OLAJON 10ML DAMLA

OLAJON, 1 mq/ml göz damcısı

OLAJON tərkibi

Təsiredici maddə: 1 ml məhlulun tərkibində 1 mq olopatadin (olopatadin hidroxlorid şəkilində) vardır. 1 damcı məhlulda (təxminən 30 µl) 0,03 mq olopatadin (olopatadin hidroxlorid şəkilində) vardır.

İstifadəsinə göstərişlər

Olopatadin 1 mq/ml göz damcısı, məhlul mövsümi allergik konyunktivitin əlamət və simptomlarının müalicəsində istifadə olunur.

Əks göstərişlər

Preparatın təsiredici maddəsinə və ya hər hansı köməkçi maddələrinə qarşı yüksək həssaslıq hallarında

Hamiləlik və laktasiya dövründə istifadəsi

Hamilə qadınlarda oftalmik olopatadinin istifadəsi ilə bağlı məlumat yoxdur və ya məhduddur. Heyvanlar üzərində aparılan tədqiqatlar sistemli tətbiqdən sonra reproduktiv toksiklik göstərmişdir. Olopatadin hamiləlik dövründə və kontrasepsiyadan istifadə etməyən reproduktiv yaşda olan qadınlara tövsiyə edilmir. Laktasiya Heyvanlar üzrə mövcud məlumatlar oral tətbiqdən sonra olopatadinin südl ə xaric edildiyini göstərmişdir.

Yenidoğulmuşlar/körpələr üçün riski istisna etmək olmaz. Olopatadin laktasiya dövründə istifadə edilməməlidir. Fertillik Olopatadinin topikal okulyar tətbiqinin insan fertilliyinə təsirini qiymətləndirmək üçün tədqiqatlar aparılmamışdır.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Olopatadinin nəqliyyat vasitələrini və mexanizmləri idarə etmə qabiliyyətinə heç bir təsiri yoxdur və ya əhəmiyyətsizdir. Hər hansı bir göz damcısı kimi, müvəqqəti bulanıq görmə və ya digər görmə pozğunluqları avtomobil idarə etmək və ya mexanizmlərdən istifadə etmək qabiliyyətinə təsir göstərə bilər. Əgər bulanıq görmə instillyasiya zamanı baş ver ərsə, pasiyent n əqliyyat vasitələrini və ya mexanizmləri istifadə etməzdən əvvəl görmənin tam aydınlaşmasına qədər gözləməlidir.

OLAJON istifadə qaydası və dozası

Pozologiyası Doza gündə iki dəfə (8 saatda) xəstə gözün (gözlərin) konyunktiva kisəsinə bir damcı Olopatadindir. Ehtiyac yarandıqda, müalicə dörd aya qədər davam etdirilə bilər. Yaşlılarda istifadəsi Yaşlı xəstələrdə dozanın tənzimlənməsinə ehtiyac yoxdur. Pediatriyada Olopatadin üç yaşdan yuxarı pediatrik xəstələrdə böyüklər ilə eyni dozada istifadə edilə bilər.

Olopatadinin 3 yaşa qədər uşaqlarda təhlükəsizliyi və effektivliyi müəyyən edilməmişdir. Məlumat yoxdur. Qaraciyər və böyrək çatışmazlığında istifadəsi Böyrək və ya qaraciyər xəstəlikləri olan xəstələrdə göz damcıları şəklində Olopatadin in təsiri öyrənilməmişdir. Bununla belə, qaraciyər və ya böyrək çatışmazlığında dozanın tənzimlənməsi nə ehtiyac yoxdur.

İstifadə qaydası Yalnız gözə istifadə üçündür. Damızdırıcının ucluğunun və məhlulun çirklənməsinin qarşısını almaq üçün şüşənin damızdırıcısının ucu ilə göz qapaqlarına, ətraf nahiyələrə və ya digər səthlərə toxunmamağa diqqət edilməlidir. İstifadə edilmədikdə şüşəni sıx bağlı saxlayın. Digər yerli göz dərmanları ilə eyni vaxtda müalicə edildikdə, dərmanlar arasında 5-10 dəqiqəlik fasilə verilməlidir.

Göz məlhəmləri ən son tətbiq edilməlidir.