Kalsi D3 Nikomed Forte N60 Tabet

Kalsium-D3 Nikomed, portağal dadlı çeynəmə tabletlər

Kalsium-D3 Nikomed tərkibi

Kalsium-D3 Nikomed tərkibi, 1 tabletin tərkibində 1250 mq kalsium karbonat (500 mq elementar kalsiuma ekvivalent), 2,20 mq xolekalsiferol konsentratı* şəklində 5,5 mkq (200 BV D3 vitamini) xolekalsiferol (D3 vitamini) vardır. Köməkçi maddələr: ksilitol, portağal aromatizatoru qranulları (tərkibində izomalt, portağal dadlı maddə, yağ turşularının mono- və diqliseridləri vardır), povidon, maqnezium stearat, sukraloza. *10% artıq daxil olmaqla, xolekalsiferol konsentratının tərkibində vardır: xolekalsiferol, DL-α-tokoferol, orta uzunluğa malik triqliserid zənciri, modifikasiya olunmuş qarğıdalı nişastası, saxaroza, natrium askorbat, silisium dioksid.

Kalsium-D3 Nikomed, istifadəsinə göstərişlər

Kalsium və D vitamini defisitinin profilaktikası və müalicəsi. Kalsium və D vitamini defisiti riski olan pasiyentlərdə osteoporozun müalicəsi zaman əlavə terapiya qismində kalsium və D vitamininin qəbulu.

Əks göstərişlər

Preparatın istənilən komponentinə qarşı yüksək həssaslıq; ağır böyrək çatışmazlığı (yumaqcıq filtrasiyasının sürəti < 30 ml/dəqiqə/1,73m2); hiperkalsiemiya və/və ya hiperkalsiuriyanın inkişafı ilə əlaqədar xəstəlik və/və ya vəziyyət; böyrək daşı xəstəliyi (nefrolitiaz); D vitamininin hipervitaminozu. Kalsium-D3 Nikomed preparatının tərkibində izomalt (E953) və saxaroza vardır. Bu səbəbə görə fruktozaya qarşı nadir irsi çatışmazlıq problemi, qlükoza-qalaktoza sorulmasının pozulması və saxaroza-izomaltaza çatışmazlığı olan pasiyentlər bu preparatı qəbul etməməlidirlər.

Hamiləlik və laktasiya dövründə istifadəsi

Kalsium-D3 Nikomed preparatı hamiləlik dövründə kalsium və D vitamini çatışmazlığı zamanı qadınlar tərəfindən istifadə edilə bilər. Hamiləlik dövründə gündəlik doza 2500 mq kalsium və 4000 BV vitamin D-dən çox olmamalıdır. Lakin daimi hiperkalsiemiya inkişaf edən dölə mənfi təsir göstərdiyi üçün hamiləlik zamanı kalsiumun və D vitamininin doza həddinin aşılmasından qaçınmaq lazımdır. Terapevtik dozalarda D vitamini teratogen təsir göstərmir. Kalsium-D3 Nikomed preparatı laktasiya dövründə istifadə edilə bilər. Kalsium və D3 vitamini ana südünə keçir. Bu, uşağa D vitaminin əlavə təyini halında nəzərə alınmalıdır.

Kalsium-D3 Nikomed, istifadə qaydası

Kalsium və D vitamini defisiti: Böyüklər: gündə 1-3 dəfə 1 tablet. Uşaqlar: gündə 1-2 dəfə 1 tablet. Osteoporoz zamanı əlavə terapiya: Böyüklər və yaşlı pasiyentlər: gündə 2-3 dəfə 1 tablet. Ağır böyrək çatışmazlığı olan pasiyentlər preparatı qəbul etməməlidirlər. Tableti çeynəmək və sormaq olar.