Predak 10 Mq 10 ml Damla

PREDAK 1% oftalmoloji suspenziya

Predak tərkibi və köməkçi maddələr

Təsiredici maddə: 1 ml suspenziyanın tərkibində 10 mq prednizolon asetat vardır.
Köməkçi maddələr: benzalkonium xlorid, hidroksipropil metilsellüloza, polisorbat 80, qliserin, susuz iki əsaslı natrium fosfat, dinatrium edetat, limon turşusu, natrium hidroksid, inyeksiya üçün su.

Əks göstərişlər

Gözün müalicə olunmamış kəskin infeksiyaları, kəskin səthi herpes simpleks (dendrit keratiti), vaksinasiya, suçiçəyi və buynuz qişanın və konyunktivanın digər əksər virus xəstəlikləri zamanı istifadəsi qadağandır. Gözün göbələk xəstəliklərində, vərəmdə və preparatın komponentlərindən hər hansı birinə qarşı yüksək həssaslıq olduqda istifadə olunmamalıdır.

Hamiləlik və laktasiya dövründə istifadəsi

Hamiləlik dövründə preparatın istifadəsinin təhlükəsizliyi barədə kifayət qədər sübut yoxdur. Heyvanlarda kortikosteroidlərin istifadəsi dölün inkişaf qüsurlarına səbəb ola bilmişdir. Buna görə preparat yalnız potensial fayda potensial riskdən üstün olduqda təyin edilməlidir. Laktasiya dövründə preparatın istifadəsi tövsiyə olunmur, çünki ana südünə keçməsi barədə məlumat yoxdur.

Predak istifadə qaydası, dozası

PREDAK gözə damızdırılaraq istifadə olunur. Böyüklərdə gündə 2-4 dəfə konyunktiva kisəsinə 1-2 damcı damızdırılır. İlk 24-48 saat ərzində dozalanma tezliyi saatda 2 dəfə olaraq artırıla bilər. İstifadədən əvvəl flakonu çalxalamaq lazımdır. Uşaqlarda təhlükəsizlik və effektivlik tam müəyyən edilməmişdir.

Əlavə təsirləri

İmmun sistemdə: yüksək həssaslıq, övrə.
Sinir sistemində: başağrısı.
Gözdə: gözdaxili təzyiqin yüksəlməsi, katarakta, buynuz qişanın və skleranın perforasiyası, gözdə yanma və qıcıqlanma, dumanlı görmə, midriaz.
Mədə-bağırsaqda: dad hissinin dəyişməsi.
Dəridə: qaşınma, səpgi.
Kortikosteroidlərin uzunmüddətli istifadəsi sistem əlavə təsirlərə də səbəb ola bilər.