Bitib
Stokda olanda mənə xəbər verin.Təsiredici maddə: 1 tabletin tərkibində 3 mq qlimepirid vardır.
Qlimepiridə və ya preparatın hər hansı köməkçi maddəsinə, sulfonil-sidik cövhərinin digər
törəmələrinə və ya sulfanilamid preparatlarına qarşı hiperhəssaslıq; insulindən asılı diabet (I tip şəkərli diabet); çox yüksək qan şəkərinin səbəb olduğu bayılma və ya huşunu itirmə hallarında (diabetik
prekoma və koma); diabetik metabolik dekompensasiya (məsələn, ketoasidoz və ya onun anamnezdə olması); ağır böyrək və ya qaraciyər çatışmazlığı.
Qlimepirid Denk 3 preparatının ağır böyrək çatışmazlığı olan pasiyentlərdə (dializ xəstələri) və
ya ağır qaraciyər çatışmazlığı olan pasiyentlərdə istifadə təcrübəsi kifayət qədər deyil. Bu
səbəbdən, bu cür pasiyentlərə insulin ilə müalicə təyin olunur.
Hamiləlik
Hər hansı bir dərman qəbul etməzdən əvvəl həkiminiz və ya əczacıyla məsləhətləşin.
Qlimepirid Denk 3 preparatının hamiləlik dövründə istifadəsi əks göstərişdir.
Planlaşdırılan hamiləlik zamanı və ya hamiləlik baş verdikdə dərhal həkiminizə məlumat verin.
Laktasiya
Qlimepiridin ana südünə nüfuz etməsi məlum deyil, bu səbəbdən laktasiya dövründə preparatın
istifadəsi əks göstərişdir.
Preparatı həmişə həkiminizin tövsiyə etdiyi kimi istifadə edin. Əmin olmadığınız halda
həkiminizə və ya əczaçınıza müraciət edin.
Dozalanma rejimi
Qlimepiridin dozası qanda və sidikdə qlükozanın miqdarının analizinə əsasən müəyyən edilir.
Preparatın dozasında dəyişiklik, çəkinin azalması, həyat tərzinin dəyişməsi, stres və ya xəstəliyin
yaxşılaşması kimi halların dəyişməsi səbəbindən lazım ola bilər.
Böyüklər üçün adi başlanğıc doza gündə 1 mq Qlimepiriddir. Müalicə qənaətbəxş olarsa, bu
doza dəstəkləyici terapiyası üçün istifadə edilə bilər.
Lazım gəldikdə gündəlik doza qanda qlükozanın miqdarına müntəzəm şəkildə nəzarət etməklə
və aşağıdakı ardıcıllıqla tədricən artırıla bilər (1-2 həftə fasilə ilə): gündə 1 mq, 2 mq, 3 mq, 4
mq.
Gündə 4 mq-dan çox Qlimepiridin dozası yalnız az sayda xəstədə daha effektiv hesab olunur.
Maksimum gündəlik doza 6 mq qlimepiriddir.
Metforminin maksimal gündəlik dozada tətbiqi ilə şəkərli diabetin nəzarəti qənaətbəxş
olunmadıqda, müalicə Qlimepirid Denk 3 preparatı ilə kombinasiyada başlana bilər.
Qlimepirid Denk 3 preparatının maksimal gündəlik dozada tətbiqi ilə şəkərli diabetin nəzarəti
qənaətbəxş olunmadıqda, müalicə insulin ilə kombinasiyada başlana bilər.
Bu hallarda həkiminiz Qlimepirid Denk 3, metformin və ya insulinin fərdi olaraq nə qədər tələb
etdiyinə qərar verəcəkdir.
Preparatının qəbulu
Tabletlər kifayət qədər maye (təxminən 0,5 stəkan) ilə udulmalıdır.
Həyat tərzinizi (pəhriz vərdişləri) nəzərə alaraq qəbul vaxtı və dozalara bölünməsi barədə
həkiminiz qərar verəcəkdir.
Preparatın tətbiqi tamdəyərli səhər yeməyindən əvvəl və ya səhər yeməyi zamanı, yaxud gün
ərzində ilk qida qəbulundan əvvəl və ya qida qəbulu zamanı tövsiyə olunur.
Qlimepirid Denk 3 prepataını həkiminizin təklif etdiyi vaxt qrafikinə uyğun qəbul etmək
vacibdir. Preparatın tətbiqindən sonra yeməyin qəbulu buraxmamaq çox vacibdir.
Qlimepirid Denk 3 təsirinin çox güclü və ya çox zəif olduğunu hiss edirsinizsə, həkiminizə bu
barədə məlumat verin.
Qlimepirid Denk 3 preparatının istifadəsi unudularsa
Bir doza qəbul etməyi unutduqda, növbəti doza öz vaxtında qəbul edilməlidir. Unudulmuş
dozanı əvəz etmək üçün ikiqat doza istifadə edilməməlidir.
Qlimepirid Denk 3 ilə müalicə dayandırılarsa
Müalicə kəsilərsə və ya vaxtından əvvəl dayandırılarsa, preparatın arzu olunan qan şəkərinin
azaldıcı effekti əldə olunmaya bilər və ya xəstəlik yenidən pisləşə bilər.
Bu dərman preparatının istifadəsi ilə bağlı suallarınız yarandıqda, həkiminizlə və ya əczaçı ilə
məsləhətləşin.
AZ − AZN
