Sorbifer Durules 320/60 Mq N30 Tablet

SORBİFER DURULES, örtüklü tabletlər

SORBİFER DURULES tərkibi

SORBİFER DURULES tərkibi, 1 tabletin tərkibində 320 mq dəmir (III) sulfat (100 mq Fe (II) müvafiq), 60 mq askorbin turşusu vardır

Sorbifer Durules, istifadəsinə göstərişlər

Dəmirdefisitli anemiyanın profilaktikası və müalicəsi. Hamilə qadınlarda qidalanma rasionu dəmirin adekvat qəbulunu təmin etmədikdə, dəmir defisitinin profilaktikası.

Əks göstərişlər

Preparatın tərkibinə daxil olan təsiredici maddələrdən və ya köməkçi maddələrdən hər hansı birinə qarşı yüksək həssaslıq; qida borusunun stenozu və/və ya mədə-bağırsaq traktının obstruktiv dəyişiklikləri; orqanizmdə dəmirin toplanmasının yüksəlməsi ilə müşayiət olunan patoloji proseslər (məsələn, hemoxromatoz və hemosideroz); qan köçürülmələrinin təkrar aparılması; dəmir çatışmazlığı ilə əlaqəli olmayan digər anemiya növləri – həmin anemiyalar zamanı dəmir çatışmazlığı müşahidə olunduğu hallar istisna olmaqla.

Hamiləlik və laktasiya dövründə istifadəsi

SORBİFER DURULES terapevtik dozada hamiləlik və laktasiya dövründə istifadə edilə bilər.

İstifadə qaydası və dozası

Böyüklərə və yaşı 12-dən yuxarı olan uşaqlara: gündə 2 dəfə (səhər və axşam) 1 tablet. Əlavə effektlər olduqda doza gündə 1 tabletə qədər azaldıla bilər. Zərurət olduqda doza gündə 2 dəfə 3-4 tabletə qədər artırıla bilər. Hamiləlik dövründə: ilk 6 ayda gündə 1 dəfə 1 tablet, üçüncü trimestrdə və laktasiya dövründə gündə 2 dəfə 1 tablet. Müalicə müddəti fərdi laborator göstəricilərə əsasən müəyyən edilir. Müalicə adətən 2-6 ay davam edir. 12 yaşdan aşağı uşaqlara təyin edilmir. İstifadə qaydası: preparat daxilə bütöv və su ilə qəbul edilməlidir. Sormaq, ağız boşluğunda saxlamaq, qırmaq və çeynəmək olmaz. Qida qəbulundan əvvəl və ya zamanı istifadə olunur. Uzanılı vəziyyətdə qəbul etmək olmaz.