Bitib
Stokda olanda mənə xəbər verin.Tobreks tərkibi, 1 ml məhlulun tərkibində 3 mq tobramisin (3 mq/ml) vardır. Köməkçi maddələr: bor turşusu, susuz natrium sulfat, natrium xlorid, tiloksapol, benzalkonium xlorid, sulfat turşusu və natrium hidroksid, təmizlənmiş su.
Tobreks yerli istifadə üçün nəzərdə tutulmuş antibiotik olub, göz və gözün əlavə aparatının tobramisinə həssas olan bakteriyalar tərəfindən törədilən infeksiyalarının müalicəsi zamanı istifadə edilir; əsasən digər antibiotiklərə qarşı rezistent olan, xüsusilə Pseudomonas aeruginosa tərəfindən törədilən infeksiyalar; aşağıdakılarla məhdudlaşmayaraq: bakterial konyunktivit, blefarit, keratokonyunktivit, blefarokonyunktivit, keratit, dakrosistit, ön seqment əməliyyatında cərrahi əməliyyatdan əvvəl və sonra profilaktik tədbir kimi. Tobreksdən istifadə zamanı, bakteriyaların müalicəyə həssaslığının müvafiq müşahidəsi aparılmalıdır.
Preparatın təsiredici maddələrinə və ya komponentlərindən hər hansı birinə qarşı yüksək həssaslıq.
Yerli tətbiq olunan okulyar tobramisinin hamilə qadınlarda istifadəsi ilə bağlı məlumat məhdud və ya yox dərəcəsindədir. Hamilə qadınlarda tobramisin venadaxili yeridilmədən sonra plasentadan keçərək dölə nüfuz etmişdir. Tobramisinin bətndaxili ekspozisiya nəticəsində ototoksikliyə səbəb olması ehtimal edilmir. Heyvanlar üzərində aparılmış tədqiqatlarda Tobreks göz damcısının insanlar üçün tövsiyə edilən dozalardan əhəmiyyətli dərəcədə yüksək dozalarının istifadəsi zamanı reproduktiv toksiklik əlamətləri aşkar olunmuşdur (klinik olaraq məhdud əhəmiyyətli). Tobramisinin siçovullarda və ya dovşanlarda teratogenliyə səbəb olması qeyd edilməmişdir. Tobramisin göz damcısı hamiləlik zamanı yalnız mütləq zəruriyyət yarandıqda istifadə edilə bilər. Tobramisin sistem şəkildə istifadədən sonra, insanlarda ana südünə nüfuz edir. Tobramisinin yerli okulyar istifadədən sonra insanlarda ana südünə keçməsi məlum deyil. Yerli istifadədən sonra tobramisinin ana südündə aşkar miqdarda olması və ya körpəyə klinik təsir göstərməsi ehtimal edilmir. Buna baxmayaraq, südəmər uşaqlar üçün risk istisna edilmir. Körpələrin ana südü ilə qidalandırılması və ya müalicənin dayandırılması fayda/risk nisbətinə əsasən qərara alınmalıdır.
Böyüklər və 1 yaşından yuxarı uşaqlar üçün Tobreks 3 mq/ml göz damcısı, məhlul, yüngül və orta dərəcəli infeksiyalarda 7 gün müddətinə, 4 saatlıq müntəzəm intervallarla konyunktival kisəciyə 1-2 damcı təyin edilir. Ağır dərəcəli infeksiyalar zamanı, hər saatdan bir 2 damcı təyin edilir. Xəstənin vəziyyəti yaxşılaşdıqda, preparatın dozası azaldıla bilər. Uşaqlarda (1 yaşından yuxarı) böyüklərlə eyni dozada istifadə olunur. 1 yaşından aşağı uşaqlara dair məlumatlar məhduddur. Preparatın təhlükəsizliyi və effektivliyi 2 aydan balaca uşaqlarda müəyyən edilməmişdir. Yaşlı və cavan xəstələr arasında preparatın təhlükəsizliyi və effektivliyinə dair klinik fərq müşahidə edilməmişdir. Böyrək və qaraciyər funksiyası pozulmuş xəstələrdə təhlükəsizlik və effektivlik müəyyən edilməmişdir. Yalnız yerli istifadə üçündür. İstifadə edilmədiyi zaman flakon kip bağlanmalıdır. Flakonun qapağını açdıqdan sonra, flakonun kənarındakı halqa boşalarsa, dərman vasitəsinin istifadəsindən əvvəl halqanı çıxarmaq lazımdır. Preparatın istifadəsindən sonra burun-göz yaşı kanalının barmaqla asta basılması və ya göz qapaqlarının yavaş bağlanması tövsiyə edilir. Bu yerli istifadə edilən dərman vasitəsinin sistem absorbsiyasını azaldaraq, sistem əlavə təsirləri azalda bilər. Birdən artıq oftalmoloji vasitələr təyin edildikdə, hər bir dərman vasitəsi azı 5 dəqiqə fasilə ilə istifadə edilməlidir. Göz məlhəmi ən sonda tətbiq edilməlidir. Damcıtökənin və məhlulun çirklənməsinin qarşısını almaq üçün damcıtökənin ucunu göz qapaqlarına, ətraf nahiyələrə və ya digər səthlərə toxundurmaq olmaz.
AZ − AZN
