Magne B6 Forte N40 tb

Maqne B6 Forte, örtüklü tabletlər

Maqne B6 Forte, beynəlxalq patentləşdirilməmiş adı: yoxdur

Maqne B6 Forte tərkibi

Təsiredici maddələr: 1 tabletin tərkibində 618,43 mq maqnezium sitrat (100 mq maqneziuma bərabərdir), 10 mq piridoksin hidroxlorid vardır.

İstifadəsinə göstərişlər

Yüksək əsəbilik, yüngül yuxu pozulmaları, mədə-bağırsaq spazmları, tezləşmiş ürək döyüntüləri, yüksək yorğunluq, əzələlərdə ağrı, spazm və sancma hissi kimi simptomlarla müşayiət olunan maqnezium çatışmazlığı.

Əks göstərişlər

Preparatın komponentlərinə qarşı yüksək həssaslıq, ağır dərəcəli böyrək çatışmazlığı (kreatinin klirensi < 30 ml/dəq), 6 yaşa qədər uşaqlar, irsi qalaktozemiya, qlükoza/galaktoza malabsorbsiyası, laktaza çatışmazlığı, levodopa ilə birgə istifadə.

Hamiləlik və laktasiya dövründə istifadəsi

Hamiləlik zamanı yalnız ehtiyac olduqda və həkim məsləhəti ilə istifadə olunmalıdır. Laktasiya zamanı qəbul zəruridirsə, ana südü ilə qidalandırma dayandırılmalıdır.

Pediatriyada istifadəsi

6 yaşdan yuxarı uşaqlarda (təxminən 20 kq bədən çəkisi ilə) gündə 2–4 tablet doza ilə istifadə olunur.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Təsir göstərmir və ya cüzi təsir göstərir. Xüsusi tövsiyə yoxdur.

Maqne B6 Forte istifadə qaydası

Tabletlər qida qəbul zamanı 1 stəkan su ilə qəbul olunur. Böyüklər gündə 3–4 tablet, uşaqlar (6 yaşdan yuxarı) gündə 2–4 tablet qəbul edə bilərlər. Gündəlik doza 2–3 qəbula bölünür. Müalicə müddəti adətən 1 ay təşkil edir.