Nepas 0, 1% 5 ml Damla

NEPAS 0,1% göz damcısı, suspenziya

Nepas tərkibi

Təsiredici maddə: 1 ml suspenziyanın tərkibində 1 mq nepafenak vardır.
Köməkçi maddələr: benzalkonium xlorid, dinatrium edetat, mannitol, karbomer 974P, polisorbat 80, natrium xlorid, natrium xlorid/xlorid turşusu (pH-ın səviyyəsini saxlamaq üçün), inyeksiya üçün su.

İstifadəsinə göstərişlər

NEPAS böyüklər tərəfindən istifadə olunmalıdır:
- Gözdə katarakta əməliyyatından sonra göz ağrısının qarşısını almaq və aradan qaldırmaq üçün.
- Diabetik xəstələrdə katarakta əməliyyatından sonra makulyar ödemin (gözün arxa hissəsinin ödemi) yaranma riskini azaltmaq üçün.

Əks göstərişlər

Nepafenaka və ya bu dərman preparatının digər komponentlərinə qarşı yüksək həssaslıq.
Digər qeyri-steroid iltihabəleyhinə preparatlara qarşı allergiya.
QSİƏP istifadəsi zamanı astma, allergik dəri reaksiyaları və ya burunda iltihabın yaranması.

Hamiləlik və laktasiya dövründə istifadəsi

Hamiləlik dövründə NEPAS-ın istifadəsi tövsiyə olunmur. Yalnız potensial fayda potensial riskdən üstün olduğu halda istifadə edilə bilər. Hamilə qala biləcək qadınlara müalicə müddətində effektiv kontrasepsiya məsləhət görülür.
Laktasiya dövründə süd vasitəsilə körpəyə keçə bilsə də, uşağa əhəmiyyətli təsir göstərməsi gözlənilmir. Lakin istifadə həkimlə məsləhətləşərək aparılmalıdır.

Nepas istifadə qaydası, dozası

Tövsiyə olunan doza: zədələnmiş gözə gündə 3 dəfə (səhər, günorta və axşam) 1 damcı NEPAS damızdırılır.
Əməliyyatdan 1 gün əvvəl istifadəyə başlanılır, əməliyyat günü davam etdirilir və əməliyyatdan sonra həkimin təyin etdiyi müddət ərzində (3 həftəyə qədər və ya makulyar ödem riski olan pasiyentlərdə 60 günə qədər) istifadə olunur.
İstifadədən əvvəl flakonu yaxşıca çalxalayın, damcı yalnız göz üçün istifadə edilməlidir. Unudulmuş doza əvəz olunmur, növbəti doza vaxtında qəbul edilməlidir.