Torax 5 ml Göz Damlası

TORAKS, 5 mq/ml göz damcısı, məhlul

Toraks, beynəlxalq patentləşdirilməmiş adı: Moxifloxacin.

TORAKS tərkibi

Təsiredici maddə: 1 ml məhlulda 5,45 mq moksifloksasin hidroxlorid (5 mq moksifloksasinə ekvivalent) vardır.

TORAKS, istifadəsinə göstərişlər

Moksifloksasinə həssas ştamlar ilə yaranmış irinli konyunktivitin yerli müalicəsi.
Antibakterial vasitələrin münasib istifadəsi üzrə rəsmi təlimatlara diqqət edilməlidir.

Əks göstərişlər

Təsiredici maddəyə, köməkçi maddələrə və ya digər xinolonlara qarşı yüksək həssaslıq.

Hamiləlik və laktasiya dövründə istifadəsi

Hamiləlik dövründə istifadəsi təhlükəli sayılmır, çünki sistemli təsiri cüzidir.
Laktasiya zamanı istifadəsi mümkündür – terapevtik dozalarda uşağa təsiri gözlənilmir.

TORAKS, istifadə qaydası

Böyüklər və yaşlılar: gündə 3 dəfə zədələnmiş gözə 1 damcı – 5 gün davam etdirilməli, əlavə olaraq 2–3 gün uzadıla bilər.
Müalicə 5 gün ərzində effekt verməzsə, diaqnoz və müalicə yenidən qiymətləndirilməlidir.
Digər oftalmoloji preparatlarla 5 dəqiqə fasilə verilməlidir.
2 yaşdan kiçik uşaqlarda istifadə olunmamalıdır.

Əlavə təsirləri

Əsasən: göz ağrısı, qıcıqlanma, quruluq, qaşınma, konyunktival hiperemiya, baş ağrısı, disgevziya.
Bəzən: keratit, konjonktivit, göz şişi, bulanıq görmə, subkonyunktival qansızma, ürəkbulanma, burun və boğazda narahatlıq.
Məlum olmayan: endoftalmit, xoralı keratit, buynuz qişa bulanıqlığı və ödemi, blefarit, göz allergiyası, dəridə səpgi, övrə, hiperhəssaslıq.