Multikomp 10ml ampul

Multikomp, inyeksiya və infuziya məhlulu hazırlamaq üçün toz

Multikomp tərkibi

Təsiredici maddə:  1 flakonda 100 mq askorbin turşusu, 3300 BV A vitamini, 200 BV           
erqokalsiferol (D2 vitamini), 3,81 mq B1 vitamini, 3,60 mq riboflavin  
5- fosfat, 4,86 mq B6 vitamini  (piridoksin hidroxlorid),  40 mq nikotinamid,  
15 mq dekspantenol, 10 mq E vitamini, 60 mkq biotin (B7 vitamini),   
400 mkq fol turşusu, 5 mkq sianokobalamin. 

Əks göstərişlər 

MULTİVİTAMİN İNYEKSİYASI  aşağıdakı hallarda istifadə edilməməlidir:                                   - təsiredici maddələrə, xüsusilə B1 vitamininə və ya “Tərkibi” bölməsində göstərilən köməkçi 
maddələrdən hər hansı birinə qarşı yüksək həssaslıq, soya zülalı/məhsulları daxil olmaqla 
(qarışıqdakı lesitin soyadan alınır) və ya yerfıstığı zülalı/məhsulları daxil olmaqla.                          - preparatın tərkibində olan hər hansı bir vitamin hipervitaminozu

Hamiləlik və laktasiya dövründə istifadəsi 

MULTİVİTAMİN İNYEKSİYASInı təyin etməzdən əvvəl həkimlər hər bir pasiyent üçün xüsusi olaraq potensial riskləri və faydaları diqqətlə nəzərdən keçirməlidirlər. 
Hamiləlik 
Hamiləlik dövründə və ya uşaq əmizdirən qadınlarda MULTİVİTAMİN İNYEKSİYASInın 
təhlükəsizliyinə dair heç bir məlumat yoxdur. Zəruri hallarda, bu dərman preparatı hamiləlik dövründə vitaminlərin doza həddinin qarşısını almaq üçün göstərişlərə və dozalara riayət olunmaqla fayda/risk nisbəti nəzərə alınmaqla təyin oluna bilər. 

Laktasiya 
Yenidoğulmuşlarda A vitamininin doza həddinin aşılması riski səbəbindən ana südü ilə qidalandırma zamanı istifadəsi tövsiyə edilmir. 

Fertillik 
Multivitamin inyeksiyasının istifadəsi ilə kişi və ya qadın pasiyentlərdə nəsilartırma ilə 
bağlı heç bir adekvat məlumat yoxdur. 

İstifadə qaydası və dozası 

Dozalanma 
Böyüklər və 11 yaşdan yuxarı uşaqlar və yeniyetmələr: 1 flakon/gün. 
İstifadə qaydası 
Venadaxili yolla: yavaş venadaxili inyeksiya (ən az 10 dəqiqə) və ya infuziya yolu ilə infuziya üçün 5%-li qlükoza və ya 0,9%-li natrium xlorid məhlulu ilə.  
MULTİVİTAMİN İNYEKSİYASI  qida maddələrinə olan tələbatı ödəmək və çatışmazlıqların və 
ağırlaşmaların inkişafının qarşısını almaq üçün hər bir qidalandırıcı qarışıq üçün uyğunluq və 
stabilliyin təsdiqlənməsi şərti ilə karbohidratlar, lipidlər, amin turşuları və elektrolitləri ehtiva edən qida qarışıqlarına daxil edilə bilər. 
Qida mənbələri, digər vitamin əlavələri və ya tərkibində qeyri-aktiv maddə olan vitaminlər ehtiva edən dərman vasitələri kimi bütün mənbələrdən əldə edilən vitaminlərin ümumi miqdarı nəzərə alınmalıdır.  
Adekvat səviyyələrin saxlanmasını təmin etmək üçün pasiyentin klinik vəziyyəti və vitamin 
səviyyələri izlənilməlidir. 
Nəzərə almaq lazımdır ki, bəzi vitaminlər, xüsusilə A, B2 və B6 vitaminləri ultrabənövşəyi işığa 
həssasdırlar (məsələn, birbaşa və ya dolayı günəş işığı). Bundan əlavə, məhlulda yüksək oksigen 
səviyyəsi ilə A, B1, C və E vitaminlərinin itkisi arta bilər. Adekvat vitamin səviyyələri əldə 
edilmədikdə bu amillər nəzərə alınmalıdır.