Ansimar 400 Mg N20 Tablet

ANSİMARâ, 400 mq tabletlər.

Ansimar tərkibi 

Təsiredici maddə:1 tabletin tərkibində 400 mq doksofillin vardır. Köməkçi maddələr: susuz kolloidal silisium dioksid, sulu kolloidal silisium dioksid, prejelatinləş- dirilmiş qarğıdalı nişastası, laktoza monohidrat, povidon K30, mikrokristallik sellüloza + natrium karboksimetilsellüloza, talk, maqnezium stearat.

İstifadəsinə göstərişlər:
 Bronxial astma, bronxların spazmı ilə müşayiət olunan ağciyər xəstəlikləri.

Əks göstərişlər:

 ANSİMARâdərman vasitəsinə və ya digər ksantin törəmələrinə qarşı yüksək həssaslıq. Kəskin miokard infarktı, hipotenziya, laktasiya dövrü.

Hamiləlik və laktasiya dövründə istifadəsi:
 Hamiləlik zamanı insanlarda aparılan təcrübələr məhdud olduğu üçün, ksantinlər hamilə qadına yalnız xüsusi ehtiyac olduğu zaman, risk və faydası qiymətləndirilməklə təyin oluna bilər. Laktasiya zamanı istifadəsi əks göstərişdir.

Ansimar istifadə qaydası, dozası

Böyüklərə 1 tablet (400 mq) gündə 2-3 dəfə daxilə qəbul üçün təyin edilir. Tövsiyə edilən dozalanmada doksofillinin plazma səviyyələri bir qayda olaraq 20 mkq/ml-i aşmır, bu səbəbdən səviyyələrinin mütəmadi yoxlanmasına ehtiyac yoxdur. Dozanın artırılması zamanı qanda dərman vasitəsinin səviyyələrini yoxlamaq lazımdır (terapevtik göstəricilər 10 mkq/ml-ə yaxın, toksiklik səviyyəsinin limitləri 20 mkq/ml).