Levorich 5 ml Eye Drops

LEVORİÇ, 5 mq/ml göz damcısı, məhlul

LEVORİÇ tərkibi

Təsiredici maddə: 1 ml məhlulun tərkibində 5 mq levofloksasin vardır

İstifadəsinə göstərişlər

Preparat, ona həssas olan aşağıdakı mikroorqanizmlər tərəfindən törədilmiş bakterial konyunktivitin müalicəsi üçün göstərişdir: Corynebacterium species, Staphylococcus aureus, Staphylococcus epidermidis, Streptococcus pneumoniae, Streptococcus (Groups C/F), Streptococcus (Group G), Viridans group streptococci, Acinertobacter lwoffii, Haemophilus influenzae, Serratia marcescens

Əks göstərişlər

Levofloksasinə və ya preparatın digər komponentlərinə qarşı yüksək həssaslıq; xinolon sırasından olan preparatlara qarşı yüksək həssaslıq

Hamiləlik və laktasiya dövründə istifadəsi

Hamiləlik dövründə preparatın istifadəsinə dair klinik məlumatların mövcud olmaması səbəbindən levofloksasin göz damcısının istifadəsi yalnız potensial fayda preparatın riskindən yüksək olduqda mümkündür. Laktasiya dövründə Levoriç preparatından ehtiyatla istifadə etmək lazımdır.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Damcılatdıqdan dərhal sonra görmə qabiliyyətində mümkün ola bilən pozulmaları nəzərə alaraq, görmə qabiliyyəti normallaşana qədər avtomobili idarə etməkdən və potensial təhlükəli işlərin görülməsindən imtina etmək lazımdır.

LEVORİÇ istifadə qaydası və dozası

İlk 2 sutka ərzində sutkada 8 dəfəyə qədər hər 2 saatdan bir zədələnmiş göz(lər)ə 1 -2 damcı məhlul damızdırılır. 3-5 gün 1-2 damcı sutkada 4 dəfəyə qədər təyin edilir. Müalicənin müddəti xəstəliyin gedişindən və klinik və bakterioloji yoluxmanın inkişafından asılı olaraq, adətən 5 sutka təşkil edir. Yerli istifadə üçün bir neçə oftalmoloji preparatdan eyni vaxtda istifadə zamanı damızdırmalar arasında 15 dəqiqəlik intervalı gözləmək lazımdır.

Məhlulun çirklənməsinin qarşısını almaq üçün damcısalanın ucu ilə göz qapağına və gözətrafı toxumalara toxunmaq olmaz.