Tetrasiklin 1% 3 Qr Məlhəm

TETRASİKLİN, göz məlhəmi

Tetrasiklin tərkibi

 Təsiredici maddə:  1 q məlhəmin tərkibində aktivliyi 1000 mkq/mq olan quru maddə hesabı ilə  0,01 q tetrasiklin vardır. Köməkçi maddələr:susuz lanolin, vazelin.

İstifadəsinə göstərişlər:

 Tetrasiklinə qarşı həssas mikroorqanizmlər tərəfindən törədilmiş bakterial (o cümlədən, xlamidiya) göz infeksiyaları-blefarit, blefarokonyunktivit, keratit, keratokonyunktivit, meybomit (itdirsəyi), traxoma.

Əks göstərişlər:

  Preparatın komponentlərinə qarşı hiperhəssaslıq; böyrəklərin və qaraciyərin funksiyasının pozulması; hamiləlik; laktasiya dövrü; 8 yaşa qədər uşaqlar.

Hamiləlik və laktasiya dövründə istifadəsi:

 Hamiləlik və laktasiya dövründə preparatın istifadəsi əks göstərişdir.

Tetrasiklin istifadə qaydası, dozası

 Yerli istifadə edilir. 0,5-1 sm məlhəm zolağı alt göz qapağının arxasına çəkilir: - blefarit, blefarokonyuktivit: 5-7 gün ərzində gündə 3-4 dəfə; - - - keratit, keratokonyunktivit : 5-7 gün ərzində gündə 2-3 dəfə. Müalicənin ilk 3-5 günü ərzində pasiyentin vəziyyəti yaxşılaşmadıqda, həkimlə məsləhətləşmək lazımdır; meybomit (itdirsəyi): iltihab simptomları itənə qədər gecələr istifadə edilir; traxoma: hər 2-4 saatdan bir və ya tez-tez 1-2 həftə ərzində. İltihab prosesi azaldıqda, preparat gündə 2-3 dəfə istifadə edilir. Traxomanın müalicə kursunun müddəti 1-2 ayı aşmamalıdır.