Farmalipon 3% 600MG 20 ml N5 Amp

FARMALİPON, infuziya üçün məhlul

FARMALİPON tərkibi

Təsiredici maddə: 1 ml məhlulun tərkibinfə 58,382 mq alfa-lipoy turşusunun meqlümin duzu (30 mq alfa-lipoy turşusuna ekvivalent) vardır.

İstifadəsinə göstərişlər

Diabetik polineyropatiyalar zamanı paresteziyalar.

Əks göstərişlər

Preparata və ya onun komponentlərindən hər hansı birinə qarşı yüksək həssaslıq.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Farmalipon nəqliyyat vasitəsini və digər potensial təhlükəli mexanizmləri idarəetmə qabiliyyətinə neqativ təsir göstərə bilər. Dərman vasitəsinin istifadəsi nəticəsində başgicəllənmə və sinir sistemində baş verən digər arzuolunmaz reaksiyalar baş verdikdə, nəqliyyat və mexanizmləri idarə etməkdən çəkinmək lazımdır.

FARMALİPON istifadə qaydası və dozası

Doza və müalicənin müddəti həkim tərəfindən fərdi olaraq seçilir. İntensiv paresteziyalar zamanı preparat gündə 10 ml-dən 20 ml-ə qədər olan dozada vena daxilinə təyin edilir ki, bu da gündə 300-600 mq tiokt turşusuna uyğundur. İnfuziya üçün məhlul müalicənin başlanğıc mərhələsində 2-4 həftə ərzində təyin edilir. Ampula 250 ml 0,9%-li natrium xlorid məhlulunda həll edilərək vena daxilinə yeridilir.

İnfuziyanın müddəti 30 dəq-dən az olmamalıdır. Təsiredici maddənin işığa həssas olması ilə əlaqədar olaraq infuziya üçün məhlul yeridilməzdən bilavasitə əvvəl hazırlanmalı və işıqdan qorunmalıdır (məsələn alüminium folqa ilə). Hazırlanmış məhlulu işığın təsirindən qorumaq şərti ilə 6 saata qədər saxlamaq mümkündür. Dəstəkləyici müalicə məqsədilə Farmaliponun peroral formalarından istifadə etməklə gündə 300-600 mq tiokt turşusu qəbuluna keçilir.