təhlükəsizliyi öyrənilməmişdir.
Böyük depressiv epizod: adətən gündəlik doza 10 mq. Antidepressiv təsir 2-4 həftədən sonra müşahidə olunur. Müalicə 6 ay davam etməlidir.
Aqorafobiya ilə və ya aqorafobiyasız panik pozğunluq: ilk həftə 5 mq, sonra 10 mq. Maksimum 20 mq. Müalicə bir neçə ay davam edir.
Sosial həyəcan pozğunluğu: gündəlik doza 10 mq. Reaksiya əsasında 5–20 mq arası dəyişir.
Generalizə olunmuş həyəcan pozğunluğu: gündəlik doza 10 mq, maksimum 20 mq.
OKP: gündə 10 mq başlanğıc doza, fərdi reaksiyaya əsasən 20 mq-a qədər.
Xüsusi qruplar:
Böyrək çatışmazlığı: ehtiyatla.
Qaraciyər çatışmazlığı: 5 mq başlanğıc doza tövsiyə olunur.
Yaşlılar və CYP2C19 aktivliyi zəif olan xəstələr: 5 mq başlanğıc doza.

Əlavə təsirləri

Çox tez-tez: baş ağrısı, ürəkbulanma
Tez-tez: yuxusuzluq, yuxululuq, başgicəllənmə, paresteziya, tremor, diareya, qəbizlik, qusma, ağız quruluğu, tərləmə, artralgiya, mialgiya, halsızlıq, qızdırma
Bəzən: dad pozuntusu, yuxu pozuntuları, burun qanaxması, qulaqda küy, görmə pozğunluğu, övrə, səpgi, alopesiya
Nadir: bradikardiya, aqressivlik, hallüsinasiyalar, serotonin sindromu
Məlum deyil: intihar düşüncəsi və davranışları, priapizm, qalaktoreya, angioödem, hepatit, hiponatriemiya, diskineziya, torsades de pointes