Out Of Stock
Notify me when its in stockTəsiredici maddə:1 ampulda (2 ml) 80,0 mq Aktovegin konsentrat (buzovların qanının deproteinləşdirilmiş hemoderivatı) 1) vardır. Köməkçi maddə: inyeksiya üçün su, 1 M xlorid turşusu. Təsiredici maddə: 1 ampulda (5 ml) 200,0 mq Aktovegin konsentrat (buzovların qanının deproteinləşdirilmiş hemoderivatı) 1) vardır. Köməkçi maddə: inyeksiya üçün su, 1 M xlorid turşusu. Təsiredici maddə: 1 ampulda (10 ml) 400,0 mq Aktovegin konsentrat (buzovların qanının deproteinləşdirilmiş hemoderivatı) 1) vardır. Köməkçi maddə: inyeksiya üçün su, 1 M xlorid məhlulu. 1) Aktovegin konsentratının tərkibində buzovların qanının komponentləri olan natrium və xlor ionları şəkilində natrium xlorid vardır. Konsentratın istehsalı prosesində natrium xlorid əlavə edilmir və xaric edilmir. Natrium xloridin miqdarı təxminən 53,6 mq (2 m ampullar üçün), təxminən 1340 mq (5 ml ampullar üçün) və təxminən 268,0 mq (10 ml ampullar üçün) təşkil edir.
İstifadəsinə göstərişlər:
Kompleks müalicənin tərkibində: İnsultdan sonrakı koqnitiv pozulmalar və demensiya daxil olmaqla koqnitiv pozulmaların simptomatik müalicəsi. Periferik qan dövranının pozulmalarının və onların fəsadların simptomatik müalicəsi. Diabetik polineyropatiyanın (DPN) simptomatik müalicəsi.
Əks göstərişlər:
Aktovegin preparatına və bənzər preparatlara və ya köməkçi maddələrə qarşı yüksək həssaslıq. Dekompensə olunmuş ürək çatışmazlığı, ağciyər ödemi, oliquriya, anuriya, orqanizmdə mayenin ləngiməsi. 18 yaşa qədər uşaqlar.
Hamiləlik və laktasiya dövründə istifadəsi:
Aktovegin yalnız onun döl və ya uşaq üçün terapevtik faydası potensial riskdən üstün olduğu hallarda istifadə oluna bilər.
Arteriya daxilinə, venadaxili, əzələdaxili, infuziya üçün məhlullara əlavə oluna bilər. Qırılma nöqtəsi olan ampulların istifadəsinə dair təlimat: Ampulun ucunu nöqtəsi yuxarı istiqamətdə yerləşdirin. Barmağınız ilə ehtiyatla vurun və ampulu çalxalayaraq məhlulun ampulun ucundan aşağı axmasını təmin edin. Ampulun ucunu nöqtəsi yuxarı istiqamətdə yerləşdirin. Ampulun ucunu şəkildə göstərilən qaydada qırın. Klinik təzahürlərin ağırlıq dərəcəsindən asılı olaraq əvvəl hər gün 10-20 ml preparat venadaxili və ya arteriya daxilinə yeridilir; sonra isə venadaxili və ya əzələdaxili ləng, hər gün və ya həftədə bir neçə dəfə 5 ml yeridilir. İnfuziya şəklində yeridilməsi üçün 10-50 ml preparat 200-300 ml əsas məhlula (natrium xlorid izotonik məhlulu və ya 5% qlükoza məhlulu) əlavə edilir. İnfuziya sürəti təxminən 2 ml/dəq təşkil edir. Əzələdaxili inyeksiyalar üçün 5 ml-ə qədər preparat istifadə edilir, məhlul hipertonik olduğu üçün preparat ləng yeridilməlidir. Postinsult koqnitiv pozulmalar İşemik insultun kəskin dövründə, 5-7-ci gündən başlayaraq, gündə 2000 mq venadaxili damcı üsulu ilə 20 infuziyaya qədər, sonra isə 2 tabletdən gündə 3 dəfə (1200 mq/gün). Müalicənin ümumi müddəti 6 ay təşkil edir. Demensiya Gündə 2000 mq venadaxili damcı üsulu ilə 4 həftə müddətində. Periferik qan dövranının pozulmaları və onların fəsadları Gündə 800-2000 mq arteriya daxilinə və ya venadaxilə damcı üsulu ilə. Müalicənin müddəti 4 həftəyə qədər. Aşağı ətrafların arteriyalarının xroniki obliterasiya edən xəstəlikləri olan xəstələrin III mərhələdə Fonteynlə müalicəsi üçün preparatın 1200 mq venadaxili damcı üsulu ilə 2 həftə ərzində effektivliyi və təhlükəsizliyi öyrənilmiş və sonra isə 1-2 tabletdən gündə 3 dəfə 10 həftəyə qədər. Diabetik polineyropatiya Gündə 2000 mq vendaxili damcı üsulu ilə 20 infuziya, sonra isə 3 tabletdən gündə 3 dəfə (1800 mq/gün), müalicə müddəti – 4-5 ay.
EN − AZN
