Eyemox 5MG 5 ml Damla

EYEMOKS 5 mq/ml göz damcısı, məhlul

Eyemoks tərkibi

Təsiredici maddə: 1 ml məhlulun tərkibində 5,45 mq moksifloksasin hidroxlorid (5 mq moksifloksasinə ekvivalentdir) vardır.
Köməkçi maddələr: natrium xlorid, bor turşusu, təmizlənmiş su, xlorid turşusu və ya natrium hidroksid.

Əks göstərişlər

Təsiredici maddəyə, köməkçi vasitələrə və ya digər xinolonlara qarşı yüksək həssaslıq.

Hamiləlik və laktasiya dövründə istifadəsi

Hamilə qadınların Eyemoks göz damcısı məhlulundan istifadə etməsi barədə müvafiq məlumat yoxdur. Moksifloksasinin sistem təsiri cüzi olduğundan hamiləliyə hər hansı mənfi təsiri gözlənilmir. Dərman preparatı hamiləlik dövründə istifadə edilə bilər.

Moksifloksasinin ana südündə aşkar edilməsi məlum deyil. Heyvanlar üzərində aparılan tədqiqatlar göstərmişdir ki, moksifloksasinin per os qəbulundan sonra ana südündə aşağı səviyyədə müşahidə edilir. Eyemoks göz damcısı məhlulunun terapevtik dozasının südəmər uşağa mənfi təsiri olmadığından laktasiya dövründə də istifadə edilə bilər.

Eyemoks istifadə qaydası, dozası

Okulyar istifadə. Yalnız okulyar istifadə üçündür. İnyeksiya şəklində vurmaq üçün nəzərdə tutulmamışdır. Eyemoks gözün selikli qişasının altına və ya birbaşa göz almacığının ön kamerasına yeridilməməlidir.

Yaşlılar da daxil olmaqla, böyüklərdə istifadəsi: Gündə 3 dəfə zədələnmiş gözə 1 damcı. 5 gün ərzində infeksiyaları aradan qaldırır, ancaq müalicə əlavə olaraq 2-3 gün də davam etdirilməlidir. Əgər müalicə başladıqdan sonra 5 gün ərzində yaxşılaşma müşahidə edilməzsə, diaqnoz bir daha dəqiqləşdirilməlidir. Müalicənin müddəti xəstəliyin kəskinliyindən və infeksiyanın kliniki, bakterioloji gedişindən asılıdır.

Pediatrik xəstələr: Dozanın tənzimlənməsinə ehtiyac yoxdur.

Qaraciyər və böyrək çatışmamazlığı zamanı istifadəsi: Dozanın tənzimlənməsinə ehtiyac yoxdur.