Vitamin E 10% Yağ, 20 ml

ALFA-TOKOFEROL ASETAT (vitamin E), daxilə qəbul üçün yağlı məhlul

ALFA-TOKOFEROL ASETAT tərkibi

ALFA-TOKOFEROL ASETAT tərkibi, daxilə qəbul üçün yağlı məhlul Təsiredici maddə: 1 ml preparatın tərkibində, 100% maddəyə nəzərən, 50 mq, 100 mq və ya 300 mq vitamin E-asetat vardır. Köməkçimaddələr: günəbaxan yağı.

ALFA-TOKOFEROL ASETAT, istifadəsinə göstərişlər

Konpleks müalicənin tərkibində: • müxtəlif xarakterli və mənşəli əzələ distrofiyalarının, • oynaq və vətər-əzələ kontrakturlarının (Dyupyuitren kontrakturası), • onurğa beyni zədələnmələrinin (yan amiotrofik skleroz), • birləşdirici toxumanın sistem xəstəliklərinin (revmatoid artrit, dermatomiozit, revmatizm və fibrozit), • kişi cinsiyyət vəzilərinin funksiyalarının və menstrual siklin pozğunluqlarının, hamiləliyin kəsilməsi təhlükəsinin müalicəsi, • periferik damarların zədələnmələrində, damarların aterosklerozunda, miokardiodistrofiyada, hipertoniya xəstəliyində, • dərinin allergik və xora xəstəliklərində, psoriazda, • qalxanabənzər vəzinin endokrin xəstəliklərində, şəkərli diabet, • parodontoz, • antioksidant müalicə tələb edən patologiyalarda, • uşaqlar - yenidoğulmuşlarda hemolitik sarılığın müalicəsi, körpələrdə kapilyarların keçiriciliyinin artması, hipotrofiya, raxit, inkişafın ləngiməsi, birləşdirici toxumanın sistem xəstəlikləri (sklerodermiya, yuvenil revmatoid artrit), hipoxrom anemiya.

Əks göstərişlər

Preparatın komponentlərinə qarşı yüksək fərdi həssaslıq, ağır kardioskleroz, miokard infarktı, E vitamininin hipervitaminozu, tireotoksikoz.

Hamiləlik və laktasiya dövründə istifadəsi

Hamiləlik və laktasiya dövründə preparatı həkimin təyinatına əsasən istifadə etmək lazımdır.

ALFA-TOKOFEROL ASETAT, istifadə qaydası

Alfa-Tokoferol asetat (vitamin E) daxilə təyin edilir. 1 ml məhlulun tərkibində müvafiq olaraq 50 mq, 100 mq və ya 300 mq E vitamini vardır (1 ml məhlulda damcısalanın 25 damcısı vardır).

Uşaqlarda istifadəsi Preparat uşaqlarda doğulduqları andan etibarən, lakin yalnız həkimin təyinatına əsasən və onun nəzarəti altında istifadə edilə bilər.