Megafer Forte 100/0, 35mg N30 Tb

MEQAFER FORTE, örtüklü tabletlər

MEQAFER FORTE tərkibi

Təsiredici maddə: 1 tabletin tərkibində 100 mq elementar dəmirə ekvivalent 322,58 mq dəmir (III) hidroksid polimaltoza kompleksi, 0,35 mq fol turşusu vardır.

İstifadəsinə göstərişlər

• Latent gedişli dəmir çatışmazlığı • Dəmir defisitli anemiya • Hamiləlik və laktasiya zamanı dəmir çatışmazlığının profilaktikası və dəmir defisitli anemiyanın müalicəsi

Əks göstərişlər

• Orqanizmdə dəmirin artıqlığı (hemoxromatoz, xroniki hemoliz) • Aktiv maddəyə və ya köməkçi maddələrdən hər hansı birinə qarşı yüksək həssaslıq • Dəmir defisiti ilə əlaqəli olmayan bütün anemiyalar (məsələn: Hemolitik anemiya) • Talassemiya • Ağır qaraciyər və ya böyrək çatışmazlığı • Müntəzəm və davamlı qan transfuziyası • Dəmirin utilizasiyası mexanizimlərinin pozulması (qurğuşun anemiyası, sideroblastik anemiya)

Hamiləlik və laktasiya dövründə istifadəsi

Hamiləlik kateqoriyası: A. Hamiləliyin bu kateqoriyasına baxmayaraq, həkim hamiləlik həftəsinə, diaqnoz qoyulmuş xəstəliyə və hamilə qadının digər xüsusiyyətlərinə uyğun olaraq ətraflı fayda-risk qiymətləndirməsini apararaq, hamilə qadına preparatın təyin edilməsi barədə qərar verə bilər. Dəmir klinik olaraq az miqdarda ana südünə keçir. Bu miqdar ana südü ilə qidalanan körpəyə toksiki təsir göstərmir.

Həmçinin dəmir çatışmazlığı olan körpəni müalicə edə bilməz.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Nəqliyyat vasitələrini və potensial təhlükəli mexanizmləri idarəetmə qabiliyyətinə təsir etmir.

MEQAFER FORTE istifadə qaydası və dozası

Meqafer forte preparatı yemək zamanı və ya yeməkdən sonra qəbul olunur. Anemiyanın dərəcəsindən asılı olaraq 1 tabletdən gündə 1 və ya 2 dəfə istifadə etmək olar. Müalicə müddəti dəmir çatışmazlığının dərəcəsindən asılıdır, həkim tərəfindən müəyyən olunur. Dəmir çatışmazlığının simptomlarının laborator və klinik göstəriciləri normallaşdıqdan sonra preparatın qəbulu ay ərzində orqanizmdə dəmir ehtiyatını bərpa etmək üçün davam etdirilməlidir.