Milgamma 2 ml N5 ampul

MİLQAMMA®, əzələdaxili inyeksiya üçün məhlul

Milqamma tərkibi

 Təsiredici maddələr: 1 ml məhlulun tərkibində 50 mq tiamin hidroxlorid, 50 mq piridoksin hidroxlorid, 0,5 mq sianokobalamin, 10 mq lidokain hidroxlorid vardır. Köməkçi maddələr:    benzil spirti, natrium polifosfat, kalium heksasianoferrat, natrium hidroksid,  inyeksiya üçün su.

İstifadəsinə göstərişlər:

 B1, B6 və B12 vitaminlərinin sübut edilmiş çatışmazlığı nəticəsində yaranan sinir sisteminin müxtəlif mənşəli xəstəliklərinin patogenetik və simptomatik müalicəsi üçün istifadə olunur: nevritlər, nevralgiyalar, üz sinirinin parezi, retrobulbar nevrit, qanqlionitlər (kəmərləyici dəmrov da daxil olmaqla), pleksopatiya, neyropatiya, polineyropatiya (diabetik, alkoqol və s.) xüsusilə yuxarı yaş qrupunda əzələlərin gecə qıcolmaları, onurğanın osteoxondrozunun nevroloji təzahürləri: radikulopatiyalar, lumboişialgiya, əzələ-tonik sindromlar. 

Əks göstərişlər:

 Keçiriciliyin ağır pozuntuları. Dekompensəolunmuş ürək çatışmazlığı. Preparatın komponentlərinə qarşı yüksək həssaslıq. Uşaq yaşları. Hamiləlik və laktasiya.

Hamiləlik və laktasiya dövründə istifadəsi:

 Əks göstərişdir.

Milqamma istifadə qaydası, dozası

 Şiddətli və kəskin ağrı hallarında yüksək qan göstəricilərinin sürətlə fəaliyyətə başlamasına nail olmaq üçün: əvvəlcə gündəlik bir inyeksiya (2 ml). Kəskin mərhələ keçdikdən sonra və daha yumşaq pozğunluq hallarında həftədə 2-3 dəfə 1 inyeksiya. Həftəlik tibbi terapiya monitorinqi tövsiyə olunur. Mümkün olan ən erkən fürsətdə daxilə qəbul terapiyasına keçilməlidir.