PIKOVIT 150ML SRP 1+

PİKOVİT, şərbət

PİKOVİT tərkibi

Təsiredici maddələr: Retinol palmitat 1,7 MME/q (vitamin A) 900 BV Xolekalsiferol 1MME/q (vitamin D3) 100 BV Askorbin turşusu (vitamin C) 50,00 mq Tiamin hidroxlorid (vitamin B1) 1,00 mq Riboflavin natrium fosfat (vitamin B2) 1,00 mq Piridoksin hidroxlorid (vitamin B6) 0,60 mq Sianakobalamin (vitamin B12) 1,00 mkq Nikotinamid (vitamin PP) 5,00 mq Dekspantenol (D-pantenol) 2,00 mq

İstifadəsinə göstərişlər

Pikovit şərbəti normal qidalanmanı əvəz etmir. Pikovit şərbəti uşaqlar üçün profilaktik məqsədlə nəzərdə tutulmuşdur: - iştaha olmayan zamanı; - orqanizmin infeksion və soyuqdəymə xəstəliklərinə qarşı müqavimətini yüksəltmək üçün; - keçirilmiş xəstəliklərdən sonra sağalma dövründə; - fiziki inkişaf kifayət qədər olmayan zaman (boyatmanın gecikməsi); - xüsusilə, qış və yaz mövsümlərində, gündəlik rasionda vitamin qismində; - məktəb yaşlı uşaqlarda yüksək fiziki və sinir-psixi yüklənmə zamanı; - antibiotiklərdən istifadə zamanı kompleks müalicənin tərkibində.

Əks göstərişlər

Preparatın tərkibindəki maddələrə qarşı yüksək həssaslıq. Şəkərli diabet (5 ml Pikovit şərbətinin tərkibində 3 q şəkər vardır). A və D hipervitaminozu.

Hamiləlik və laktasiya dövründə istifadəsi

Hamilə qadınlara və süd verən analara vitaminləri həkim məsləhəti ilə qəbul etmək gərəkdir. Şərbətdəki vitamin dozaları uşaqlar üçün məsləhət görülüb.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Preparatın nəqliyyat vasitələrinin və mexanizmlərin idarəedilməsinə təsiri haqqında məlumat yoxdur. Preparat uşaqların hərəkət funksiyasına təsir etmir.

PİKOVİT istifadə qaydası və dozası

Preparat daxilə qəbul olunur. İstifadə etməzdən əvvəl şərbəti çalxalamaq lazımdır. 1 yaşdan 3 yaşa qədər uşaqlar: gündə 2 dəfə 1 dozalayıcı və ya çay qaşığı (5 ml) şərbət tövsiyə olunur. 4 yaşdan 6 yaşa qədər uşaqlar: gündə 3 dəfə 1 dozalayıcı və ya çay qaşığı (5ml).

7 yaşdan 14 yaşa qədər uşaqlar: gündə 3-4 dəfə 1 dozalayıcı və ya çay qaşığı (5ml). Şərbəti çay, şirə və ya meyvə püresi ilə qarışdıraraq və ya qaşıq vasitəsilə vermək olar. Kifayət qədər iştaha olmadıqda şərbəti 1 ay müddətində hər gün vermək lazımdır. Təkrar kurs 1-3 aydan sonra və ya həkim məsləhəti ilə.